Tơdế khế kố, môi hâi péa xôh kơxo [ă kơxê, idrâp loa tê kẹo kéo dêi pôa Đỗ Quang Cảm hiăng chiâng idrâp ki hmâ tâng [ă vâi krâ nho\ng o Jarai, Bơhnéa a cheăm Ia Pết, tơring Đăk Đoa. Pôa sôk ro tối, troh a Têt, pôa roê môi to loa vâ rơpo\ng hơdruê karaoke drêng rôh ki ối xo xo, la bu xúa nếo to lâi hdroh mê loa hiăng hơ’leh [ă tơdroăng ki ê. {ă hnoăng cheăng cho kăn xiâm hnê ngăn Măt tra#n cheăm Ia Pết, pôa hiăng pâ [âng tối tơbleăng hbrâ mơdât pơreăng Covid-19 [ă 3 to nâl Xuăn, Bơhnéa, Jarai hiăng ‘măn chôu hlâu tung phôn râng ko\ng, rêm hâi xúa dêi loâ kẹo kéo dêi rơpo\ng chơ troh lâp lu 8 thôn, pơlê vâ tơbleăng ‘no ăm vâi krâ nho\ng o hmâng.

Pôa Đỗ Quang Cảm, kăn hnê ngăn Vi [an Măt tra#n Tơnêi têa cheăm Ia Pêt, Đăk Đoa

Idrâp loa kẹo kéo mê hiăng tâl chuât rêm hâi hiăng kum vâi krâ nho\ng o hdroâng kuăn ngo a cheăm Ia Pêt ‘nâi nhên túa pơkâ ‘’hbrâ mơdât pơreăng môi tiah tơtrâ xâ’’ dêi Tơnêi têa. Hên rôh pơkoăng tung cheăm hiăng pơtê pơtân, mâu rôh kiâ hlâ ôh tá tơku\m ối hên mơngế kâ kâ kân krip môi tiah hdrối nah. Kuăn ‘ne\ng ki lăm prôk hơngế pơrá châ rơpo\ng hngêi hnê tối ‘na túa ki klâ ối krê hbrâ mơdât pơreăng.

Pôa Đỗ Quang Cảm sôk ro tối, riân krê tung 1 khế achê kố, tung cheăm ai 57 ngế sap ing tíu ki ê vêh mê pơrá troh a cheăm tối dêi ivá châ chăn, klâ ối krê xêh 14 hâi tiô pơkâ:

‘’Hdroâng kuăn ngo ai mâu ngế ki hiăng krâ ôh á ‘nâi chư, Măt tra#n tơnêi têa dêi cheăm ngin ai túa ki xúa loâ kẹo kéo xo 3 to nâl tơbleăng troh thôn tơrêm to nâl dêi rêm pơlê, cheăm mê hlo tơ-[rê khât. Kuăn pơlê hiăng ‘nâi truâ kên klup rơkong-môh pơkeăng,‘nân ối a hang lơng hngêi xuân truâ kên pâng môh, jíu ko\ng [ă kơ[o\ng rêm hâi, mâu ngế ki cheăng a hơngế mê drêng vêh a pơlê hiăng lăm tối dêi ivá châ chăn’’.

Hlá mơ-éa tối tơbleăng châ tơplôu [ă nâl Bơhnéa pơtroh rêm hngêi

{ă pơlê Piơm, pơlê kân Đăk Đoa, vâi krâ nho\ng o ki tiô khôp a Tơring khôp Phao-lô Hneng hiăng hơ’leh khât tơdroăng ki lăm khôp. Hlo tơdroăng ki pêi pro klâ ối krê, pơlê pơla, kuăn pơlê ki tiô khôp hiăng châ [ok hnê tối tơbleăng [ă um méa ‘na tơdroăng ki rơ-iô dêi pơreăng Covid-19. Nôkố, teăng ăm tơdroăng ki tơku\m khôp a hngêi Pâ Xeăng a kơxo hâi tơdrốu [ă hâi t^ng rêm măng t^ng, mê vâi krâ nho\ng o hiăng tơku\m khôp xêh a hngêi. Rêm tơdroăng cheăng dêi Tơring khôp kô châ tối tơbleăng troh kuăn pơlê ho\ng khu ki cheăng tung hngêi khôp. Pôa Lick, kuăn pơlê ki khôp a pơlê Piơm, pơlê kân Đăk Đoa ăm ‘nâi, [ă tơdroăng ki hnê mơhno dêi [ok, rơpo\ng ki lâi xuân khôp dêi a hngêi ki mê, xuân ối rak tơniăn tơdroăng ki loi t^ng [ă tơdroăng ki loi ‘na tơdroăng khôp:

