Nếo achê pơla kố nah, Ko\ng an tơring Dak Mil, kong pơlê Dak Nông rup môi khu ngế tong tơmeăm. Tung khu kố ai Trương Xuân An (hmâ khe\n cho Tèo), kot mâ hơnăm 1995, ối a cheăm Đức Minh, tơring Dak Mil, cho ngế ki hdrối nah ai 3 tơdroăng xôi ‘na tong tơmeăm. Ahdrối tro rup, Trương Xuân An hiăng rơtế [a\ mâu ngế ki ê lăm tong tơmeăm 13 roh. Trương Xuân An tối:

‘’Roh tong apoăng á lăm tong [a\ Trần Lê Phương [a\ Nguyễn Văn Đức ối a thôn Đức Hòa, cheăm Đức Minh châ tong 1 toăng tơvi Samsung; roh má 2 lăm tong [a\ Tâm cho ngế ki hmâ tong chhá kơxu a Thuận An; roh má 3 châ 1 toăng tơvi a cheăm Dak N’Drot’’.

2 ngế tong rơxế hon đa tro ko\ng an Dak Nông rup

Thie#u tă Bùi Xuân Hùng, Kăn khu séa ngăn, Ko\ng an tơring Dak Mil tối ăm ‘nâi, drêng lăm tong, vâi hmâ djâ sap 2 troh 3 ngế veăng lăm tong. Tơmeăm ki vâi vâ tong cho kơnâ, maluâ vâ râng tơvâ môi tiah loăng, kơmăi uâ loăng, tơvi [a\ hía hé, djâ a tíu ki ‘măn tơku\m klêi mê tăng tíu vâ tê:

‘’Khu dêi Trương Xuân An ai 7 troh 8 ngế. Drêng lăm tong, vâi ôh tá prôk rơtế môi hdroh, ôh tá tơdjuôm tơdroăng tong. Pơtih roh kố ai 2 troh 3 ngế, roh ki tá Trương Xuân An prôk [a\ mâu ngế ki ê xua mê tơdjâk troh khu kố mê cho hên roh tơdroăng’’.

Rơxế hon đa [ă tơmeăm ki tro tong

Môi tiah mê, Ko\ng an tơring Dak Song, kong pơlê Dak Nông nếo rup môi khu tong tơmeăm ki lối kơ hle\ng, rup ngế ki rơkê tong cho Vũ Văn Tính, Nguyễn Đức Thái, Nguyễn Tuấn Lộc, Huỳnh Ngọc Long, Huỳnh Ngọc Hiệp, pơrá ối a tơring Dak Song [a\ Phạm Văn Thành, ối a kong pơlê Bình Phước.

Ko\ng an Dak Nông tơvêh tơmeăm ăm kuăn pơlê

Hlo kuăn pơlê dế tơngôu, sap khế 2 troh tơdế khế 7, khu kố hiăng lăm tong ai 27 roh, tong rơxế hon đa (tung mê a tơring Dak Song ai 13 roh, pơlê kong krâm Gia Nghĩa 9 roh, tơring Dak Glong 4 roh [a\ Dak Rlấp 1 roh). Nâ Vũ Thị Nguyệt, ối a pơlê kân Đức An, tơring Dak Song tối ăm ‘nâi, xua tơngôu lôi dêi rơxế a plông hngêi ôh tá khuă, xua mê rơpo\ng hía 3 toăng rơxế:

‘’Kố cho rơxế honđa má 3 dêi rơpo\ng tro hía, xuân bu tơpui tối [a\ vâi krâ tâ tá kơchăng xua nôkố mâu ngế tong rế hên, drêng hlo pin tơngôu mê vâi mot tong. Bu 3 phut tê rơxế hiăng hía’’.

Tiô Thie#u tă Mai Xuân Huân – Kăn ngăn Đo#i kán sat séa ngăn mâu ngế xôi kân, cheăng kâ [a\ kong prâi Ko\ng an tơring Dak Song, klêi kơ’nâi tơplâ mơdât hiăng rup 6 ngế ki tơdjâk. Mâu ngế ki kố tối hiăng lăm tong 27 roh. Hdrối mê, Ko\ng an tơring Dak Glong xuân hiăng rup Lương Vĩnh Thắng, ối a cheăm Phú Vinh, tơring Định Quán, kong pơlê Đồng Nai [a\ Trần Như Quỳnh, ối a Quảng Khê, tơring Dak Glong vâ êng mơnhên ngăn tơdroăng tong tơmeăm. Kố cho 2 ngế hdrối nah ai xôi ‘na tong tơmeăm khoăng [a\ hiăng rơtế dêi pó lăm tong 8 roh a cheăm Dak Sim [a\ Quảng Khê, tơring Dak Glong. Thie#u tă Trần Văn Nghị - Kăn pơkuâ Đo#i kán sat tăng rup mâu ngế xôi ‘na cheăng kâ, hbrâ tơplâ [ă mơdró ma tu\i dêi Ko\ng an tơring Dak Glong pơchân, tíu lăm tong dêi mâu ngế ki tong kố đi đo hơ’lêh.

‘’Tơdroăng lăm tong dêi khu kố ga đi đo pro tơ-ê dêi pó, hmâ lăm tong a kơhâi, drêng kuăn pơlê lăm a chiâk deăng, pêi cheăng, ôh tá ai kơbố ối a hngêi rak tơmeăm. Mâu ngế ki kố ti tăng troăng, xúa xa-[eng lôu péa, lôe tâl mot tung hngêi vâ ti tăng tơmeăm ki kơnâ klêi mê tong’’.

Tiô mơnhên dêi Ko\ng an kong pơlê Dak Nông, sap apoăng hơnăm troh nôkố, mâu ngế tong tơmeăm tung kong pơlê hiăng kơdroh lối 3% laga ai troh 41,8% tung tâi tâng kơxo# roh xôi kân. Mâu ngế ki tong rơkê, ai khu tơru\m [a\ mâu ngế ki ê vâ pơto djâ tơmeăm tong tê a tíu tơkăng kong. Xua mê, vâ tơplâ mơdât tơ-[rê [a\ mâu ngế xôi kố, tung la ngiâ, ki má lối cho roh mơ’nui hơnăm, khu ko\ng an mâu râ tung kong pơlê Dak Nông hiăng [a\ dế pơtối po rơdâ tơdâng mâu túa, tung mê, tơtro\ng thăm hbrâ mơdât mâu ngế ki tong kố, tơku\m khu pêi cheăng tơplâ mơdât vâ mơnhên tăng rup mâu ngế ki xôi, kho\m pơxâu phâk kơtăng mâu ngế ki xôi kố./.

PX15 Dak Nông chêh

A Sa Ly tơplôu [a\ tơbleăng