Cheăm Ia Lốp, tơring Ea Sup, kong pơlê Dak Lak cho tíu ki hmâ ai tơdroăng ti tơniăn ‘na rêh ối. Mâu hơnăm hdrối kố nah, akố hmâ ai tơdroăng tong hơ’ve\ng kế tơmeăm, tơbriât tơnêi tíu, ki malối cho tơdroăng ki ko kếo loăng [ă tí tăng lăm lúa kuăn kiâ kong hmâng to lo vâ. Pôa Hồ Văn Đức, môi ngế ki pơkuâ ngăn thôn Trung, cheăm Ia Lốp tối ăm ‘nâi, apoăng hơnăm 2015, Mô đo#i gak tơkăng kong Dak Lak hiăng tơru\m cheăng [ă Vi [an hnê ngăn cheăm, veăng rơtế [ă khu mô đo#i pơtrui ngăn, gak ngăn troăng tíu tơkăng kong.

Kuăn pơlê a tơkăng kong Dak Lak veăng lăm pơtrui rơtế [ă mô đo#i gak troăng tơkăng kong

Rêm khu ai sap ing 12 troh 15 ngế. Rêm khế, lơ 3 khế môi hdroh mâu ngế ki cheăng rak ngăn kong đi đo tơru\m [ă khu lêng gak ngăn tíu tơkăng kong. Kơnôm tiah mê, kơxo# khu ngế ki tong hơ’ve\ng, ko kếo loăng, lăm lúa mâm chăm tung kong, ai xôi troăng tíu tơkăng kong, ing mê, khoh châ chiâng mơdât lôi tơdroăng pro xôi.

‘’Thôn Trung ngin ai môi tơneăn tâp hdró troăng tơkăng kong, á cho ngế ki pơkuâ ngăn cheăng thôn mê đi đo lăm pơtrui, rak ngăn troăng tíu tơkăng kong rơtế [ă khu mô đo#i. Tơdrêng amê, rơtế [ă khu lêng gak ngăn tơkăng kong đi đo hnê tối ăm kuăn pơlê ‘na mâu tơdroăng ki ôh tá khoh pêi pro, tơdroăng ki chiâng pêi pro a troăng tíu tơkăng kong. Drêng châ hnê mơhno tối, kuăn pơlê hiăng hlê ple\ng nhên, xua mê, kuăn pơlê ôh tá ai ngế ki lâi mot tung kong vâ ko kếo loăng, lơ lăm lúa kuăn kiâ, xuân ôh tá kơtâu hdâ tơkâ luâ tíu tơkăng kong vâ lăm troh a kong têa ê’’.

Tiô pôa Phạm Khắc Dũng, Kăn pơkuâ hnê ngăn Đảng ủy cheăm Ia Lốp tối, rak vế, pêi pro tiô tơdroăng kơxo# 01 dêi Ngế pro xiâm hnê ngăn Chin phuh, tung mâu khế hơnăm hiăng luâ, Đảng ủy cheăm hiăng thăm mơdêk tơdroăng hnê tối kuăn pơlê pêi kơhnâ khât hnoăng kring vế, gak ngăn troăng tơkăng kong, tíu tâp tơneăn.

Kuăn pơlê a tíu tơkăng kong châ hnê tối ‘na luât

Rêm ngế đảng viên, mâu ngế cheăng dêi tơnêi têa [ă kuăn pơlê athế kơhnâ khât xêh tung hnoăng kring vế troăng tíu tơkăng kong, tiô kơ tuăn tơmiât i nhên [ă hnoăng cheăng dêi tơná. Dế nôkố, tâi tâng 18 to thôn pơlê pơrá hiăng ai khu ki pơkuâ ngăn, ai lối 600 ngế kuăn pơlê veăng pêi.

Hbruô kum kế tơmeăm xúa ăm pơlê pơla a tíu tơkăng kong

Pôa Phạm Khắc Dũng tối tiah kố, tơdrêng [ă hnoăng cheăng hnê tối, tơru\m lăm pơtrui dêi mâu khu, mê Đảng ủy cheăm Ia Lôp ối tơru\m [ă đông gak tơkăng kong Ea Hleo k^ tơkêa hnoăng tơru\m cheăng kring vế, gak ngăn troăng tíu tơkăng kong.

