Rơnó mê hngê hơnăm kố, troăng prôk ing cheăm Dak Rmăng troh a tơdế tơring Dak Glong, kong pơlê Dak Nông hiăng tơ’lêi hlâu tâ hdrối nah, drêng troăng klông hiăng châ meăn pro [ă [ê tong. A kơmăng, mâu thôn pơlê hlo bâ to on tơhrik, thăm rế pơtroh ăm tơdroăng ki tơviah nếo ‘na tơdroăng ki hơ’lêh re\ng. Ngoh Giàng A Phừ, ối a thôn 5, cheăm Dak Rmăng hâk suâ tối:

‘’Hdrối nah ôh tá ai on tơhrik kuăn pơlê ngin hmâ têk on têa châu, kơ’nâi mê, xúa on tơhrik ki kơtâu [ă hyôh tô mâ hâi, la bú xúa ăm tơdroăng vâ ai on bâ tê, ôh tá chiâng xúa mâu tơdroăng vâ pế pơchên kơchâi hmê. Nôkố hiăng ai on tơhrik xuân chiâng vâ krâ pul on bâ, pế pơchên, rêh kâ ối rêm hâi, châ ngăn um tơvi, châ ngăn tơdroăng ki nếo ai, ‘nâi ‘na hyôh kong prâi, ‘nâi mâu tơdroăng nếo ai tung tơnêi têa [ă kong têa ê’’.

On hiăng mơ’no bâ eăng troh a tơrêm hngêi kuăn pơlê

Tơdroăng tơkêa bro tâp trăng hnhâng troăng kơxái on tơhrik ăm vâ chê 800 thôn a mâu thôn 5, 6, 7 dêi cheăm Dak Romăng hiăng châ pơkâ pêi pro mơjiâng sap ing mơ’nui hơnăm 2017. Sap apoăng khế 7/2018, klêi kơ’nâi hiăng mơjiâng pro klêi, tơdroăng ki toi kơái on tơhrik vêh troh a tơrêm rơpo\ng hiăng pơxiâm hlo pêi pro tung tơdroăng ki hơniâp ro, sôk suâ dêi mâu rơpo\ng kuăn pơlê.

Tiô pôa Nguyễn Hữu Trình, Ngế pho\ ngăn On tơhrik Gia Nghĩa, Ko\ng ti ngăn ‘na on tơhrik Dak Nông tối, tơdroăng tơkêa bro hnhâng troăng kơxái on tơhrik ăm mâu thôn 5, 6, 7 cheăm Dak Rmăng tâi tâng kơxái ki ai ivá krâ kơvâ ai 15km, ivá chía kơdroh ai 13 km, klêi mê, ai 5 tíu ‘măn kơmăi mơdêk dju ivá on tâi tâng ivá ki têi dêi on ai 320 kVA. Tâi tâng kơxo# liăn ki mơ’no pêi pro ai vâ chê 12 rơtal liăn. Tiô tơdroăng ki klâ xing xoăng ‘no liăn mơjiâng, kố cho roh ki pơtroh on tơhrik ăm mâu thôn pơlê ki châ kơjo kum cheăm tíu tơkăng kong [ă kơpong ki kơtiê xahpá dêi tơdroăng tơkêa bro kum on tơhrik ăm thôn pơlê dêi kong pơlê Dak Nông pơla sap hơnăm 2014-2020.

‘’Mơnhên tối tơdroăng ki kal dêi on tơhrik cho môi tung mâu tơdroăng ki xiâm vâ mơnhông mơdêk pêi cheăng kâ a kong pơlê xua mê, drêng nếo ai tơdroăng tơkêa bro mê kơvâ on tơhrik kô tâp trăng hnhâng troăng kơxái on tơhrik hlối, mê dế nôkố tơdroăng tơkêa bro kố hiăng vâ chê klêi [ă hiăng pơtroh on ăm kuăn pơlê xúa’’.

Khu ngăn ‘na on tơhrik tơdjêp kơxái on troh tơrêm rơpo\ng

Tiô pôa Trần Nam Thuần, Kăn pho\ hnê ngăn Vi [an tơring Dak Glong tối, ki hên kuăn pơlê a cheăm Dak Rmăng cho ai kơdrâm vâi krâ-nho\ng o hdroâng kuăn ngo. Xuân ai hên kuăn pơlê a Dak Rmăng cho kơtiê. On tơhrik dêi tơnêi têa tơniăn ga kô kum pro tơ’lêi hlâu ăm kuăn pơlê châ mơnhông pêi chiâk deăng, kơdroh tah lôi kơtiê, xahpá, tơdroăng plong kol. {ă xuân veăng kum rak vế tơniăn ‘na cheăng kal kí, kring vế tơniăn lâp pơlê pơla a mâu pơlê cheăm ki ối trâm pá puât má môi dêi tơring tối krê [ă lâp kong pơlê Dak Nông tối tơdjuôm:

‘’Klêi kơ’nâi séa mơnhên ngăn xuân môi tiah tơdroăng ki trâm mâ, tơpui tơno [ă kuăn pơlê mê ngin hlo kuăn pơlê hâk nâ sôk suâ ó ‘nâng, kuăn pơlê hiăng mơnê Đảng, Chin phuh hiăng to\ng veăng ăm kuăn pơlê châ ai on tơhrik. Drêng hiăng ai on tơhrik, kuăn pơlê hiăng rôe xúa hên kế tơmeăm vâ rêh ối-cheăng kâ ki tơ’lêi hlâu tâ, ing mê, mơnhông mơdêk tơdroăng rêh kâ ối’’.

Rơnó kố a Dak Rmăng dế mêi hngê ton hâi. Maluâ kong mêi đi đo la mâu ngế ki ‘mâi rơnêu on tơhrik xuân ối kơhnâ khât tung hnoăng cheăng tơná vâ tâp trăng, hnhâng troăng kơxái on tơhrik kum ăm cheăm kơtiê châ hơ’lêh ‘na tơdroăng rêh ối, pêi cheăng kâ.

Hoàng Qui chêh

Nhat Lisa tơplôu [ă tơbleăng