VOV4.Sêdang - Klêi 10 hơnăm mơjiâng, Khu ngăn mâu droh rơtăm pleăng hnoăng cheăng hneăng hdrối tung rôh plâ xâ nah kong pơlê Dak Lak ai vâ chê 5 rơpâu ngế tơru\m cheăng. Tơdroăng ki tơ’noăng pâ nhuo#m tơnêi têa tung mâu hơnăm hiăng hluâ châ mâu ngế ki tơru\m cheăng pêi pro kơhnâ khât [ă hiăng châ hlo ai hên ngế ki djâ troăng ahdrối, rơkê ple\ng. Vâi mơ-eăm pêi cheăng, tê mơdró ôh ti xê to pro kro mơdro\ng ăm to dêi rơpo\ng hngêi mê ối kum mâu vâi pú rơtế tơkâ hluâ mâu tơdroăng ki xahpá. Khu chêh hla tơbeăng cheăng tung Rơ’jiu Việt Nam kơpong Tây Nguyên ai chêh tối ‘na tơdroăng kố.

            Nâ Nguyễn Thị Định, pơlê a Hà Tĩnh, veăng tung khu droh rơtăm djâ troăng ahdrối a Quảng Bình, Quảng Trị vâ veăng kum tung tơplâ xâ drô troăng kân Hồ Chí Minh. Klêi kơ’nâi pêi kêi hnoăng cheăng, nâ vêh dêi a pơlê [a\ xo on veăng, klêi mê rơtế dêi pó mot a cheăm Ea Kiết, tơring }ư\ Mgar, kong pơlê Dak Lak mơjiâng tơdroăng cheăng kâ nếo. Klêi kơ’nâi lối 20 hơnăm rêh ối pêi cheăng a kơpong tơnêi khêi bazan, mơ-eăm kơdroh kơklêa, xăm kơtiê [a\ tamo châi, nôkố on veăng nâ hiăng ai 3 hectar tiu, kơphế [a\ plâi kâ pêi lo lối 1 rơtal liăn rêm hơnăm. Nâ Định tối: Mâi nâ cho mô đo#i, nâ cho ngế ki djâ troăng ahdrối hneăng hdrối nah, xua mê péa ngế mơ-eăm tung tơdroăng rêh ối. Akố vâi ăm rơpo\ng ối tung khu kơtiê, mơhé pá puât laga ôh tá vâ. Nôkố pêt kơphế, tiu, plâi kâ. Hơnăm kố nah pêi lo liăn lối 1 rơtal liăn, mơjiâng pro hngêi 1 rơtal 200 rơtuh liăn, klêi mê, rak ngăn dêi kuăn hriâm. Tung tơdroăng to\ng kum, mê kum mâu ngế kơtiê, ăm vâi krâ nho\ng o mung ôh tá xo liăn laih 200 rơtuh liăn, kum vâi mơ-eăm tung tơdroăng rêh ối.

            Nâ Định cho ngế ki djâ troăng ahdrối tung tơ’noăng pâ nhoa#m tơnêi têa a cheăm Ea Kiết, tơring }ư\ Mgar. Tơdroăng kố hiăng châ mâu khu tơru\m cheăng dêi cheăm mơhnhôk [a\ pêi cheăng, mơ-eăm pêi cheăng kâ tung rơpo\ng, mâu droh rơtăm djâ troăng ahdrối hneăng hdrối nah ối kum liăn ăm mâu khu tơru\m cheăng ki ối pá tâ. Kơnôm tiah mê, troh nôkố, Khu pơkuâ droh rơtăm hneăng hdrối nah cheăm Ea Kiết ôh tá ai mơngế ki kơtiê xếo. Jâ Trần Thị Thanh, Kăn hnê ngăn khu droh rơtăm djâ troăng ahdrối cheăm Ea Kiết, tơring }ư\ Mgar, kong pơlê Dak Lak ăm ‘nâi: Nôkố. Chi ho#i ai 41 ngế, ngin mơhnhôk rêm ngế veăng rơlo 1 rơtuh liăn vâ kum nâ o ối kơtiê tâ mâu khu ki ê vâ mơnhông cheăng kâ tung rơpo\ng, thăm pêi lo liăn. Hdrối nah, ngin ối droh rơtăm rơtế dêi pó lăm plâ xâ, nôkố hiăng tơniăn le\m, ngin hriâm dêi pó tung tơdroăng cheăng, ru\m môi tuăn, kum dêi pó, mơjiâng mơnhông mơdêk tơdroăng rêh ối dêi rơpo\ng, mơjiâng thôn pơlê nếo dêi cheăm rế hía rế kro mơdro\ng tâ.

