Vêh a hngêi a cheăm Ia Jlơi, tơring Ea Sup xua thế pơtê pêi cheăng tung pơla 15 hâi vâ hbrâ mơdât pơreăng, nâ Nguyễn Thị Mỹ Hạnh tô tuăn tơmiât troh tíu tơná pêi cheăng tơbleăng tối bú ăm kơnâ liăn khế kâ kia vâ iâ gá bú 1 rơtuh 800 rơpâu liăn/khế.  Nâ Hạnh ăm ‘nâi,  kơxo# liăn khế iâ ti mê, bú bê to nâ vâ ăm liăn mung veăng ôi [ă nâp liăn on tơhrik, liăn têa tê. Liăn vâ rôe kế kâ rêm hâi thế kơnôm dêi nôu pâ.

Tơdroăng ki nâ Hạnh tô tuăn, drêng kơxê  lơ 4/4, nâ châ ngế ki ăm mung ối veăng hngêi nhắn tin tơbleăng kô kơdroh kơxo# liăn nâ mung ối a hngêi mê tung pơla 3 khế [ă ôh tá êa nâp liăn mung ôi hngêi mê tung khế 4. Nâ Hạnh ôh tá kơtôa ki sôk ro tung hiâm mơno xua tơdroăng ‘nâi hơ-ui kum dêi ngế kăn ki ăm mung ối hngêi.

‘’Klêi tâng tối á mơnê kơ nâ Huyền. Tơdroăng rêh ối nôkố ngế ki lâi bú kơnôm tơngah to a tơdroăng cheăng pêi, nâ xo kơdroh kơxo# liăn ki ngin nâp môi tiah mê ngin hâk mơnê ‘nâng’’.

Khu to\ng kum tơmeăm ăm mâu ngế ki xahpá

Klêi tối ‘na tơdroăng pơkâ kơxo# kơdroh liăn mung ối hngêi ăm tâi tâng 9 to veăng ki ăm vâi mung, nâ Lê Thị Thanh Huyền, ngế ki ai hngêi ăm vâi mung ối a kơxo# hngêi 504/15 troăng Lê Duẩn ăm ‘nâi, hlo tơdroăng ki mâu sinh viên [ă mâu ngế ki lăm pêi cheăng ối mung pơtân hngêi thế pơtê pêi cheăng, pơtê hriâm xua ai tơdroăng tơplâ mơdât pơreăng, nâ tơmiât athế pro tơdroăng ki lâi hía ‘lo vâ veăng kum kơdroh ki pá dêi rêm ngế. {ă tơdroăng ôh tá êa nâp liăn mung hngêi ối cho tơdroăng ki nâ kal thế pêi pro tung pơla kố.

‘’A tơmiât tung pơla dế tâ tú pơreăng Covid-19 cho tơdroăng ki khéa ăm tâi tâng kuăn mơngế [ă á xuân vâ ‘no môi iâ hnoăng tơná ăm môi ngế ki lâi ‘lo [ă mâu sinh viên ki rêm hâi ki hmâ ối [ă ngin mê á kô kum ăm mâu ngế ki achê tơná ti mê ‘nôi a hdrối’’.

Hên vâi nâ o ki kơtiê xahpá châ xo tê kơtê têa xếo ko\ng ki kơdê pơreăng [ă kên pâng môh

Pêi pro tiô pơkâ kơxo# 16 dêi Ngế pro xiâm hnê ngăn Chin phuh, klâ ối krê tâi tâng rêm ngế, hên mâu ngế ki pêi cheăng trâm pá xua ôh tá ai cheăng pêi, pro tơdroăng rêh ối vâi thăm rế pá. Mâu hâi hdrối kố nah, hên khu tơru\m cheăng, mâu ngế a Dak Lak hiăng kơbông krếo mâu ngế ki ai tuăn hơ ui veăng kum tơmeăm vâ hbru ăm hr^ng ngế ki dế trâm pá tung kong pơlê.

