VOV4.Sêdang - Kơmăng lơ 15/1, Vi [an kong pơlê Dak Nông tơku\m po tơbleăng pơkâ mơjiâng pơlê kong kơdrâm Gia Nghĩa. Jâ Đặng Thị Ngọc Thịnh, Kăn xiâm pho\ hnê ngăn tơnêi têa, khu kăn pơkuâ khu xiâm, kơvâ cheăng dêi tơnêi têa [a\ kong pơlê rơtế rơpâu ngế kuăn pơlê dêi kong pơlê Dak Nông veăng amê.

Tiô pơkâ dêi Vi [an pơkuâ Kuo#k ho#i, pơlê kong kơdrâm Gia Nghĩa, kong pơlê Dak Nông châ mơjiâng tâi tâng 284 km karê tơnêi kong kế [a\ pơ’leăng mâ mơngế lối 85 rơpâu ngế dêi pơlê kong kơdrâm Gia Nghĩa. Pơlê kong kơdrâm ai 6 bêng: mê cho Nghĩa Đức, Nghĩa Phú, Nghĩa Tân, Nghĩa Thành, Nghĩa Trung, Quảng Thành [a\ 2 to cheăm: Dak Nia, Dak Rmoan.

Jâ Đặng Thị Ngọc Thịnh, Kăn xiâm pho\ hnê ngăn tơnêi têa xông tơpui a leh tơbleăng pơkâ mơjiâng pơlê kong kơdrâm Gia Nghĩa

Xông tơpui a leh tơbleăng, jâ Đặng Thị Ngọc Thịnh, Kăn xiâm pho\ hnê ngăn tơnêi têa tối nhên: cho tíu xiâm kal kí, cheăng kâ, mơhno túa le\m tro, rêh ối pơlê pơla dêi kong pơlê Dak Nông, tơdroăng Gia Nghĩa chiâng pơlê kong kơdrâm cho tơdroăng ki kal kân khât vâ mơnhông cheăng kâ, rêh ối pơlê pơla dêi pơlê kong kơdrâm tối krê [a\ kong pơlê Dak Nông tối tơdjuôm.

Kăn xiâm pho\ hnê ngăn tơnêi têa pơchân, Đảng [o# khu râ kăn pơkuâ [a\ kuăn pơlê kong pơlê Dak Nông kal pơtối pơkuâ hnê mơhno mơ’no liăn mơjiâng pơlê kong kơdrâm chiâng pơlê kong kơdrâm ki rơkê tu\m têk tung pêi chiâk deăng, tê mơdró [a\ ôm hyô.

A Sa Ly tơplôu [a\ tơbleăng