Cho ngế ki pơkuâ môi khu mơdró kâ krê a pơlê kong kơdrâm Plei Ku, hmâ xúa tơdroăng ki xo liăn tơdrêng ing hngêi rak liăn, la ngoh Phan Văn Nguyên a bêng Yên Đổ xuân ối tro trâm [ă tơdroăng ki hêak pơloi. Mơ’nui khế 5/2018, bu nếo chêh tối tơdroăng ki tê tơnêi tung măng pơlê pơla, ki tối facebook, ngoh Nguyên châ xo tin nhăn dêi môi ngế êng roê. Ngế ki kố tối dêi inâi Tâm. Dế rêh ối a kong têa Mih.

Ngoh Nguyên (xâp ếo bông) cho ngế ki pơkuâ mơdró kâ krê, hmâ tơru\m tơpui tiô troăng dêi hngêi rak liăn la xuân ối tro hlôp mâu ngế ki hêak pơloi

Hliăng pơloi tơdroăng ki tá hâi châ trâm mâ, mê ngế ki kố bu kok ăm liăn pro tơdroăng ki loi tơngah, tơdrêng amê hnối tơhrâ mơdrếo hdrối 200 rơtuh liăn ho\ng tơdroăng ki pơtroh liăn [ă kong têa ê.Tiô tơdroăng ki pơlông mê, ngoh Nguyên mot tung troăng link ai inâi bu kal môi tiah trang web pơtroh liăn ing kong têa ê (Wes-thờn Yiu-niờn cha#m com) western union.com.

Klêi kơ’nâi hiăng chêh tu\m tơdroăng, kơxo# tài khoản [ă mah kơxo# OTP (tơkéa vâ tối cho mật khẩu mơnhên tíu ki pơtroh, lơ xo liăn xúa 1 hdroh sap ing hngêi rak liăn) mê tài khoản dêi ngoh tro vâi xo 48 rơtuh liăn. Hía liăn, ngoh Nguyên klêi mê nếo ‘nâi, drêng pin chêh mâu inâi, lơ kơxo# tung trang web ki hêak pơloi, mê ngế ki hêak pơloi hiăng tơdrêng a mê đăng nhập mot tung tài khoản hngêi rak liăn dêi ngoh vâ pơtroh, lơ xo ing tíu ki tong xo liăn.

‘’Á tro vâi pro pơlông ‘na tuăn hiâm tro nhôm xua ngế ki hêak pơloi pro á ối a tíu ki ngế xo liăn. Vâi pâ roê ôh tá tro [ă tơdroăng ki pin vâ tê, vâi pơtroh ăm á um kiêm tra vâi. Mê á chiâng ôh tá nhôm vâi pơloi xếo. Drêng vâi hiăng mơ’no ăm trang web chêh tối mâu tơdroăng mê cho trang web ki hêak pơloi dêi trang web ki pơtroh liăn sap ing kong têa ê. A ko tíu ki chêh pơtroh ăm ‘ló, la ngăn a phôn râng ko\ng, gá hía lôi a t^ng gá. Á chêh mâu tơdroăng dêi krê tơná, ‘na tài khoản há. Drêng chêh mah OTP, á tơmiât, á dế chêh mâu tơdroăng vâ xo liăn, ôh ti xê tơmiât troh tơdroăng ki á dế cho ngế tro hêak pơloi ‘na tơdroăng ki đăng nhập tài khoản hngêi rak liăn dêi tơná’’.

Mơ’nui khế 4/2018, ai môi ngế krếo phôn kơ[ăng dêi rơpo\ng nâ Nguyễn Thị Huyền, a bêng Thắng Lợi, pơlê kong kơdrâm Plei Ku tối dêi cho kăn [o# dêi kơ koan kăn sat séa ngăn tơdroăng xôi, ối tung khu xiâm Ko\ng an.

Ngế ki hêak pơloi pro tơpui tơno môi tiah tơdroăng ki tê roê tơmeăm khât

Tiô rơkong tơpui dêi ngế ki kố, nâ Huyền dế tro séa ngăn ‘na tơdroăng xôi tê mơdró ôh tá tro luât ma tu\i.

Klêi kơ’nâi mơnhâu troh inâi [ă tơniăn troh châ chăn dêi nâ Huyền, tơdrêng a mê hnối pơkâ thế nâ pơtroh liăn tung môi tài khoản a hngêi rak liăn vâ kum ăm tơdroăng séa ngăn tơdroăng xôi. Xâu [ă tro ‘nêk troh tuăn hiâm, nâ Huyền hiăng troh a hngêi rak liăn pơtroh 161 rơtuh liăn a tài khoản 19032062259091 ai inâi Bùi Văn Long po a hngêi rak liăn Techcombank a tíu cheăng a Hà Nội:

‘’Vâi tối [ă á, êh athế tối tơbleăng vâ ngin tối êh ôh tá xôi, Tê mơdró ma tu\i cho athế tro phak troh tá ah, lơ tro kơdê hlâ. A xuân xâu, á ôh tá ai tơdroăng xôi mê vâi pro ăm pin chiâng ai tơdroăng xôi. Êh ai to lâi rơtuh liăn tung tài khoản, êh athế nâp ăm ngin ho\ng môi tài khoản dêi hnôu rak liăn tơnêi têa. Tâng êh ôh tá ai xôi, mê ngin kô mơdrếo tơvêh ăm êh, hnối [ă kơxo# liăn tơkâ. Êh ai xôi, mê kô tro xo tâi tâng kơxo# liăn ki kố. Á tơmiât á ôh tá ai xôi, á ai pơtroh liăn ăm vâi vâ vâi pro ôh tá ai xôi, mê ah vâi mơdrếo tơvêh ăm dêi tơná á’’.

