Môi tung mâu tơdroăng mơdât mơngế pro xôi, pơtối rak vế ki tơ-[rê tung hnoăng cheăng rak tơniăn ‘na kring vế, gak ngăn drô troăng prôk tung tơring Dak Song tung pơla pêi pro túa ‘’ Idrâp teng ne\ng krếo kuăn pơlê veăng kring tơniăn’’ a cheăm tíu tơkăng kong Thuận Hà. Hdrối nah, drêng hâi tơbleăng pêi pro túa plâ mơdât mâu ki pro xôi, tơdroăng tong hơ've\ng kế tơmeăm [ă ‘na pro pơlăm pơlôi, pâk chik đi đo hlo ai a kơpong kố, malối a thôn 7 [ă 8.

Pôa Trần Bá Tuyết, kuăn pơlê ối a thôn 8, cheăm Thuận Hà ăm ‘nâi, klêi lối 2 hơnăm tơbleăng pêi pro, tơdroăng kring vế, gak tơniăn troăng prôk tung tơring, cheăm hiăng châ tơniăn tâ iâ, hiăng kâi châ mơdât mâu ki pro xôi tong hơ've\ng kế tơmeăm, tơdroăng pro pơlăm pơlối ki pâk chik, kuăn pơlê tíu kố hiăng ai tơdroăng rêh ối hơniâp ro:

‘’Drêng hâi ai Idrâp teng ne\ng krếo kuăn pơlê veăng kring vế tơniăn, mê tơdroăng kring vế, gak ngăn drô troăng prôk [ă kring vế gak a pơlê cheăm ngin ôh tá la lâi châ tơniăn. Xua cho a kơpong tíu tơkăng kong hơngế tơring, hên mâu ngế mot lo, lăm rêh ối akố kơdrâm, tơdroăng kring vế, gak ngăn ối trâm pá, tơvâ tơvân. Mâu túa pêi pro mê châ kuăn pơlê ngin pêi pro, ing mê, kô châ tơniăn ăm thôn pơlê, kring vế, rak ngăn tơmeăm khoăng dêi rơpo\ng hngêi tơná xuân môi tiah veăng rak tơniăn drô troăng prôk tung pơlê mê gá châ tơ-[rê’’.

Kơtúa teng ne\ng vâ ai ’ 'Idrâp krếo thế kuăn pơlê veăng kring vế tơniăn’’ a thôn 8, cheăm Thuận Hà, tơring Dak Song

Tối ki tơ-[rê ing túa pêi pro mê ‘’Idrâp teng ne\ng krếo kuăn pơlê veăng kring vế tơniăn’’ tung hơnăm hiăng luâ, pôa Nguyễn Đình Lượng, Kăn Ko\ng an cheăm Thuận Hà ăm ‘nâi tơ’nôm:

‘’Klêi ngin mơjiâng 2 túa pêi pro mê hiăng châ kuăn pơlê pơtối rak vế pêi pro tơdroăng veăng kring vế tơniăn tơnêi têa,  ing mê, tơdroăng ki ôh tá tơniăn ‘na rêh ối [ă ‘na troăng prôk 2 tíu kố hiăng hlo kơdroh hên, malối cho tơdroăng ki hdrối nah hmâ ai tong hơ've\ng kế tơmeăm’’.

Môi túa túa pêi pro ‘’krâ ‘măn Camera xup um séa ngăn’’ châ tơbleăng thế krâ ‘măn a drô troăng prôk ki xiâm tung cheăm Dak Sak, tơring Dak Mil ing khế 10 hơnăm 2017 rôh apoăng hiăng pro pơxúa hên tung hnoăng cheăng tơplâ mơdât mâu ki xôi [ă hiăng châ veăng rak tơniăn drô troăng prôk rôh apoăng hiăng pro pơxúa tơ-[rê tung tơdroăng plâ mơdât mâu ngế pro xôi [ă rak tơniăn drô troăng prôk, veăng tah lôi mâu ngế ki xôi, mơdêk ‘nâi veăng hbrâ mơdât mơngế ki xôi [ă kơhnâ veăng pêi tơdroăng mơhnhôk tâi tâng kuăn pơlê veăng kring vế tơniăn tơnêi têa ăm kuăn pơlê.

