Pêi pro tiô tơdroăng tâi tâng kuăn pơlê veăng gak ngăn tíu tơkăng kong, kring vế pơlê pơla, rơtế [ă hên mâu tơdroăng cheăng ki ê, mê Khu pơkuâ ngăn vâi kơdrâi a thôn 3, cheăm Ia Rvê, tơring Ea Súp, kong pơlê Dak Lak hiăng mơjiâng túa Kâu lak [o# ‘’Khu kơdrâi ôh tá pro xôi luât tíu tơkăng kong’’.

Tiô jâ Nguyễn Thị Hai Sơn, Kăn hnê ngăn Kâu lak [o# tối, ki xiâm dêi tơdroăng mơjiâng Kâu lak [o# kố cho vâ kum ăm vâi nâ o châ tơpui tơno, mơhno tơbleăng, hnê mơhnhôk dêi pó, kơdo mơ-eăm tơkâ hluâ mâu tơdroăng xơpá, kơhnâ mơ-eăm [ă mô đo#i gak tíu tơkăng kong kring vế thôn pơlê, tơplâ mơdât mâu tơdroăng ki pro xôi pơlê pơla [ă malối cho hnê tối vâi nâ o tung khu ôh tá khoh pro mâu tơdroăng xôi tơkăng kong.

Xua tơdroăng rêh ối trâm hên xơpá, mê tung mâu hâi ki pơxiâm mơjiâng bu ai iâ tê mơngế ki veăng pêi pro mâu tơdroăng kố. Mô đo#i gak ngăn tíu tơkăng kong hiăng rơtế [ă mâu kăn [o# vâi kơdrâi kơhnâ khât tung mơhnhôk, rế hnê tối, rế tơku\m po mâu túa ki kum kuăn pơlê rêh ối, pêi cheăng le\m tro, mê troh nôkố hiăng ai 100 ngế nâ o veăng pêi tung tơdroăng cheăng kố.

Rêm khế, Kâu lak [o# tơku\m po mâu roh tơpui tơno môi hdroh, a mâu khu ki tơpui tơno mê hiăng pêi pro hên mâu tơdroăng cheăng mơhno túa le\m tro, mơđah hơdruê xuâng, tơ’noăng ivá vâ thăm mơnhông rế hên ngế ki veăng pêi pro.

Mâu ngế tung Kâu lak [o# hiăng kơhnâ khât tung veăng pêi pro mâu tơdroăng cheăng pơlê pơla, môi tiah kum dêi pó pêi chiâk deăng, tơleăng tơdroăng xôi, xing xoăng mâu tơdroăng cheăng pơlê pơla môi tiah lăm gak ngăn, kring vế troăng tíu tơkăng kong, hbrâ tơpâ mơdât on chếo kâ kong, mơhnhôk vâi krâ-nho\ng o tơru\m mơjiâng thôn pơlê.

Jâ Trần Thị Lệ Thủy, Khu pơkuâ ngăn vâi kơdrâi cheăm Ia Rvê, tơring Ea Súp tối ăm ‘nâi:

‘’Ki xiâm dêi tơdroăng cheăng ngin drêng mơjiâng Kâu lak [o# kố cho vâ kum ai tơdroăng cheăng pêi ăm vâi nâ o, chôa ‘lâng tơdah xo mâu tơdroăng ki hlê ple\ng ing tơdroăng hnê tối dêi luât.

Xuân môi tiah mâu tơdroăng ki mơnhông ‘na pêi cheăng kâ tung rơpo\ng hngêi, ing mê, kum ăm mâu vâi nâ o thăm hlê ple\ng vâ rơtế [ă on veăng, rơpon\g hngêi pơtối mơnhông mơdêk pêi cheăng kâ.

Ing mê, kơdroh tah lôi mâu tơdroăng ki ôh tá tơdâng tơ’mô tung on veăng, rơpo\ng hngêi, mâu vâi nâ o xuân hiăng chiâng mâu ngế ki hnê tối rơkê vâ kơdroh tơdroăng xôi tung pơlê pơla, xuân môi tiah ‘na mơdât tơdroăng xôi a kơpong troăng tíu tơkăng kong’’.

Xuân môi tiah mâu tơdroăng cheăng dêi khu vâi kơdrâi, khu pơkuâ ngăn Đoân droh rơtăm dêi cheăm Ia Rvê, tơring Ea Súp hiăng mơjiâng mâu Kâu lak [o# ‘’thôn ôh tá ai mâu vâi rơtăm pro xôi luât’’.

A mâu kâu lak [o# ki kố, kăn [o#, mâu lêng đông gak tíu tơkăng kong Ia Rvê hiăng tơru\m cheăng [ă kăn [o# Đoân lăm hnê tối ‘na troăng hơlâ, tơdroăng pơkâ cheăng dêi Đảng, Luât xiâm dêi tơnêi têa [ă mâu tơdroăng pơkâ ‘na hnoăng gak ngăn tíu tơkăng kong, kring vế tơnêi têa, Khu vâi droh rơtăm kơhnâ khât tung hnoăng chêh dêi inâi ôh tá pro xôi luât, veăng pêi pro hên tơdroăng cheăng mơhno túa le\m tro, mơnhông rêh ối pơlê pơla, pêi chiâk pêi deăng, pêi châ hên hnoăng cheăng veăng mơjiâng thôn pơlê nếo.

