Hngêi trung mauh yăo Hoạ Mi, ối a [uôn Ja, cheăm Bông Drang, tơring Lak nếo pê klêi mâu tơdroăng cheăng má mơ’nui teăm pro klêi vâ ai hngêi trung hriâm a hơnăm nếo. Cô Nguyễn Thị Thu Nga, Ngế pơkuâ hngêi trung tối ăm ‘nâi, hngêi trung mauh yăo Hoạ Mi ai 1 to hngêi trung xiâm [ă 3 to hngêi trung ki  pro u-ê.

Tơdrêng [ă mâu lâm hriâm mơjiâng le\m sap ing hdrối nah, hơnăm hriâm kố, hngêi trung châ Vi [an hnê ngăn tơring ‘no 2 rơtal liăn vâ mơjiâng pro tơ’nôm 4 to lâm hriâm nếo, tâk kơxo# lâm hriâm a hngêi trung ki xiâm châ 9 to lâm, kơdroh tíu hngêi trung ki pro u-ê. Tơdroăng kố hiăng pro tơ’lêi hlâu ăm hok tro oh tá hriâm pơtâ:

‘’Tối ki sôk ro ôh tá ai ki klâi tơ’mô, hơnăm kố hngêi trung châ ‘no liăn mơjiâng pro 4 to lâm hriâm, hngêi trung po tơ’nôm lâm hriâm nếo a tíu ki hnê xiâm. A pơla kố hngêi trung hiăng rah xo 9 to lâm hriâm a hngêi trung xiâm, tiô tối hdrối kô ai tâi tâng mâu hok tro hriâm hlối koi pơtê kơhâi dế vâ tơniăn ăm mâu nôu pâ drêng ăm dêi kuăn tơná hriâm, xuân vâ tơniăn ‘na pêi cheăng’’.

Kơ[ăng tăng nếo châ hbrâ ăm hok tro mot hriâm râ má môi Nguyễn Văn Trỗi, cheăm Dak Liêng, tơring Lak hdrối vâ  mot hơnăm hriâm nếo

A hngêi trung râ má môi Nguyễn Văn Trỗi, buôn Yang Lah 2, cheăm Dak Liêng, tơring Lak, khía mơhot kân rôh má 12 plong mot hơnăm nah hiăng pro tơ’nhiê kơnâng, hngêi trung tơtêa kuâ. Vâ hbrâ  mot hơnăm hriâm nếo, hngêi trung hiăng châ ‘no lối 2 rơtal liăn vâ ‘mâi rơnêu pro mâu tíu ki hiăng tơ’nhiê [ă mơjiâng pro nếo tíu lăm dế. Tơdrêng amê, hngêi trung ối hbrâ tâi tâng mâu kơ-[ăng tăng ki nếo tá péa to hngêi trung.

Tiô cô Phan Thị Mỹ Nữ, Ngế pơkuâ hngêi trung, [ă ing tơdroăng tơnêi têa teăm ‘no liăn mơjiâng pro, rôe mâu kơ-[ăng tăng a kố hiăng ai tiô tơdroăng vâ hnê [ă hriâm dêi hok tro [ă thái cô. Mâu tơmeăm khoăng pro tơniăn xuân tơmâng khât troh nôkố cho mơhnhôk vâi o lăm hriâm:

‘’{ă kơxo# hok tro kuăn ngo ai kơdrâm mê hâi apoăng khế 8 ngin hiăng tơku\m po hôp [ă mâu kăn teăng mâ, mâu nôu pâ hok tro tâi tâng lâm vâ má môi tơru\m [ă tung tơdroăng cheăng mơhnhôk vâi o lăm hriâm vâ ai hên kơxo# mơngế hriâm. Má 2, mâu hok tro ki ôh tá lăm hriâm tung hâi apoăng ngin kô thế mâu thái cô ki pơkuâ ngăn lâm xuân môi tiah mâu khu tơru\m cheăng lăm troh tơ-rêm hngêi tăng ‘nâi ple\ng hiâm mơno, [ă mơhnhôk thế hok tro lăm hriâm’’.

Lak cho môi tung mâu tơring xahpá dêi kong pơlê Dak Lak [ă 7 tung 11 to cheăm ối tung kơpong hngế hngo, kơtiê xahpá. Hok tro kuăn ngo châ 70%. Pôa Nguyễn Ngọc Thịnh, Kăn [ơrô hnê hriâm [ă hnê mơjiâng tơdroăng rơkê tơring Lak ăm ‘nâi, pêi tơdroăng tơkêa ‘na ‘mâi mơjiâng pro hngêi trung, hơnăm hriâm kố, tơring mơhnhôk veăng tơrá lối 20 rơtal liăn ing mâu khu xiâm, vâ mơjiâng pro hngêi trung, rôe tơmeăm xúa tung hriâm. Tơku\m ‘no liăn mơjiâng pro 7 to hngêi trung a 7 to cheăm kơpong hngế hngo, kơtiê xahpá.

Ing kơxo# liăn ‘no mơjiâng pro mê, nôkố kơxo# lâm hriâm ki hiăng mơjiâng pro le\m krá tung lâp tơring châ lối 47%, kong pơlê ti ai xếo lâm hriâm [ă hlá xá mơnât phêa:

 ‘’Pêi pro tiô tơdroăng ‘mâi rơnêu, mơjiâng pro nếo hngêi trung hơnăm hriâm 2018-2019, kơvâ ngăn hnê hriâm tơring Lak ‘no lối 20 rơtal liăn vâ mơjiâng pro 7 to hngêi trung a 7 to cheăm kơtiê xahpá.

Malối mâu hngêi trung mê pro ăm hok tro hriâm râ má môi [ă mầm non, nôkố mâu hngêi trung hiăng pro klêi teăm vâ mot hriâm tung hơnăm hriâm nếo kố. Mâu tíu mơjiâng pro cho mâu tíu ki ối pá puât, mê nôkố mâu hngêi trung, kơ-[ăng tăng a mâu kơpong ki mê hiăng ai’’.

Maluâ vâ ối xahpá la [ă tơdroăng hbrâ rơnáu, mơ-eăm kơhnâ, kơvâ ngăn hnê hriâm tơring Lak rơtế [ă mâu kơvâ cheăng tung tơring cheăm dêi tung kong pơlê Dak Lak dế hbrâ mâu tơdroăng ki kal vâ mot hơnăm hriâm nếo 2018- 2019. Kố cho tơdroăng ki vâ mâu thái cô hok tro mơ-eăm tơ’noăng ‘’hnê rơkê, hriâm rơkê’’, hiăng châ pêi pro tung hơnăm hriâm nếo.

Hương Lý chêh

Gương tơplôu [ă tơbleăng