Râng pháu ki tí tăng mơjiâng pro xêh lăm nâp ăm kăn [o# ko\ng an, ngoh Giàng Xuân Sành, ối a pơlê Dak Snao, cheăm Quảng Sơn, tơring Dak Glong, kong pơlê Dak Nông tơhrâ kô ôh tá xúa xếo mâu pháu hơhnêa kố. Ngoh Giàng Xuân Sành tối: hdrối nah, xua ôh tá hâi hlê ple\ng nhên mê hên ngế tung pơlê xuân hmâ xúa pháu ki tơná vâi pro xêh vâ lăm lúa tăng kuăn kiâ kong, ‘nâ xúa drêng ai tơdroăng tơhôu dêi rơpó, tơbriât tơnêi tơníu, ah pro chiâng ai tơdroăng ki xâu xía kân, rơ-iô, thăm nếo ai ngế ki ‘nâ hlu hlâ xua ing pháu hơnêa ki mơhno\ng pro dêi xêh kố.

‘’Pháu ki tăng pro xêh cho rơ-iô ‘nâng, xúa lăm lúa vâ pe\ng kuăn kiâ kong ôh tá l^ng tro ah chiâng tro pe\ng kuăn mơngế. Má péa nếo, tơnêi têa ôh tá ăm pin lăm lúa tăng kuăn kiâ kong hmâng to lo vâ. Mê á xuân hnê tối kuăn pơlê, tâng ai ngế ki lâi ai pháu hơnêa athế re\ng nâp ăm kăn [o#. Hdrối kố nah, á tối ăm kuăn pơlê, thế vâi nâp dêi châ 16 troh 17 toăng pháu’’.

Ko\ng an Dak Nông pêi hnoăng tơku\m xo mâu pháu hơnêa  ki kuăn pơlê mơjiâng pro xêh, kế tơmeăm ki chiâng pơtôu

{ă tơdroăng pơkâ ‘’troh tơrêm hơlâ troăng, rêm rơpo\ng hngêi, tăng ngăn tơrêm ngế‘’, mê Ko\ng an tơring Dak Glong hiăng tơru\m [ă mâu kăn [o# cheăm pơlê tơku\m po hên rôh hnê tối kuăn pơlê veăng kring vế tơniăn tơnêi têa, thế nâp dêi mâu pháu, hơnêa kế ki chiâng pơtôu, tơmeăm ki pro chiâng pơtôu a mâu tíu kuăn pơlê ối, a pơlê ki ai hên ngế rak ruâ pháu, kế chiâng pơtôu. Ing mê, kuăn pơlê hiăng hlê ple\ng iâ.

Pôa Đinh Công Soan, kuăn pơlê R’Bút, chăm Quảng Sơn, tơring Dak Glong, kong pơlê Dak Nông ăm ‘nâi:

‘’Ki xôi xua á dâi pháu ki á pro xêh tro pe\ng dêi a chêng peăng hơvá, tung chêng a ối do#m ‘mrâm pháo [ă a thế lăm po pơlât a hngêi pơkeăng tah kơdjâ ‘mrâm. Kuăn pơlê pin hlo ki rơ-iô môi tiah mê ngế ki lâi ai rak ruâ pháu thế xo nâp ăm mâu khu pơkuâ ko\ng an vâ pôi tá tro rơ-iô ăm tơná’’.

Kuăn pơlê Dak Nông hiăng lăm nâp dêi phá hơnêa ki vâi mơhno\ng pro xêh ăm khu khu ko\ng an

Sap ing apoăng hơnăm kố, a kong pơlê Dak Nông đi đo ai hên tơdroăng xía vâ tơdjâk troh pháu hơnêa, trếo pơtôu, tơmeăm pro chiâng pơtôu. Môi tiah, a hâi lơ 25/1 hiăng ai rôh pro pơtôu min hneăng hmốu, min pơtôu a cheăm Quảng Trực, tơring Tuy Đức, pro hlâ 2 ngế [ă tro rong 3 ngế. Hâi lơ 25/2, a tơring Dak Rlâp hiăng ai tơdroăng xúa pháu tro pe\ng mơngế, pro 1 ngế hlâ. Hâi lơ 11/4 nah, môi ngế lăm lúa tro hliâk chêng kơtong [ă pháu hlối lêi pơxế pe\ng xêh pro hlâ 1 ngế [ă hên tơdroăng ki ê nếo.