‘’Cheăm Ia Lôp ai vâ chê 7 rơpâu ngế kuăn pơlê, tung mê ai vâ chê tơdế cho hdroâng kuăn ngo ki iâ mơngế, tơdroăng rêh kâ ối dêi kuăn pơlê akố ối trâm hên xahpá. Sap ing hâi pơkâ mơ’no kơxo# 01 hơnăm 2015, Đảng ủy [ă khu kăn hnê ngăn cheăm tơru\m [ă đông gak ngăn tơkăng kong ki ối tung kơpong hiăng đi đo hnê tối, mơhnhôk kuăn pơlê veăng kring vế, gak ngăn troăng tíu tơkăng kong [ă tuăn mơno ki kơhnâ khât, mơhno\ng pêi xêh. Kơnôm mơhnhôk kuăn pơlê pêi kơhnâ, ing mê, tơdroăng kring vế, gak ngăn troăng tíu tơkăng kong pơrá châ kring vế tơniăn. Kuăn pơlê a kơpong tíu tơkăng kong xuân hiăng rak tơniăn tuăn tơku\m tung pêi chiâk pêi deăng vâ mơnhông pêi cheăng kâ’’.

Kong pơlê Dak Lak ai vâ chê 74km troăng tíu tơkăng kong tơkâ luâ péa tơring Ea Sup [ă {uôn Đôn, tơkoh [ă kong pơlê Mondulkiri, kong têa Kul. Tâi tâng troăng tơkăng kong kố ai 11 to tơneăn, 1 bo cheăng, [ă 22 rơpâu rơpo\ng, ai lối 82 rơpâu pơ’leăng mâ mơngế, ối tung 30 hdroâng kuăn ngo rêh ối. Kố cho tíu ki kal vâ rak vế krá tơniăn tơkăng kong dêi tơnêi têa.

Thie#u tă Lưu Minh Hưng, Kăn ngăn ‘na cheăng kal kí dêi đông tơkăng kong tơring Ea Hleo, ối tung Khu pơkuâ ngăn mô đo#i gak tơkăng kong Dak Lak tối ăm ‘nâi, tiô tơdroăng ki hmâ tơru\m cheăng pơla péa khu, rêm khế ‘’khu mô đo#i [ă kuăn pơlê’’ kô tơku\m lăm pơtrui sap ing 3 troh a 4 hdroh, ki ton ga sap ing 1 troh 2 hâi.

‘’Rak vế, pêi pro le\m tro tiô tơdroăng pơkâ kơxo# 01 dêi Ngế pro xiâm hnê ngăn Chin phuh, khu râ Đảng hiăng pơkâ thế mâu râ pá kơdâm tơru\m cheăng dêi cheăm pơkâ pêi pro troh a tơrêm khu râ, kơvâ cheăng, hnối hnê tối pơtâng ăm vâi krâ-nho\ng o kuăn pơlê thăm rế hloh klê ‘na hnoăng cheăng kring vế, gak ngăn tơniăn troăng tơkăng kong dêi tơnêi têa. Pak^ng mê, kơhnâ khât tung mâu khu râ, kơvâ cheăng dêi pơlê cheăm vâ hnê tối kuăn pơlê tơniăn pêi chiâk pêi deăng, mơnhông cheăng kâ vâ kuăn pơlê tơniăn mơjiâng kơpong tơkăng kong rế tơtêk’’.

Tiô Đăi tă Đỗ Quang Thấm, Kăn pho\ ngăn Đảng dêi Mô đo#i gak tơkăng kong Dak Lak ăm ‘nâi, vâ pêi pro tiô tơdroăng pơkâ kơxo# 01 dêi Ngế pro xiâm hnê ngăn Chin phuh ‘na hnoăng cheăng ‘’Tâi tâng kuăn pơlê veăng kring vế, gak ngăn tơniăn tơnêi tíu, kring vế tơkăng kong tung chal nếo’’, tung plâ 5 hơnăm hiăng luâ, khu kố hiăng mơ’no pêi pro tơdrêng [ă tơdroăng ki xiâm tiô hlá mơ-éa hiăng pơkâ mê. Ki nhên ga, khu kố hiăng veăng kum 4 to cheăm tíu tơkăng kong mơjiâng [ă pơtối rak 51 khu pơkuâ ngăn thôn pơlê, ai lối 2 rơpâu 600 ngế kuăn pơlê veăng pêi. Tơku\m po 560 roh tối pơtâng, hnê mơhnhôk tối ‘na ăm 18 rơpâu ngế kuăn pơlê a kơpong tíu tơkăngu kong.