            Ki hên mâu droh rơtăm djâ troăng ahdrối hneăng hdrối nah nôkố hơnăm hiăng krâ, ivá ôh tá pá hro xếo, hên ngế tro rong, laga mơ-eăm tung rêh ối, hnê tối kuăn ‘ne\ng cháu chái mơnhông cheăng kâ tung rơpo\ng. Pêi pro tơdroăng kố ôh tá xê to a tơring }ư\ Mgar, mê troh lâp lu tung lâp kong pơlê Dak Lak. Pơtih a tơring Ea Hleo, poâ Bùi Hoàng Sơn, Kăn hnê ngăn khu droh rơtăm djâ troăng ahdrối hneăng hdrối nah ăm ‘nâi: Pêi pro tơdroăng tơ’noăng pâ nhoa#m tơnêi têa ‘’Djâ troăng ahdrối pêi tiô rơkong hnê mơhno dêi Poâ Hồ’’, khu pơkuâ droh rơtăm pleăng hnoeăng cheăng hneăng hdrối hnê mơhno ăm mâu cheăm pơtâng tối ‘na túa pêi cheăng, tê mơdró mơdêk tơdroăng rêh ối ‘na kế tơmeăm dêi rơpo\ng [a\ kum dêi pó kơdroh kơklêa, xăm kơtiê. Hiăng ai mâu droh rơtăm ki djâ troăng ahdrối pêi lo 400 troh 500 rơtuh liăn. Kum cheăm, mê Khu pơkuâ droh rơtăm djâ troăng ahdrối xuân pêi tro tiô troăng hơlâ dêi Đảng, luât dêi Tơnêi têa, klêi mê veăng pleăng tơnêi, mơjiâng thôn pơlê nếo, pêi tro tu\m tơdroăng cheăng’’.

            Klêi kơ’nâi 10 hơnăm mơjiâng, Khu pơkuâ droh rơtăm djâ troăng ahdrối kong pơlê Dak Lak ai vâ chê 5 rơpâu ngế, lo ing hên pơlê phá tơ-ê dêi pó, ôh tá pêi cheăng môi kơ koan, khu droh rơtăm djâ troăng ahdrối hneăng hdrối nah pơtối môi tuăn, djâ troăng ahdrối tung rêm tơdroăng cheăng, kum mơjiâng kong pơlê Dak Lak rế kro mơdro\ng. Jâ Trịnh Thị Hương, Kăn hnê ngăn khu droh rơtăm djâ troăng ahdrối hneăng hdrối nah kong pơlê Dak Lak ăm ‘nâi: Xiâm kối droh rơtăm pleăng hnoăng cheăng hneăng ahdrối  pêi pro mâu tơdroăng tiô Poâ Hồ hnê ‘’Ôh tá xâu tơdroăng ki pá’’. Droh rơtăm pleăng hnoăng cheăng hneăng ahdrối ối ai ivá mê thế xúa khoa ho\k kih thuât, rơtế rơpo\ng hngêi, rơtế [ă pơlê mơjiâng pơlê thăm kro mơdro\ng tâ. Ahdrối mê kal pêi cheăng kâ rơkê, má môi ing ivá dêi tơná thế pêi lo kế tơmeăm khoăng, má péa thế hnê mơhno ăm kuăn pơlê pêi cheăng kâ tung rơpo\ng hngêi châ tơtêk.

            Rơxông mê nah hiăng hluâ, laga hiâm mơno pleăng dêi hnoăng cheăng, djâ troăng ahdrối, môi tuăn, mơ-eăm tơkâ hluâ pá puât tung rêm ngế droh rơtăm pleăng hnoăng cheăng hneăng hdrối nah kong pơlê Dak Lak hâi kó. Vâi cho mâu ngế ki djâ troăng ahdrối vâ rơxông hơnăm ối nếo hriâm tâp, pêi pro [ối.

A Sa Ly chêh [a\ tơbleăng