Roh apoăng ngoh Huỳnh Hoàng Thiên Tài, mơngế tơmối a pơlê kong kân Hồ Chí Minh troh lăm ôm hêi, pơtê pơto a Đà Lạt, laga, tu\m tơdroăng ôu kâ, xah ôm hêi, tíu ki vâ lăm troh, yă rôe kế tơmeăm [ă hên mâu tơdroăng ki ê pơrá châ tơniăn le\m [ă tro tiô tơdroăng ki pói vâ sap ing apoăng. Ai roh ki lăm ôm hyô, pơtê pơto le\m tơniăn môi tiah mê kơnôm hdrối mê ngoh hiăng tí tăng ‘nâi ple\ng, mơnhên ngăn rêm mâu tơdroăng ki kal ing phân mêm Dalat City ki hiăng châ krâ ‘măn tung phôn râng ko\ng mê.

‘’Kế tơmeăm ki xúa mê ga ai hên, á hlo ai kế kâ, ai mâu tíu ki ôm hyô [ă ai tá mâu tơdroăng tối tơbleăng ‘na mâu tơdroăng ki kal, xuân ai tíu ‘nâ tâng lơ vâ lăm ôm hyô môi tiah kơchơ Đà Lạt, kơchơ reăng [ă hên h^n mâu tíu ki ê. Kố cho mâu tơdroăng ki á hlo hơniâp ro, xua pin ôh tá eâ athế tí tăng ‘nâi ki klâi ki mơdoh tâi chôu phut hâi khế, bu xúa phân mêm pin pơrá ai tâi tâng. Á tơmiât mâu kong pơlê ki ê xuân kal athế mơnúa pêi [ối xúa phân mêm ki kố, drêng mê, drêng ai tơmối troh vâi kô ‘nâi kố cho tơdroăng ki tơniăn, ôh tá tro pơloăng lơ yă rôe xúa kế tơmeăm ôh tá to kơnâ’’.

Kế xúa Dalat City a Google Play (Android)

Xuân môi tiah mê, ngoh Châu Gia Bảo, môi ngế lo ing kong pơlê Đồng Nai, xuân hiăng hâk git ‘nâng kơnôm ing phân mêm ki ai pơxúa kố. Pak^ng ‘nâi hdrối yă kế tơmeăm dêi rêm tơdroăng, kơtăn hơngế achê tíu ki vâ châ troh, mâu rơxế ki prôk lăm, mê ngoh Bảo ối ai troăng tour ôm hyô tơtro ăm dêi krê tơná tung plâ 3 hâi lăm ôm hyô, pơtê pơto a ĐàLạt:

‘’Ai tu\m têk mơhno ăm pin hlo môi tiah hngêi pơtê, tíu ối, mâu hngêi mơdró kế kâ, ing mê, kum ai pơxúa khât ăm rêm ngế drêng troh a Đà Lạt, ôh tá eâ tâi hên chôu phut, hâi khế, mê ối châ loi tơngah khât ‘nâng. Pin xuân ’nâi nhên tíu ki pin ối [ă tíu ki pin vâ prôk lăm. Châ hluăn ing tơdroăng ki tro pơloăng mơnúa, lơ pơtroh ăm pin mâu rơkong tơpui tối ki ôh tá tro, [ă ga tơtro ‘nâng ăm mâu pú hmâ hơnăm ối nếo lăm ôm hêi, xah hyô a hên tíu ki ê’’.

Kế ki xúa Dalat City hiăng pơtroh hên tơdroăng nếo ăm tơmối

Phân mêm Dalat City cho phân mêm ki chiâng xúa tâi tâng a mâu phôn râng ko\ng ki ai tu\m têk kế tơmeăm, ai hệ điều hành Android lơ IOS xua pơlê kong kơdrâm Đà Lạt tơru\m cheăng [ă mâu khu pơkuâ cheăng, rêm râ kơvâ cheăng dêi kong pơlê Lâm Đồng mơjiâng [ă hiăng ăm xúa, [ă tơdroăng ki xiâm kum Đà Lạt chiâng môi pơlê kong kơdrâm ôm hyô ki hloh hlê rơkê ple\ng, tơtro [ă kong kế, ngo ngối, pro tơtro tuăn ăm tơmối. Klêi kơ’nâi hiăng cài đặt App Store lơ Google Play, mê phân mêm Dalat City kô pơtroh ăm tơmối tu\m têk mâu tơdroăng ki nếo ai, ki mơnhên tíu troh [ă yă kế tơmeăm hngêi pơtê pơto, tíu pôu ngăn, lăm xah hêi, rôe xúa, ôu kâ xah hêi; mâu tơdroăng nếo ai ki hnê mơhnhôk, kơdroh yă [ă mâu tơmeăm ki ai pơxúa ‘na tíu ối, tíu khăm pơlât, ko\ng an, kế tơmeăm prôk lăm, ATM, tíu tê têa kơxăng, hngêi lăm dế drô troăng prôk [ă hên mâu tơdroăng ki ê.

