Tơdroăng ki pro xôi pa k^ng rak tơniăn troăng kơxái on tơhrik hlo ôh tá hâi hmiân a cheăm Ea Ktur, tơring }ư\ Kuin, kong pơlê Dak Lak. Tơ’lêi hlo má môi cho a kơpong kơchơ Trung Hòa, drô troăng kân kơxo# 27, tíu ki ai troăng kơxái on tơhrik ki têi ai ivá 110 KV tơdjêp troh.

A kố, ai hên rơpo\ng kuăn pơlê pro hngêi ối, po tíu ki tê mơdró hdi xo k^ng troăng tâp trăng on tơhrik, thăm nếo tiăng tôl tâ tá trăng on tơhrik ki têi, tâng ai tơdroăng klâi xâu xía, chếo lơ pơtôu tung rơnó mê gá rơ-iô khât. Jâ Nguyễn Thị Lan, mung môi toăng hngêi, ai tôl tiăng tâ tá trăng on tơhrik vâ tê mơdró hmân ếo tối:

‘’On tơhrik vâi toi kơxái môi tiah mê, pin á thế chiu yoh, ‘nâi pro tiah lâi. Hlo rơ-iô khât xuân athế chiu. Nôkố ‘nâi lăm hơ’lêh tê a lâi. Ki ‘ló pin athế ai rơkong tơpui tối, tiah lâi ăm khu ki ngăn on tơhrik tối ‘na tơdroăng mê’’.

Bu riân krê to a tơring }ư\ Kuin, 16 rơpo\ng ai hngêi ối pro xôi k^ng trăng kơxái on tơhrik, tung mê ki hên vâi tiăng tôl tâ tá trăng on tơhrik. Pák^ng mê, }ư\ Kuin xuân cho kơpong ki pêt tiu hên má môi dêi kong pơlê Dak Lak, mê tơdroăng ki pro xôi a k^ng troăng on tơhrik a kơdrum loăng hlo hên h^n.

Malối a rơnó poê rơmôe lơ rơnó krí tiu, kuăn pơlê xúa kông ki pro [ă meăm xo\n lối chât met, hếo vâ troh a kơxái on tơhrik, mê mơni kô tơ’lêi trâm xía vâ. Ki nhên ga, môi tiah nâ Nguyễn Thị Khang, ối a thôn 18, cheăm Ea Ktur, tơring }ư\ Kuin hiăng tro on tơhrik hrik tung pơla dế hếo krí tiu.

Pôa Đặng Xuân Vũ, Kăn pơkuâ ngăn on tơhrik }ư\ Kuin ăm ‘nâi, pá k^ng mâu kế tơmeăm môi tiah hngêi ối pro xôi tung pơla hên hơnăm tá hâi châ tơleăng mơnhên, mê tơdroăng ki kuăn pơlê pêt tiu pá kơdâm troăng kơxái on tơhrik gá rơ-iô khât.

‘’Tung hơnăm kố nah ai hên ngế trâm xía vâ. Vâi xúa kông meăm vâ krí tiu la ôh tá tơniăn ki kơtăn pơla troăng kơxái mê tro on tơhrik hrik. Vâi ôh tá tơmiât mê cho on tơhrik dâng 50 cm gá chiâng hrik, pơla hdrối kố nah ai ngế a Ea Ktur tro on tơhrik hrik. Vâi xuân pơsăm tối thế chêl thie#n, la ki khât gá xôi ing tơná vâi ôh tá xê xua ing khu rak ngăn on tơhrik. Ai hên roh vâi ko loăng la ôh tá tối tơbleăng, loăng kơtong a troăng kơxái, pro chiâng hrik, vâi xâu, vâi hdâ hlối’’.

Dak Lak sap apoăng hơnăm 2017, a kong pơlê ai 114 kế tơmeăm, hngêi ối pro xôi troăng on tơhrik. Mâu tơdroăng ki pro xôi kố ki hên cho tiăng tôl tâ tá trăng on tơhrik ai ivá krâ kơvâ. Pá k^ng mê, tơdroăng ki pro xôi k^ng troăng on tơhrik a mâu troăng on, kơdrum loăng kơxu a tơring }ư\ Mgar, loăng karê pro xâp rơngiâp hding khía tung kơdrum kơphế dêi Ko\ng ti kơphế Thắng Lợi a tơring Krông Pa] lơ mâu kơdrum tiu a tơring }ư\ Kuin [ă hía hé hlo hên h^n.

Pôa Bùi Khắc Dũng, Kăn pơkuâ [ơrô Kih thua#t rak tơniăn, cheăng tung Ko\ng ti On tơhrik Dak Lak ăm ‘nâi: Hơnăm kố, lâp kong pơlê hiăng pơkâ tơleăng 26 ngế pro xôi, ki hên cho khu mơdró kâ hbrâ rơnáu pêi pro.

Ki u ối hiăng chêh pro hlá mơ-éa pơtroh tơrêm rơpo\ng ki pro xôi, tơdrêng a mê hnối pơkâ thế khu kăn pơkuâ tơru\m ‘mâi rơnêu, la nôkố xuân ối 28 rơpo\ng tá pêi pro. Rơtế [ă mâu troăng hơlâ tối tơbleăng, mơhnhôk, kơvâ ngăn on tơhrik xuân hiăng mơjiâng túa pơkâ ‘mâi rơnêu tung la ngiâ.

‘’Ki hên, mâu rôh kơdroh ivá on pơrá xua kơvâ ngăn on tơhrik hbrâ rơnáu ‘mot tung mâu tơdroăng tơkêa bro ‘mâi rơnêu [ă mơjiâng, tiô túa ki xe\n, rơnêu, mơdêk, hơ’lêh troăng ki ê lơ hơ’lêh kơxái [ă hên tơdroăng ki ê, hên troăng hơlâ pơkâ ‘na kih thuât.

Tơdroăng ki tơru\m dêi kuăn pơlê mê tá hâi kơhnâ, tá hâi hlê ple\ng. Ki u ối xuân hiăng chêh túa pơkâ tung ‘mâi rơnêu rêm hơnăm vâ ‘mâi rơnêu, kơdroh mâu tơdroăng ki xâu xía mê’’.

Rak tơniăn drô k^ng trăng kơxái on tơhrik ti xê to vâ pro ăm ai tơhrik tơniăn le\m, mê ối kum ăm tơdroăng xúa on tơhrik tung pêi cheăng kâ, tê mơdró la ki kal tâ cho rak tơniăn ăm ivá châ chăn kuăn mơngế tung kơpong ai troăng kơxái on tơhrik tơkâ luâ.

Laga, a Dak Lak, a hên kơpong kuăn pơlê rêh ối, tâi tâng mâu hngêi trăng, kế tơmeăm pơrá pro xôi pa k^ng troăng trăng on tơhrik, hên kơpong pêt tơmeăm, kuăn pơlê ôh tá vâ hmâng troh tơdroăng ki rơ-iô dêi on tơhrik.

Kơlo ki rơ-iô troh ivá kuăn pơlê hiăng châ kơvâ ngăn on tơhrik tối tơbleăng la hên rơpo\ng kuăn pơlê xuân tá hâi ai tơdroăng ki tơru\m vâ ‘mâi rơnêu.

            Quốc Học chêh

Katarina Nga tơplôu [ă tơbleăng