Tiô [ơrô ngăn kăn sat séa ngăn tơdroăng xôi ‘na tơniăn tung pơlê pơla, Ko\ng an kong pơlê Gia Lai tối, sap ing hơnăm nah troh nôkố, tíu xiâm hiăng tơdah xo đơn tối tơbleăng dêi vâ chê 20 ngế cho khu ngế ki tro hêak pơloi tung măng pơlê pơla [ă kơxo# liăn sap ing 40 troh 2 rơtal liăn. Laga, ki khât gá, kơxo# ngế tro hêak pơloi mơni kô tâk hên hdroh.

Maluâ hiăng châ hngêi rak liăn nhăn tin, chêh tối tơbleăng, la hên ngế pơrá ôh tá re\ng ‘nâi

Xua tuăn hiâm hmâ kơxiâm lim dêi châ, [ă mâu vâi pú mê ôh tá tối tơbleăng ăm kơ koan ki ai tơdjâk troh. Tơdroăng tơdjuôm dêi mâu rôh hêak pơloi kố cho tơdroăng ki pơtroh liăn hmâ hlo a kơxê. Ki hên mâu ngế ki tro hêak mê pơrá ôh tá [e#ng, vâi pro hlá mơéa vâ mơdât mâu ngế ki hêak pơloi tơbriât xo liăn [ă xut tah tâi mâu tơdroăng ki ai tơdjâk môi tiah rơkong tơpui tơno dêi ngoh Phan Văn Nguyên:

‘’Á xuân re\ng kơtâu troh a hngêi rak liăn, kơnôm hngêi rak liăn veăng kum, la drêng troh a hngêi rak liăn pơkâ thế hên hlá mơ-éa, athế ai tơdroăng pơkâ thế mơdât tài khoản sap ing kơ koan ko\ng an. Mơ’nui chôu kơxê, á lăm troh a kơ koan ki ai tơdjâk tối tơbleăng mê ôh tá châ xo tơdroăng ki mơdât tơdrêng, mê athế kôm troh a hâi môi. Klêi kơ’nâi hâi tơdrốu [ă hâi t^ng mê á ôh tá kâi [e\ng tơmiât. Tung pơla mê, ngế ki hêak mê hiăng lăm xo liăn tơdrêng hlối’’.

Kơ koan kan sat séa ngăn tơdroăng xôi [ă rak tơniăn pơlê pơla, Ko\ng an kong pơlê Gia Lai riân ngăn ai 4 túa ki hêak pơloi hmâ xúa tung măng pơlê pơla [ă troăng hyôh phôn. Mê cho hêak inâi khu ki pơkuâ măng, inâi khu ki roê lơ tê online, hêak inâi ngế ki lăm séa ngăn, ko\ng an, khu ki séa ngăn arak luât, hêak tối ngế kong têa ê rơhêng vâ to\ng kum, lơ xo kơdrâi Việt Nam pơtroh kế tơmeăm ing troăng tơkăng kong, ing troăng tơ-[ai lơ vâ hdi xo kế tơmeăm. Túa ki hêak pơloi kố ôh ti xê nếo, la cho túa ki hêak pơloi ki rơkê ple\ng.

Pak^ng mê, ngế ki hêak pơloi mê hmâ xúa kiem tra ki ôh ti xê khât vâ pro theh ATM, lơ xúa sim phôn râng ko\ng ki vâi xúa môi hdroh mê ah hvât lôi, tài khoản facebook ki ôh tá ai khât vâ tơpui tơno. Kơxo# liăn ki hêak pơloi mê châ vâ pơtroh tâ tá a hên hngêi rak liăn ki tơ-ê dêi rơpó [ă châ xo a tíu xo liăn ATM a kong têa ê.

Thươ\ng tă Trần Trọng Sơn, kăn pơkuâ [ơrô Kan sat séa ngăn tơdroăng xôi ‘na rak tơniăn tung pơlê pơla, Ko\ng an kong pơlê Gia Lai hnê tối kuăn pơlê athế hbrâ kơchăng [ă mâu rôh tơpui tơno, krếo phôn sap ing mâu ngế ki pin ôh tá ‘nâi vâ rak vế dêi kế tơmeăm a ngiâ mâu khu ki pro xôi kố:

‘’Kuăn pơlê pôi tá ‘măn dêi hên um [ă tơdroăng ki tối tơbleăng ‘na dêi tơná, malối cho tài khoản, inâi, hâi, khế, hơnăm kot mâ, tíu ối dêi tơná a măng pơlê pơla. Drêng xúa tài khoản hngêi rak liăn, malối cho mâu hngêi rak liăn ki ai tíu pơtroh, xo liăn tung kong têa ê mê kal hbrâ kơchăng kơtoâ pơkí ‘na mâu tơdroăng ki ai tơdjâk troh tài khoản. Má pái, cho tung mâu ngế ki hêak inâi cho khu ngế ki lăm séa ngăn, khu ki cheăng a tíu arak luât tối tơbleăng ki rup kroăng, pơsăm tối, mê pơkâ thế kuăn pơlê pôi tá loi, mê athế tối tơbleăng tơdrêng hlối ăm kơ koan ko\ng an’’.

          Nguyễn Thảo chêh

Katarina Nga tơplôu [ă tơbleăng