Pa k^ng tơdroăng to\ng kum ăm tơmối, phân mêm ki xúa Dalat City ối to\ng kum ôh tá xo liăn vâ khu mơdró Đà Lạt-Lâm Đồng tơdjêp, mơhno tơbleăng mâu tơdroăng ki nhên ‘na mâu kế tơmeăm xúa tung ôm hyô dêi tơná. Ngoh Nguyễn Thanh Giang, ngế teăng mâ Hngêi ăm tơmối ối pơtê pơto Plaza tối ăm ‘nâi, sap ing hâi ki xúa phân mêm kố, mâu tơdroăng pơtâng tối ‘na mơdró kâ troh a tơmối hiăng châ re\ng [ă tơ’lêi tâ:

‘’Á hlo phân mêm kô ga ai pơxúa khât ‘nâng, mâu tơdroăng ki nếo ai dêi khu mơdró mơni kô troh [ă tơmối re\ng tâ, tơbleăng tối nhên tâ’’.

Tiô jâ Nguyễn Thị Bích Ngọc, Kăn pho\ ngăn ’na mơhno túa le\m tro, tơ’noăng ivá, ôm hyô dêi kong pơlê Lâm Đồng tối, phân mêm ki kố ối pơtroh ăm tơmối kơxo# phôn ki vâ re\ng châ tơpui tối, pơtroh tơbleăng, ai drăng tíu ki vâ kum ăm tơmối châ re\ng tối tơbleăng mâu tơdroăng dêi tơná ‘na ki dâi le\m mâu tơmeăm khoăng, mâu tơdroăng tối tơbleăng ki tơtro, ’na yă tê kế tơmeăm, mâu tơdroăng ki nếo ai tá troh a mâu kơ koan vâ re\ng châ tơleăng mơnhên [ă tơleăng tơdrêng, kum veăng mơdât khu ki cheăng kâ ôh tá tơdrăng, lu lêa, hjip yă kơ tơmối:

‘’Ngế ôm hyô châ xúa hên tơdroăng ki ai pơxúa, môi tiah tăng kơbong koi, rah xo ve\ tung internet vâ kơdroh tah lôi chôu phut, hâi khế ki mơdoh mơdon. Pơtih tơmối vâ ối a Hngêi pơtê pơto, tăng ngăn mâu kơbong koi pơtê, ki dâi le\m dêi kơbong koi, yă ga ai to lâi, kế tơmeăm tung kơbong koi tiah lâi, tíu ki mê ga hơngế lơ achê [ă hên mâu tơdroăng ki ê. Khu tơmối xuân chiâng vâ tí tăng ‘nâi tíu ki lâi, kơpong ki lâi xuân ai tu\m tâi tâng mâu tơdroăng. Mot xúa ing phân mêm kố, mê tơmối kô mơjiâng ăm dêi tơná tíu ki vâ ôm hyô mê ulâi, to lâi hâi, yă liăn ga tiah lâi, athế lăm kâ hmê ulâi, lăm xah hêi ulâi, mê tung phân mêm kố pơrá hiăng hnê tâi tâng’’.

{ă troăng hơlâ tung la ngiâ kô mơjiâng Đà Lạt chiâng môi pơlê kong kơdrâm ôm hyô ki hloh hlê rơkê ple\ng mê ki xiâm cho ing kuăn mơngế, [ă 3 khu ki tơdjâk dêi pó, tơmối ôm hyô [ă kơ koan pơkuâ ngăn cheăng tơnêi têa, phân mêm Dalat City châ ngăn cho môi tơdroăng ki ai pơxúa [ă ki cho păng ‘nâng, veăng kum tơniăn khât kum ăm Đà Lạt chiâng tíu ki tro tơniăn [ă phiu niu, tơtro [ă hiâm mơno ăm tơmối tung tơnêi têa [ă kong têa ê.

Quang Sáng chêh tối

   Nhat Lisa tơplôu [ă tơbleăng