Ngoh Lê Văn Phong, Kăn pho\ pơkuâ hnê ngăn Đoân droh rơtăm cheăm Ia Rvê, tơring Ea Súp tối ăm ‘nâi:

‘’Vi [an hnê ngăn cheăm hiăng veăng hnê mơhno, mơhnhôk kuăn pơlê veăng pêi pro, [ă mâu pú hmâ xuân hiăng pêi pro le\m tro ‘na tơdroăng cheăng kố, veăng pêi kơhnâ khât, ngin xuân hiăng hbrâ pêi pro po rodâ ‘na tơdroăng cheăng kố a mâu thôn ki ê’’.

Veăng hnê tối ‘na tơdroăng pơxiâm pêi hnoăng cheăng, kăn [o#, mâu lêng đông tơkăng kong Ia Rvê xuân hiăng xing xoăng cheăng ăm khu ki pêi dêi hnoăng cheăng lăm ngăn a pơlê cheăm kố, pêi pro mâu hnoăng cheăng, pêi tiô túa ‘’rơtế kâ, rơtế ối, rơtế pêi [ă kuăn pơlê’’.

Kơnôm tiah mê, hnoăng cheăng ki tâi tâng kuăn pơlê veăng gak ngăn tíu tơkăng kong, kring vế tơnêi têa a cheăm Ia Rvê dế châ khu râ pơtối pêi pro le\m tro. Pôa Cao Minh Lự, Kăn hnê ngăn Vi [an cheăm Ia Rvê tối ăm ‘nâi:

‘’Tung pơla pêi pro tiô mâu tơdroăng ki hiăng hnê tơdjâ, ngin hiăng ai po mâu roh hôp, pơkâ pêi pro ăm troh tơrêm mâu thôn, mâu khu râ, kơvâ cheăng vâ veăng pêi pro, chêh inâi [ă ing mê, po rơdâ troh a tơrêm rơpo\ng on veăng vâ thăm pơtối mơnhông mơdêk hiâm mơno, pêi pro tiô hnoăng cheăng tơná ‘na túa pêi cheăng gak ngăn tíu tơkăng kong, kring vế tơniăn tơnêi têa’’.

Luâ môi hơnăm rak vế, pêi pro tiô Tơdroăng pơkâ dêi Ngế pro xiâm hnê ngăn Chin phuh ‘na tơdroăng tơku\m po, veăng gak ngăn tíu tơkăng kong, kring vế tơnêi têa tung chal nếo nôkố, mê Dak Lak hiăng châ pêi pro tơniăn le\m.

Mâu cheăm tíu tơkăng kong dêi kong pơlê Dak Lak hiăng tơur\m cheăng [ă mâu đông gak tíu tơkăng kong mơjiâng 51 khu ki pơkuâ ngăn, kring vế a mâu thôn pơlê.

Mâu túa cheăng: ‘’Rơpo\ng vâi kơdrâi ôh tá pro xôi luât rak ngăn tíu tơkăng kong’’, ‘’vâi droh rơtăm ôh tá pro xôi luât’’, ‘’idrâp dôu kring vế pơlê pơla’’, ‘’idrâp te\ng ne\ng vâ gak ngăn’’ hiăng pro hên kuăn pơlê veăng pêi, ai pơxúa khât tung ‘no ivá mơno veăng kring vế lâp pơlê pơla, veăng mơnhông kơpong tíu tơkăng kong krá rơdêi.

Đăi tă Lê Đáng, Kăn pho\ hnê ngăn Đảng dêi Mô đo#i gak tíu tơkăng kong dêi kong pơlê Dak Lak ăm ‘nâi:

‘’Klêi kơ’nâi 1 hơnăm rak vế, pêi pro tiô tơdroăng kơxo# 01 dêi Ngế pro xiâm hnê ngăn Chin phuh, mơ’no hnoăng cheăng tâi tâng kuăn pơlê veăng kring vế, gak ngăn kơpong tíu tơkăng tung hnoăng cheăng chal nếo nốkố, mê troh nôkố, tâi tâng mâu tơring, pơlê kong kân, pơlê kong krâm dêi kong pơlê Dak Lak hiăng pơkâ pêi pro, kuăn pơlê a kong pơlê kố xuân hiăng ‘nâi nhên ki xiâm dêi tơdroăng kơxo# 01.

Ki rơhêng vâ tối cho a cheăm tíu tơkăng kong, 2 tơring tíu tơkăng kong hiăng tơru\m cheăng krá tơniăn [ă mô đo#i gak tơkăng kong vâ pơkâ pêi pro mâu hnoăng cheăng tơtro [ă pơkâ, nhên rơdâ tâi tâng mâu hnoăng cheăng ki xiâm dêi kơxo# 01, to a mâu cheăm tíu tơkăng kong mê troh nôkố hiăng ai 51 tung 51 to thôn pơlê hiăng tơku\m po mâu khu pơkuâ ngăn [ă k^ tơkêa [ă đông gak ngăn tíu kăng kong rak vế, pêi pro mâu hnoăng cheăng kring vế tơniăn tíu tơkăng kong’’.

Nhat Lisa prế A Sa Ly tơplôu [ă tơbleăng