Xo tơmeăm ki vâi bruô ăm mê cho xup kơxo\ng khăng, phái, têa tôu, têa rơmâ, têa măm, po, xua khu ai tuăn hơ-ui ai inâi ‘’Tiô túa ki hơ-ui kum [ă hiâm mono’’ kố a pơlê kong kơdrâm Buôn Ma Thột ăm ‘nâi: ngoh cho mơngế ki plôm mâ rêh ối kơnôm to tơdroăng lăm nông tê loăng kơpuih. Pêi pro tiô pơkâ kơxo# 16 dêi Chin phuh ‘na tơdroăng klâ ối hơngế ing pơlê pơla, ngoh pơtê lăm tê dêi loăng kơpuih, ối a hngêi vâ veăng mơdât pơreăng. Kơxo# tơmeăm ki khu ai tuăn hơ-ui hbru ăm mê mơhế ôh tá hên, la hiăng kum ngoh [ă hên mâu ngế ki ê ki rêh ối pá puât môi tiah mê mơ-eăm tơkâ luâ tung mâu hâi ki xahpá.

‘’Kơnôm ing khu ai tuăn hơ-ui veăng kum ăm mâu ngế ki plôm mâ, chó chêng tung pơla mâu hâi xahpá tung pơla ôh tá châ lăm pêi cheăng. Kơnôm mâu tơmeăm dêi mâu nho\ng o kum ăm ngin tung pơla tơnêi têa thế ối klâ krê vâ mơdât pơreăng. Ngin xuân dế rak vế pêi pro tro khât tơdroăng mê, púi vâ Việt Nam re\ng kâi mơdât pơreăng’’.

Ôh tá xê to kum ‘na phái kâ, tơmeăm xúa, hên ngế ki rêh ối xahpá a Dak Lak ối châ mâu tíu pêi cheăng, mâu ngế ăm têa xếo ko\ng kơdê pơreăng [ă hlối ăm kên pâng môh tê kơtê. Cho ngế ki dế pêi tơdroăng cheăng pơchoh kên pâng môh hbru ăm mâu kơtiê, jâ Nguyễn Thị Tâm, ối a pơlê kân Quảng Phú, tơring C|ư\ Mgar ăm ‘nâi: Mơhé cho ngế ki pơchoh ôh tá rơkê, la klêi Khu vâi kơdrâi pơlê kân mơhnhôk thế chêp vâ x^ng xoăng ăm mâu ngế kơtiê vâ hbrâ mơdât pơreăng Covid-19 jâ hiăng pơchoh kên pâng môh pơla chôu châ toh.

Nôkố jâ hiăng pơchoh châ 300 to kên pâng môh [ă ché, tâng pơtối ai ché, jâ Tâm pơtối pơchoh nếo vâ ăm mâu ngế ki kal vâ kên tung pơla dế mơdât pơreăng.

‘’Nâ o xuân mơhnhôk thế mâu ngế vâ chêp kên vâ ăm mâu kơtiê tung tơring. Vâ tối á hiăng ăm ngế pơchoh vâ teăm ăm vâi tung pơla tâ tú pơreăng mê á ôh tá xâu kô chiâng tơdjâk troh  tơdroăng cheăng krê tâi. Malối cho teăm kum ăm tơdroăng cheăng plâ mơdât pơreăng‘’.

Tơdroăng pêi pro ki le\m dêi mâu khu tơru\m cheăng, mâu ngế hiăng [ă dế pêi pro tơdroăng ki le\m kum mâu ngế kơtiê tung rơnó pơreăng tâ tú kô hiăng mơhnhôk hơlêm vâi mơ-eăm tơkâ luâ xahpá, môi tuăn [ă lâp tơnêi têa veăng plâ mơdât pơreăng Covid-19.

Nam Trang chêh

Gương tơplôu [ă tơbleăng