Hlo ai tơdroăng mê, Ko\ng an kong pơlê Dak Nông hiăng pơkâ thế, hnê tối kuăn pơlê nâp dêi pháu, kế chiâng pơtôu ki ai tung pơlê pơcháu ăm mâu kăn. Khu Ko\ng an hiăng tơku\m po 4 rôh hôp kân, 5 rôh hôp tơpui tơno [ă 25 rôh hôp a thôn, pơlê [ă 5 rôh trâm tơpui [ă mâu [ok, yao phu, mâu ngế ngăn ‘na tơdroăng khôp, 25 rôh trâm mơngế ki kuăn pơlê nhoăm tung hdroâng kuăn ngo, [ă hlối hnê 250 hdrôh ăm kuăn pơlê tơku\m nâp dêi mâu pháu hơnêa, kế chiâng pơtôu. 

Ko\ng an kong pơlê Dak Nông khe\n kơdeăn, mơhá pri ăm khu, ngế kơhnâ châ tơku\m xo mâu pháu hơnêa ki kuăn pơlê tăng pro, mâu tơmeăm ki chiâng pơtôu

Klêi mê, hiăng tơku\m xo vâ chê 240 toăng pháu ki vâi pro xêh, vâ chê 30 toăng pháu, lối 20 toăng pháu, kế pơtôu ki oh tá krá [ă vâ chê 30 toăng pháu kân, lối 20 túa pháu, trếo pro chiâng pơtôu [ă 50 toăng pháu  chhá, 27 pu\m gra-nât, răng pháu [ă hên mâu kế pro chiâng pơtôu ki ê.

Thươ\ng tă Trần Hải Đường, Kăn pho\ ngăn kăn sát rak ngăn ‘na tơnêi tíu, Ko\ng an kong pơlê Dak Nông, ăm ‘nâi, tung la ngiâ kô pơtối mơdêk tơdroăng hnê thế kuăn pơlê tơku\m nâp dêi mâu pháu, kế pơtôu, tơdroăng hnê tối mê hiăng hlo chía tơ-[rê iâ:

‘’Pơtối mê, [ơrô hiăng châ mơjiâng pro a tơring Dak Song [ă Dak Rlâp. Tung la ngiâ a 2 tíu mê, vâ mơ-eăm hnê tơbleăng mâu tơdroăng pơkâ ‘na rak ngăn mâu trếo pơtôu, tơmeăm pro chiâng pơtôu, kum kuăn pơlê ‘nâi ki rơ-iô ing mâu tơmeăm ki mê, ki pro hlâ rong kuăn mơngế tâng ai ‘măn xúa mâu trếo pơtôu, tơmeăm pro chiâng pơtôu tung pơlê [ă hnê tối ăm kuăn pơlê re\ng thâ nâp mâu tơmeăm, kế chiâng pơtôu ăm kơ koan ko\ng an, ôh tá ăm ai tơdroăng ki hlâ rong mơngế môi tiah hdrối mê hía nah.

Kố cho môi tung mâu tơdroăng cheăng pêi ki kal kân. {ơrô kô tơku\m po mâu rôh lăm pêi cheăng [ă pơlê cheăm, ko\ng an a pơlê cheăm tơku\m hnê tối [ă  po rôh lăm tơku\m xo mâu tơmeăm mê tung la ngiâ’’.

Vâ veăng kring vế tơniăn a pơlê cheăm, pôi tá ai mâu tơdroăng xía vâ xua ing pháu hơnêa ki vâi tăng mơjiâng pro xêh. Pa k^ng veăng ai mâu kơ koan ko\ng an tơmâng pro kơtăng, pơxâu phak păng ‘nâng, mê ối kal thế rêm ngế kuăn pơlê mơ-eăm hlê ple\ng, thế ‘nâi rak tro luât ki hiăng pơkâ ‘na rak ngăn, xúa mâu pháu hơnêa, kế chiâng pơtôu, tơmeăm ki pro chiâng pơtôu.

Hòang Qui chêh

Gương tơplôu [ă tơbleăng