Sap ing hơnăm 2003, lối chât rơpo\ng hdroâng kuăn ngo ing kơpong peăng Kơnho\ng tơnêi têa lăm troh ối a Kong 249, ối tung cheăm Ea Lê, tơring Ea Soup, kong pơlê Dak Lak. Klêi kơ’nâi hên hơnăm mơdâng pro hơkôp rêh ối pơtân, po pông tơnêi, la tơdroăng rêh kâ ối dêi kuăn pơlê xuân ối trâm hên xơpá, xua mê, tơdroăng ăm dêi kuăn ‘ne\ng lăm hriâm cho tơdroăng ki pá puât ó khât.

Maluâ ti mê, khu kăn pơkuâ [ă mâu râ cheăng dêi cheăm kố xuân ối chêh bro hlá mơ-éam krếo thế mâu thái cô lăm hnê hrâm a kơpong ki kơtiê xơpá kố. Hơnăm hriâm nếo klố, 2 ngế cô cho Trần Thị Nguyệt [ă Đinh Thị Trà Giang, Hngêi trung Mầm non cheăm Ea Lê châ rah xo vâ lăm troh a kopong Kong 249 vâ pơkuâ hnê 2 to lâm hriâm, tâi tâng ai 45 ngế vâi hdrêng sap ing 3 troh 6 hơnăm. Rêm hâi, mâu vâi cô athế prôk tơkâ luâ dâng 30 km tơkâ troăng rơnâk ngo, troăng lâ têa vâ troh a lâm hriâm. Cô Trần Thị Nguyệt ai tối:

‘’Kong tô ga chía, tâng kong mêi, prôk troăng krêa to trâp. Ai hâi ki ‘nâ kong mêi, má lăm hnê tung cheăm kố tro kơchoh tâi tâng, ai hâi ki ‘nâ prôk drô troăng kong kơdrâ mêi, má kơtong rơxế klêh pá kơdâm kông, mơhúa ôh tá tro klâi. Xua ing hiâm mơno git vâ kum hnê mơhno hok tro mê, má khoh lăm troh tu\m hâi khế hnê vâi hdrêng. Hok tro a kố xuân ôh tá hâi ‘nâi rơkê tơpui nâl Xuăn, mê tơdroăng tơpui tơno khoh chiâng trâm hên xơpá’’.

Kơpong kong 249, cheăm Ea Lê, tơring Ea Soup, kong pơlê Dak Lak

Lâm mầm non xua 2 ngế cô hnê akố cho môi to hngêi tâl, pro [ă loăng, xua jâ Bàn Thị Diêm, môi ngế đảng viên ối a kơpong kong 249 ăm mung hiăng châ hên hơnăm kố, la nôkố, lâm hriâm kố hiăng tơ’nhê. Nếo achê pơla kố, khu kăn pơkuâ ngăn tơring, cheăm hiăng ai troăng hơlâ ‘no mơjiâng 2 to lâm hriâm a kơpong kố, la xuân tá hâi teăm kâi châ mơjiâng, pêi pro, xua dế tơkôm tơdroăng pleăng tơnêi.

‘’Tơdroăng ki hloh hlê rơkê ple\ng dêi kuăn pơlê tá hâi ‘nhó hên. Xua mê drêng thế rơpo\ng ki lâi pleăng tơnêi ga xuân pá ó ‘nâng, xua tơnêi tơníu dêi vâi krâ-nho\ng o akố xuân hiăng tâi. Hngêi trung ki pơtân hdrối nah drêng á mot rêh ối a kố á ăm mung; á xuân hiăng pro hlá mơ-éa [ă Vi [an cheăm ăm mung ton hơnăm. Drêng la lâi tơnêi têa ‘no liăn mơjiâng hngêi trung hiăng tơniăn ah, mê rơpo\ng á nếo mơdrếo dêi tơnêi ki mê’’.

Kong 249 cho kơpong kong ngo, hdrối nah pơcháu ăm Ko\ng ti pêi cheăng tiô rơnó, môi tung khu cheăng }ư Mlanh pơkuâ ngăn. Xua kuăn pơlê mot rêh ối ôh tá châ ăm phêp, xua mê, khu kăn pơkuâ ngăn [ă kơvâ cheăng tá hâi teăm chêh pro ph^u rơpo\ng hngêi, tá hâi teăm mơjiâng, thôn pơlê vâ pơkuâ ngăn, mâu hngêi trăng, troăng klông xuân tá hâi ai liăn vâ mơjiâng pro. Ngoh Bàn Văn Sinh, cho ngế ki kơhnâ khât, mơ-eăm [ă châ vâi krâ-nho\ng o loi tơngah, hiăng pleăng hnoăng cheăng kum Vi [an hnê ngăn cheăm Ea Lê pơkuâ ngăn tung kơpong.

‘’Tung kố ai dâng 70% cho mâu kuăn pơlê ki ôh tá ‘nâi hlê chư. Hdrối troh mot rêh ối akố, drêng ối pá tá, kơpong hơngế hơngo xuân ôh tá ai hngêi trung. Rêh ối a kơpong ki kố xuân tá hâi teăm ai khu kăn pơkuâ ngăn môi tiah mâu thôn ki ê. Á xuân hnê tối ăm kuăn pơlê rêh ối tro tiô Luât xiâm tơnêi têa, ôh tá pro phá tâ [ă tơdroăng pơkâ. Drêng hnê tối, mê pin tơpui nâl hdroâng kuăn ngo. Mâu tơdroăng kố pin mơhno\ng pêi xêh, ôh tá ai kơbố mơhá hoăng cheăng’’.

Khu ngăn ‘na hnhâng kơxái on tơhrik Dak Lak lăm troh diâp tơmeăm ăm Lâm Mầm non a kơpong kong 249 xua cô Trần Thị Nguyệt pơkuâ lâm

Apoăng nah, sap ing chât rơpo\ng troh rêh ối a kố, mê nôkố a kơpong kong 249, ối tung cheăm Ea Lê, tơring tíu tơkăng kong Ea Soup, kong pơlê Dak Lak hiăng ai dâng 180 rơpo\ng, vâ chê 1 rơpâu pơ’leăng mâ mơngế, ki hên cho hdroâng mơngế HMông [ă Dao. Tung pơla mê, a kố tá hâi teăm châ pơkuâ ngăn i rơhí rơhó môi tiah mâu tíu ki ê, tá hâi ai liăn vâ mơjiâng pro hngêi pêi cheăng, troăng klông, mê tơdroăng rêh kâ ối dêi kuăn pơlê tá hâi teăm châ mơnhông, [ă kuăn ‘ne\ng tá hâi châ hriâm, rêh kâ ối trâm hên xơpá.

Quốc Học chêh

Nhat Lisa tơplôu [ă tơbleăng