Ngoh Siu Phưr, ối a pơlê Glung, cheăm Yang Nam chơ dêi kuăn kơdrâi a rơxế hon đa, troh a têa Lơ Pơ, ngoh tot pơtê iâ a mê xua têa hiăng đik kân, la têa ki kố kân hơngế ‘nâng, la ngoh tơmiât mê vâ, mê ôh xuân kho\m kơto rơxế lâ tơkâ têa hlối. Klêi kơ’nâi kơtâu rơxế tung têa, rơxế xuân tơkâ luâ têa ki mê, ngoh Phưr [ă dêi kuăn kơdrâi hiăng tơkâ luâ têa ki mê pá tá. Ngoh Phưr tối, vâ ăm dêi kuăn châ lăm hriâm lơ lo lăm troh a cheăm, tơring mê vâi krâ-nho\ng o pơrá ngăn kơdró têa lơ kân lơ ôh ‘nôi vâ tơkâ luâ:

‘’Têa kân xâu ‘nâng, ôh tá hbrâ kơchăng kô hlâ, xâu xía ó ‘nâng. Drêng têa siâ pin tơkâ ga hlâu, drêng têa đik kân pin ôh tá kâi châ tơkâ. Pói tơngah Tơnêi têa to\ng kum mơjiâng pro kông ăm thái cô prôk lăm vâ troh a hngêi trung hnê, vâ vâi o hok tro châ hriâm tu\m đi đo’’.

Ngoh Siu Phưr [ă dêi kuăn kơto rơxế honđa tơkâ luâ têa kroăng chiân dêi kuăn hriâm a hngêi trung 

Ối a rơhê k^ng têa, jâ Kpă H’Te], pơlê Glung, cheăm Yang Nam tối, a mâu hâi kong mêi kân, têa rơlêa, têa tâk đik, mê troăng prôk a kố pá puât ‘nâng. Hên hdroh, ai drêng ‘nâ môi péa pơla măng t^ng ai drêng ‘nâ ton luâ tâ kơ mê vâi krâ-nho\ng o ôh tá châ tơkâ luâ têa kroăng. Xua ti mê, tơdroăng hriâm dêi kuăn ‘ne\ng tung kơpong kố xuân ôh tá châ đi đo, tâng têa kân kô pơtê hriâm, ối a hngêi. Roh kố, hdrối vâ troh a hâi pơxiâm mot hơnăm hriâm nếo, xuâ cho rơnó ki têa kân lân lu, xuân môi tiah mâu nôu pâ ki ê tung pơlê cheăm kố, jâ Kpă H’Te] tô tuăn dêi tơdroăng kuăn ‘ne\ng lăm hriâm kố ah.

‘’Tô tuăn ăm dêi kuăn, drêng mêi kân ôh tá ăm kuăn lăm hriâm, xâu têa lân lu, têa re\ng đik ‘nâng, to lâi chôu tê ga rơlêa ó tiah mê. Ai drêng ‘nâ pơtê to lâi măng t^ng, têa xôe nếo châ lăm hriâm. Thái cô hnê tung pơlê xuân ôh tá châ tơkâ. Rơnó kố troh a khế 10, khế 11 mê têa nếo xôe. Xuân tô tuăn ăm mâu vâi kuăn muăn, cháu chái, pói rơhêng ai kông vâ ăm dêi kuăn hriâm tu\m, hriâm đi đo’’.

Têa kroăng Lơ Pơ cho tơdroăng ki xâu rơ-iô đi đo dêi vâi krâ-nho\ng o a cheăm Yang Nam

Ối peăng mâ hâi lo pá hdroh cheăm Yang Nam, pá tá têa kroăng Lơ Pơ ai 3 to pơlê dêi hdroâng kuăn ngo Jarai rêh ối. Vâ kum ăm hok tro râ má 1 châ hriâm, khu ngăn ‘na hnê hriâm dêi tơring hiăng mơjiâng 3 toăng hngêi trung râ má 1 a pơlê vâ kum tơ’lêi ăm tơdroăng hnê hriâm ăm lối 200 ngế vâi o. Nhoh Nguyễn Gia Cường, Kăn pơkuâ ngăn hngêi trung râ má môi Nguyễn Nhạc, cheăm Yang Nam tối ăm’nâi, a mâu hâi kong mêi kân, têa lân lu, têa đik kân, mâu vâi o a kố athế pơtê hriâm. Khoh chiâng ti mê, xua thái cô ôh tá chiâng tơkâ luâ têa vâ troh a mâu hngêi trung:

‘’Têa kroăng akố, têa tâk đi kân re\ng la xôe hrá. Drêng têa đik kân lối ó mâu thái cô kô ôh tá châ lăm hriâm a hâi ki mê. Troăng hơlâ ki mê ga ti kố, drêng têa tâk đik kân, ôh tá chiâng tơkâ luâ mê mâu thái cô athế hnê a hâi tơdrốu, hâi t^ng, thăm nếo, mâu hâi ki ê athế hriâm plâ hâi vâ teăm [ai hriâm’’.

Thái Nguyễn Gia Cường mơhnhôk tối vâi o hok tro kơdo mơ-eăm troh a hngêi trung vâ hriâm

{ă Hngêi trung râ má péa, a cheăm Yang Nam hiăng mơjiâng túa hngêi trung ki ăm hok tro kâ ối pơtê kơhâi, kế kâ xua tơná nôu pâ hok tro tơlo dêi. Cô Nguyễn Thị Tường, Kăn pơkuâ hngêi trung Phôh thong kuăn ngo Trần Quang Diệu, cheăm Yang Nam tối ăm ‘nâi, túa ki ăm hok tro kâ ối kơhâi dế hiăng châ tơring, cheăm [ă hngêi trung pơkâ pêi pro môi tiah túa ki ăm hok tro rêh kâ ối hâi dế a hngêi trung. Maluâ ti mê, xua liăn ki kum ăm tơdroăng kố ga iâ, tơdroăng ‘no liăn kum vâi o kâ ối pơtê kơhâi dế bu xiâm kum bê ăm 60 ngế hok tro tê.

Tung pơla mê, hơnăm hriâm nếo kố, hngêi trung ai vâ chê 200 ngế hok tro. Hên hok tro a mâu pơlê ki ối pá tá têa kroăng xuân châi dêi ngi hngêi klêi hriâm lơ mơ’nui măng t^ng, la drêng trâm kong mêi kân, têa lân lu, vâi o athế pơtê tâi môi pơla măng t^ng, tơdế khế. Pơtê hriâm hên kô tơdjâk chiâng pá ăm vâi o châ hriâm tro tiô [ai hiăng hnê, klêi mê, ai hên vâi o hok tro a mâu pơlê ki ối pá tá têa xuân pơtê hên h^n:

‘’Mâu vâi o ki kâ ối kơhâi dế a hngêi trung, a pơlê pá tá têa kroăng, hâi tơdrốu mâu vâi o châi ngi hngêi klêi mê, troh a hâi môi mâu vâi o troh a hngêi trung. La hâi môi apoăng măng t^ng tâng kong mêi kân, têa đik mê mâu vâi o xuân ôh tá kâi châ tơkâ luâ. La tâng mêi ton hâi tâi pơla măng t^ng mê vâi o xuân athế pơtê, vâi o pơtê hên kô ôh pá teăm mâu [ai hriâm, ing mê, kô pro vâi o chiâng kho, chiâng klâi. Xua mê, kơxo# hok tro ki pơtê hriâm, to mâu hok tro ki ối pá tá têa kroăng, ga kơdrâm luâ tâ mâu pơlê ki ối pá kố têa’’.

Tung pơla tơkôm mơjiâng môi to kông ki krá kâk, têa kroăng Lơ Pơ xuân ối cho tơdroăng ki tô tuăn ó ‘nâng [ă mâu nôu pâ, hok tro xuân môi tiah kơvâ hnê hriâm a cheăm Yang Nam ki ối a kơpong hơngế hơngo dêi tơring Kông Chro. Malối cho a rơnó pơxiâm mot hơnăm hriâm nếo xuân cho roh ki kong mêi kân, têa lân lu, tơdroăng tô tuăn mê thăm rế ó tâ nếo.

Công Bắc chêh

Nhat Lisa tơplôu [ă tơbleăng