VOV4.Sêdang - Kong pơlê Dak Lak nôkố ai 19 to hngêi kơmăi on tơhrrik, tâi tâng ivá mơ’no 825MW, hdoăng têa lối 1,3 rơtal met khô̆i. Nôkố dế cho rơnó mêi khía, mâu hngêi kơmăi on tơhrik hiăng tơrŭm ƀă mâu khu râ pơkuâ cheăng hiăng séa ngăn, hbrâ mâu troăng rơhlâ tơniăn ăm rơchôa têa xuân môi tiah mơ’no têa vâ ‘no on tơhrik châ tơ-brê, malối tung pơla ai pơreăng COVID-19 dế tâ tú rơ-iô.

Kong pơlê Dak Lak hbrâ séa ngăn mâu hngêi kơmăi on tơhrik  ki kân ƀă kŭn hdrối troh rơnó mêi têa lân lu

Tiô pôa Trương Công Hồng - Kăn phŏ hnê ngăn ‘na tê mơdró kong pơlê Dak Lak tối, klêi séa ngăn hdrối kong mêi, mâu hngêi kơmăi on tơhrik xuân rak vế pêi tro tŭm tơdroăng pơka ‘na rak ngăn mơ’no têa a long rơchôa; mơjiâng mâu tơdroăng hbrâ rơnáu hbrâ ví xía vâ drêng ai kong mêi khía vâ ga tơniăn ‘na mơ’no on tơhrik; tơrŭm ƀă kong pơlê, tơring, cheăm mâu troăng rơhlâ mơ’no tah têa lu a pá hdroh.

Xua pơreăng COVID-19 tâ tú rơ-iô, mâu hngêi kơmăi thế pêi kơtăng tơdroăng hbrâ mơdât pơreăng, tơniăn pêi cheăng tê mơdró xuân môi tiah hbrâ mơdât pơreăng, mơdât xía vâ xua kong prâi pro.

Gương tơplôu ƀă tơbleăng