‘’{ok hnê ‘na hbrâ mơdât pơreăng corona kố, mơđah phim ai tơdroăng ki kal môi tiah tơdroăng ki tối tơbleăng dêi kăn [o#. Nôkố ngin hiăng hơ’leh ôh tá lăm khôp a hngêi Pâ Xeăng xếo, klâ, ôh tá tơku\m hên ngế, môi ngế xua rêm ngế. Tiah mê gá tro tâ, mê cho hbrâ hơlâ ki tơtro. {ă Tơring Khôp vâi xuân pêi pro tro khât. Tuăn hiâm loi tơdroăng khôp dêi rơpo\ng á ôh tá hơ’leh’’.

Pôa Lick (‘na hơ’ếo) ối a hngêi vâ hbrâ mơdât pơreăng Covid-19

‘’Tơtrâ pơreăng môi tiah tơtrâ xâ’’ rôh hbrâ mơdât pơreăng covid-19 a tơring Đăk Đoa hiăng tơku\m tơdroăng ki môi tuăn dêi tâi tâng pơlê pơla, maluâ Xuăn lơ kuăn ngo, ngế ki khôp lơ ngế ki ôh tá tiô khôp. Hlá mơ-éa tối tơbleăng hbrâ mơdât pơreăng [ă 3 nâl Xuăn, Bơhnéa, Jarai hiăng châ pơtroh rêm hngêi, [ă a mâu trang măng pơlê pơla zalo, facebook dêi mâu khu râ, kơvâ cheăng, măt tra#n Tơnêi têa tơring tơru\m [ă mâu [ok, jâ ch^ng mâu ngế ki cheăng tung hngêi khôp, krâ pơlê, ngế ki châ kuăn pơlê loi nhuo#m tối tơbleăng, hnê mơhno hbrâ mơdât pơreăng troh rêm thôn, pơlê, rêm rơpo\ng hngêi.

Tơdrêng amê mâu khu a pơlê, cheăm hiăng bruô vâ chê 6 rơpâu plâ kên klup rơkong môh, 500 to kơ-[o\ng [ă 300 kơ’lo têa ki hbrâ mơdât pơreăng ăm vâi krâ nho\ng o mâu hdroâng kuăn ngo Bơhnéa [ă Jarai.

‘Nâi ‘na tơdroăng ki hbrâ mơdât pơreăng Covid-19, vâi krâ nho\ng o pêi pro tro tơdroăng ki klâ ối krê, hiăng pơtê xêh 20 rôh pơkoăng, veăng tơlo liăn [ă khế tơmeăm ăm tíu xiâm hbrâ mơdât pơreăng. Pôa Đinh Ơng, kăn hnê ngăn Vi [an Măt tra#n Tơnêi têa Việt Nam tơring Đăk Đoa ăm ‘nâi, kuăn pơlê mâu hdroâng kuăn ngo, mâu ngế ki tiô khôp a Đăk Đoa hiăng tơru\m chiâng khu tơru\m hbrâ mơdât pơreăng:

‘’Hdrối nah, rôh tơplâ mê vâi krâ nho\ng o môi tuăn vâ tơtrâ xâ. Nôkố, ing tơdroăng ki séa ngăn, mơhnhôk mê hlo tơdroăng ki tơru\m khât tung pơlê pơla, ôh tá pơrah tiô khôp há lơ ôh. Hlo nhên tơdroăng ki pin hiăng mơhno tối tuăn hiâm hâk tơngăm hdroâng kuăn ngo, tơdroăng tơru\m môi hiâm mơno hbrâ mơdât pơreăng’’.

Pơreăng Covid-19 dế ôh tá tơniăn a tơnêi têa pin. ‘Nâi mơhno tối tơdroăng tơru\m mâu hdroâng kuăn ngo, mâu ngế ki tiô khôp môi tiah a tơring Đăk Đoa, Gia Lai, mơni tá pơlê pơla kô rơtế hbrâ mơdât tơ-[rê tơdroăng ki tâ tú dêi virus SARS-CoV-2.

Nguyễn Thảo chêh

Katarina Nga tơplôu [ă tơbleăng