Mâu khu kring vế tung kuăn pơlê a Dak Nông đi đo tơru\m [ă mâu khu râ pơkuâ cheăng lăm séa ngăn, gak tơniăn drô troăng prôk tung pơlê, cheăm

Ing mâu Camera xup xo  mơhno ăm, mâu tơdroăng ki ai khu tong hơ've\ng kế tơmeăm, pâk chik xuân hiăng châ hlo, châ rup pơxâu phak tơdrêng, mơdât mâu ki vâ tong tơmeăm. Đăi u\i Phan Văn Thắng - Kăn pơkuâ Ko\ng an cheăm Dak Sak, tơring Dak Mil tối ăm ‘nâi, Túa krâ ‘măn Camera king vế tơniăn’’ châ hên kuăn pơlê vâ môi tuăn. Xua mê, drêng tối tơbleăng, tơdrêng [ă hnoăng 'no liăn ngân dêi tơring mê xuân hiăng châ kuăn pơlê veăng tơlo vâ châ tơdế kơxo# liăn:

‘’Tung pơla pêi pro kuăn pơlê vâ môi tuăn. Tung khế 10/2017, ngin hiăng pê klêi. Rôh apoăng ngin hiăng châ mơjiâng 11 hnoăng [ă kơxo# liăn dêi cheăm veăng kum ai 50 rơtuh, kuăn pơlê veăng tơlo 43 rơtuh. Tung pơla pêi pro hiăng kum tơdroăng cheăng kring vế, gak ngăn hiăng hlo ai pơxúa, tơ-[rê khât’’.  

Riân troh nôkố, lâp tung kong pơlê Dak Nông hiăng mơjiâng, pơtối rak vế ki tơ-brê 1.800 túa pêi pro, tơku\m pêi [ă kuăn pơlê tung hnoăng cheăng kring vế, gak ngăn tơniăn 'na troăng prôk a tơring, cheăm, tung mê, ai 678 khu kring vế, gak ngăn tơniăn tung kuăn pơlê, ai lối 650 khu tơleăng pro pơle\m mâu tơdroăng, hr^ng khu veăng rak ngăn  [ă hên khu ki ê. Tơdroăng cheăng pêi dêi mâu túa pro mê, mâu kăn [o# hbrâ mơdât mơngế pro xôi rế ton rế ai hên lâp lu, hên khu, hên túa pêi cheăng, tơ’mot krâm khu râ kuăn pơlê veăng pêi. Ing mê, rế hlo ai hên ngế ki djâ troăng le\m ahdrối tung kuăn pơlê, khên tơnôu tối ăm mâu kăn râ kơpêng ‘nâi inâi ngế ki pro xôi, veăng rup mơngế ki xôi, veăng ‘no hnoăng kring vế thôn pơlê.

Ngoh Nguyễn Bạch Long Hải, kuăn pơlê a cheăm Đức Mạnh, tơring Dak Mil cho môi tung hên ngế djâ troăng le\m châ khe\n kơdeăn ai hnoăng veăng plâ mơdât mơngế ki pro xôi tối:

Kuăn pơlê cheăm Dak Gằn, tơring Dak Mil hơ‘mu\ăn tối 'na tơdroăng veăng tơru\m tăng rup 2 ngế ki tong hơ've\ng kế tơmeăm

‘’Tung pơla mê, á dế ối tâng veăng kring vế, gak ngăn a hngêi Khôp a hvái dêi ngiâ kơdrâ tâng rơkong ngế kơdrâi krếo mơdêi tối tong tơmeăm. A [ă mâu vâi pú veăng rơdât kơtâu châ 100m hiăng châ rup ngế ki tong’’.

Tơdroăng rế ai hên túa pêi pro veăng hbrâ mơdât mơngế ki xôi, hên ngế kuăn pơlê ki pro troăng le\m khên tơnôu veăng plâ mơdât mâu ki ‘mêi tối tơbleăng i nâi ngế ki ai xôi, ăm hlo tơdroăng mơhnhôk: Tâi tâng kuăn pơlê veăng kring vế tơniăn Tơnêi têa, pơlê pơla tung kong pơlê Dak Nông rế tơ-[rê [ă rế rơdâ, pơtối rak vế pêi pro tro hnoăng cheăng pro xiâm dêi kuăn pơlê tung hnoăng kring vế tơniăn tơnêi têa, pro tơniăn le\m ăm pơlê cheăm.

Minh Quỳnh- Bá Hiển chêh

Gương tơplôu [ă tơbleăng