VOV4.Sêdang - Ko\ng ti On tơhrik Dak Nông hiăng tối tơbleăng mâu troăng hơlâ ‘na kih thuât, mơdêk tơ’nôm mâu ngế cheăng kum tro má môi ăm tơdroăng ki rơhêng vâ xúa on tơhrik tung rơnó mơdrăng, malối cho tung tơdroăng ki hrik têa tôh kế tơmeăm.

Tiô tối tơbleăng, rơnó mơdrăng hơnăm kố, ki têi [ă on tơhrik ‘no tung kong pơlê Dak Nông kô tâk lối 100MW [ă ‘no rêm hâi dâng 1.600kWh.

Vâ rak tơniăn tơdroăng ki ‘no on tơhrik, Ko\ng ti On tơhrik Dak Nông hiăng tối tơbleăng túa pơkâ hbrâ ví tơdroăng ki ‘no tơhrik hên luâ râ, ‘no liăn mơjiâng troăng kơxái [ă mâu tíu krâ kơmăi a mâu kơpong. A chê pơla kố, tíu cheăng hiăng mơdêk ivá ‘no on tơhrik, mơdêk ki tơniăn, loi tơngah [ă ki dâi le\m dêi on tơhrik.

Tơ’nôm hên pơlê, cheăm a Dak Nông ai on tơhrik hdrối rơnó mơdrăng hơnăm kố

Pôa Nguyễn Xuân Huy, Kăn pơkuâ On tơhrik Dak Mil, ối tung Ko\ng ti On tơhrik Dak Nông ăm ‘nâi, tíu cheăng kố hiăng hbrâ tu\m mâu kế tơmeăm [ă mâu ngế cheăng hbrâ kum kuăn pơlê tung rơnó mơdrăng.

‘’Kum ăm tung rơnó mơdrăng, mê On tơhrik Dak Mil kô mơ’no hên tâng vâ pơchông [ă rơnó tiah hmâ vâ chê 40%. ‘Nâi tơdroăng ki mê, ngin hbrâ mâu túa pơkâ. Sap ing mơ’nui rơnó, apoăng rơnó mơdrăng ngin hbrâ rơnáu mâu kơmăi mơdêk tơdju vâ ‘no on tơhrik kum ăm tơdroăng ki hrik têa tôh mâu hdrê loăng pêt môi tiah kơphế, tiu. Ngin ai troăng hơlâ pro tơ’nôm hngêi kơmăi mơdêk tơdju ki hbrâ rơnáu, ‘mâi rơnêu mâu troăng kơxái vâ mơdêk ki ‘no, kum ăm vâi krâ nho\ng o hrik têa tôh tơmeăm. Kơdroh tơdroăng ki lu\p on tơhrik, ôh tá ăm ai tơdroăng xía vâ. Pak^ng mê, tơdroăng ki ‘no on tơhrik athế rak tơniăn 24/24 chôu mê tíu cheăng kố athế xing xoăng mâu ngế ki gâk ngăn’’.

Katarina Nga tơplôu [ă tơbleăng