Dế hriâm lâm 9, o H’ Đuế Êban ối a [uôn Drai Sí, cheăm Ea Tar, tơring }ư M’gar, kong pơlê Dak Lak kơdrâ pơtê hriâm pâ nôu pâ vâ xo kơnố. Kơdrâ drêng tơdroăng tơmiât ôh tá klê dêi kuăn rơmúa, nâ H’Win Êban hiăng ti tăng troăng mơdât, tơdrêng amê kơnôm Khu pơkuâ vâi kơdrâi dêi pơlê hnê tối drêng dế 16 hơnăm tá hâi châ luât ăm phêp xo kơnố ‘nhiah. {a\ troăng khên chôa ‘lâng, hlối kơtăng, tá tui lui kuăn kơdrâi nâ hiăng hlê ple\ng [a\ tơmâng, ôh tá pâ xo kơnố xếo [a\ pơtối lăm hriâm.

 ‘’Kơnôm khu pơkuâ vâi kơdrâi pơtâng tối, mơhnhôk xua mê á hiăng hlê ple\ng mâu tơdroăng ki ôh tá tro drêng hơnăm ối nếo mê pâ xo kơnố, xua mê á hiăng pơchân kuăn á. Nôkố á hiăng lăm hriâm a hngêi trung. Á sôk ro ‘nâng’’

Tíu xiâm pơtâng tối ai kuăn preăng kuăn iâ tơring }ư M’gar pơtâng tối tơdroăng ai kuăn preăng kuăn iâ ăm kuăn pơlê

Cheăm Ea Tar cho môi tung tíu ki ai hên má môi dêi tơring }ư M’gar tơdroăng xo on veăng tá hâi tro hơnăm dâi vâi krâ hdroâng kuăn ngo. Tung 4 hơnăm hiăng hluâ, mê hơnăm ki lâi cheăm xuân hiăng châ ‘nâi lối 10 ngế xo on veăng tá hâi tro hơnăm, ki rơhêng vâ tối ai troh 20 ngế xo on veăng tá hâi tro hơnăm. Laga, kố cho kơxo# ki châ ‘nâi, laga ki khât gá ối hên tâ mê nếo, xua ôh tá kâi mơdât tâi tâng.

Jâ Thái Thị Anh Hòa, Kăn hnê ngăn khu pơkuâ vâi kơdrâi cheăm Ea Tar, tơring }ư M’gar tối ăm ‘nâi, tung pơla kố nah, [a\ tơdroăng ki mơdât kơtăng dêi khu kăn pơkuâ cheăm [a\ mâu khu pơkuâ đoân theh, kho\m pêi kơtăng dêi khu kăn pơkuâ cheăm [a\ mâu kơvâ cheăng, kho\m pơxâu mâu ngế ki mơhno\ng pro xôi, xua mê tơdroăng xo on veăng tá hâi tro hơnăm hiăng hơ’lêh hên, kơdroh 12 ngế tâng pơchông [a\ hơnăm 2017.

Khu pơkuâ vâi kơdrâi cheăm Ea Tar tơpui tơno [a\ nâ H’Win ‘na tơdroăng xo on veăng tá hâi tro hơnăm

‘’Mâu hơnăm hdrối khôi túa dêi mơngế Rơđế [a\ mơngế Dao kơxo# mơngế xo on veăng tá hâi tro hơnăm ối hên, xua sap ing hdrối nah vâi iâ hriâm xua mê pơtê hriâm cho mâu kuăn ‘ne\ng ki hiăng chiâng vâ mơnâ dêi pó. Sap hơnăm 2017 Đản u\i cheăm hiăng pơkâ ‘na tơdroăng xo on veăng tá hâi tro hơnăm, mâu kơvâ cheăng tơku\m pêi kơtăng xua mâu hơnăm ki mê tơdroăng xo on veăng tá hâi tro hơnăm, xua mê tâng pơchông [a\ mâu hơnăm hdrối mê kơxo# mơngế xo on veăng tá hâi tro hơnăm hơnăm 2018 troh nôkố hiăng kơdroh hên’’.