Khu mô đo#i gak tơkăng kong rơtế [ă khu pơkuâ thôn hiăng re\ng teăm tơleăng lối hr^ng roh ki tơbriât tơnêi tíu, veăng hnê tơtro ăm mâu ngế ki tro pro xôi xua pro roh tá tơniăn ăm pơlê cheăm, rup tơleăng 15 hdroh ‘na tơdroăng tê mơdró ma tu\i, re\ng teăm hlo [ă rup tơleăng 140 roh ko ‘nhê kong [ă hên mâu tơdroăng ki ê. Tơdrêng [ă mâu tơdroăng mê, Mô đo#i gak tíu tơkăng kong Dak Lak ối thăm mơdêk hnoăng cheăng mơhnhôk kuăn pơlê, kơnôm ing mâu tơdroăng, môi tiah, tơku\m po ‘’Hâi kring vế tâi tâng kuăn pơlê’’, ‘’Rơnó hơngui a tơkăng kong hmiân tuăn ăm kuăn pơlê’’,  mơjiâng pro [ă bruô ăm 340 toăng hngêi ‘’Ki phiu ro a tơkăng kong’’, ‘’Hngêi dêi pú mô đo#i’’, xo rak ngăn 4 ngế muăn ai tơdroăng ki xahpá, dó inâi ‘’Kuăn roăng dêi Mô đo#i gak tơkăng kong’’, kum ‘na rêh kâ ối ăm mâu rơpo\ng ai hnoăng tơnêi têa; bruô hdrê loăng pêt,  mơnăn păn, phon rơvât ăm lối 700 rơpo\ng kơtiê vâ mơnhông cheăng kâ, [ă tâi tâng kơxo# liăn lối 2 rơtal 300 rơtuh liăn rêm hơnăm.

Đăi tă Đỗ Quang Thấm tối ăm ‘nâi, tung la ngiâ kố ah, khu kố kô pơtối pơkâ mơ’no i tơ-[rê tâ nếo mâu tơdroăng ki hiăng chêh tối tung tơdroăng kơxo# 01 dêi Ngế pro xiâm hnê ngăn Chin phuh.

‘’Ngin kô pơtối tơru\m cheăng [ă mâu khu râ, kơvâ cheăng vâ mâu khu râ, rơpo\ng hngêi, mơngế krê pơtối chêh tối dêi inâi vâ veăng lăm pơtrui ngăn drô troăng tíu tơkăng kong vâ ga tơniăn, [ă klêi kơ’nâi mê, ngin kô po tơ’nôm mâu lâm hnê mơhno ‘na luât ăm kuăn pơlê [ă kăn [o#, mơngế pêi cheăng tơnêi têa vâ vâi thăm rế mơdêk hên tâ tung hlê ple\ng, ai hnoăng cheăng ki kring vế, gak ngăn tơniăn tung la ngiâ. Tơdrêng amê, ngin xuân pơtối veăng kum ăm khu râ, kơvâ cheăng ‘mâi rơnêu ‘na hnoăng cheăng, túa pêi pro tung pơkuâ ngăn pơlê cheăm a la ngiâ; thăm mơdêk tơdroăng kum ‘na kế tơmeăm xúa tung rêh ối, pêi cheăng vâ kuăn pơlê thăm rế tơtêk [ă tơniăn luâ tâ kơ mê nếo’’.

{ă tơdroăng ki pơtối mơnhông ivá cheăng dêi tâi tâng kuăn pơlê, hnoăng cheăng kring vế tơniăn tíu tơkăng kong a Dak Lak hiăng [ă dế châ mơnhông ki châ tơ-[rê, ing mê, mơjiâng krá tơniăn hnoăng rak vế ngăn kuăn pơlê, veăng kum tơniăm ăm tơdroăng kring vế, gak ngăn a kơpong drô tơkăng kong dêi tơnêi têa.

Tuấn Long chêh

Nhat Lisa tơplôu [ă tơbleăng