Môi tiah mê a cheăm Quảng Hiệp, hơnăm nah ai 10 khu ngế xo on veăng tá hâi tro hơnăm, laga hơnăm kố bu châ ‘nâi 2 khu ngế. Pôa Nguyễn Văn Sang – Pho\ hnê ngăn Vi[an cheăm Quảng Hiệp tối ăm ‘nâi, vâ mơngế hdroâng kuăn ngo hơ’lêh troăng tơmiât, mê khu kăn pơkuâ thế pêi pro kơtăng ing pơtâng tối [a\ hlối pơxâu phâk:

‘’Rêm hơnăm hmâ sap ing 10 – 13 khu ngế xo on veăng tá hâi tro hơnăm. Ngin xuân ‘nâi nhên kố cho tơdroăng pêi kal po rơdâ trâu hơhngế troh kuăn pơlê. Ngin pơtâng tối mơhnhôk vâi krâ [a\ hlối pêi; pơcháu ăm mâu ngế ki pơtâng tối lăm pơtâng rêm rơpo\ng ki tơ’lêi ai kuăn xo kơnốu tá hâi tro hơnăm.

Pak^ng mê ngin pêi cheăng [a\ Khu thái cô pơkuâ hngêi trung hriâm [a\ ai roh tơpui tơno vâ tung chôu hnê môn công dân. Tâng mơngế tung rơpo\ng hngêi tơku\m po ôu kâ pơkoăng ăm mơngế tá hâi tro hơnăm tiô pơkâ dêi luât mê kô pơxâu phâk liăn, kơlo pơxâu phâk sap ing 500 troh 1 rơtuh liăn’’.

Nâ H’Win hmiên tuăn mơnhông cheăng kâ xua kuăn kơdrâi hiăng tơmâng ôh tá re\ng xo kơnố drêng bu nếp 16 hơnăm.

Tiô xêo dêi Tíu xiâm pơkuâ pơ’leăng mâ mơngế - ai kuăn preăng kuăn iâ tơring }ư M’gar, hơnăm 2018, tung tơring ai 50 khu ngế xo dêi pó tá hâi tro hơnăm, kơdroh 62 khu ngế tâng pơchông [a\ hơnăm 2017. Tiô {ok thái pơkeăng Nguyễn Duy Lợi – Kăn pơkuâ Tíu xiâm pơtâng tối ‘na pơ’leăng mâ mơngế - ai kuăn preăng kuăn iâ tơring }ư M’gar, ki vâ mơnhên mê cho, hên kong pơlê hdrối nah cho ‘’tíu ki tô má môi’’ ‘na tơdroăng xo dêi pó tá hâi tro hơnăm, laga nôkố hiăng kơdroh hên.

‘’Tơdroăng xo dêi pó tá hâi tro hơnăm hơnăm 2018 tâng pơchông [a\ hơnăm 2017 cho kơdroh hên. Ki nhên hơnăm 2017 ai troh 112 khu ngế mê hơnăm 2018 ai 50 khu ngế. Hơnăm 2017 mê tung lâp tơring, cheăm ki lâi xuân ai. Hơnăm 2018 hiăng ai 5 cheăm ôh tá ai tơdroăng xo on veăng tá hâi tro hơnăm. Châ tơ-[rê tiah kố mê cho ai khu kăn pơkuâ cheăm, pơlê kân hiăng kơtăng pơxâu phâk [a\ mơngế ki pro xôi tung tơdroăng xo on veăng tá hâi tro hơnăm’’.

Tơdroăng xo on veăng tá hâi tro hơnăm a tơring }ư M’gar hiăng [a\ dế chôa ‘lâng châ mơdât. Laga, vâ xut tah tơdroăng kố khu kăn pơkuâ mâu khu râ kal pêi pro kơtăng tâ mê nếo, mơnhông tâ mê nếo hnoăng dêi đoân theh, khu ngế ki châ kuăn pơlê nhuo#m pâ loi tơngah tung pơlê pơla, thăm pơxâu phâk kơtăng mâu ngế ki mơhno\ng pro xôi.

Nam Trang chêh

A Sa Ly tơplôu [a\ tơbleăng