Jâ Phan Thị Lý, ối a cheăm Kông Htôk, tơring }ư\ Sê, tro trếo ‘mêi dioxin sap ing ngế pâ bro mô đo#i veăng tung rôh tơplâ xâ nah. Trếo ki kố gá tâ troh a 4 ngế kuăn dêi jâ, môi ngế hiăng hlâ, péa ngế dế tro pơreăng râ ó. Tơná jâ Lý achê kố xuân tro tamo, kơkốu hiăng ôh pá hro, rêm măng t^ng athế pâk pơkeăng ăm kơkốu, ai roh ki ‘nâ troh 3 rôh môi pơla măng t^ng. Rơpo\ng jâ hiăng athế tê tơnêi, kế tơmeăm vâ roê pơkeăng pơlât [ă xúa tung rêh ối. Hngêi ki pro [ă xơmong cho kế tơmeăm ki má mơ’nui, xuân athế tê ăm vâi hdrêng kal. Jâ Lý kal khât tơdroăng ki to\ng kum dêi mâu pơlê pơla vâ pơtối rêh ối:

‘’Rơpo\ng á xuân pá. Nôkố bu môi ngế kơnốu á pêi cheăng, păn 4-5 ngế kuăn mê gá pá khât, rế roê pơkeăng rế che\m ‘rêh kuăn ‘ne\ng rêm hâi. Rơhêng vâ châ mâu khu râ, kơvâ cheăng, peăng pá cheăm, peăng pá tơring tơmâng ngăn to\ng kum vâ rơpo\ng kơdroh iâ ki pá’’.

Ki hên mâu ngế ki tâ trếo ‘mêi dioxin rêh ối xơpá khât

{ă jâ Võ Thị Xô a tôh kơpho# 10, pơlê }ư\ Sê, tơring }ư\ Sê ăm ‘nâi, kơnôm ing tơdroăng tơmâng ngăn dêi khu pơkuâ, kơvâ cheăng ki ai tơdjâk troh mơjiâng pro ăm hngêi ối tuăn pâ mê rơpo\ng jâ hluăn ing tơdroăng ki ôh tá ai hngêi ối. Kơnốu jâ Xô hdrối nah veăng tung rôh tơplâ [ă tro trếo ‘mêi dioxin, hiăng hlâ kơtăn kố to lâi hơnăm. Jâ ai 3 ngế kuăn, 5 ngế cháu pơrá krêa trếo ‘mêi dioxin, tơdroăng rêh ối pá khât. Hiăng luâ 70 hơnăm, rêm hâi xuân ối lăm tôm kế tơmeăm xok ki vâi hvât vâ tăng liăn păn roăng kuăn, roăng cháu, jâ Xô rơhêng vâ ai tơ’nôm tơdroăng ki to\ng kum dêi pơlê pơla:

‘’Châ khu to\ng kum, tơmâng ngăn troh rơpo\ng hngêi, á sôk ro khât. Ai hngêi ối vâ kuăn cháu ối xuân hmiân tuăn. Rơpo\ng á nôkố xuân ối pá, xuân ối kơnôm ing Khu, kơnôm mâu kơ koan, khu pơkuâ, to\ng kum ăm rơpo\ng hngêi á’’.

Jâ Võ Thị Xô (ếo prăng ‘na h’vá) nếo châ diâp ăm hngêi tơru\m la tơdroăng rêh ối xuân ối xơpá

Kong pơlê Gia Lai nôkố ai lối 13 rơpâu ngế tâ trếo ‘mêi dioxin, ki hên mâu rơpo\ng ngế ki tâ mê pơrá ai tơdroăng rêh ối xơpá. Ki ê, tiô pôa Nguyễn Xuân Thủy, kăn hnê ngăn Khu ngế ki tâ trếo ‘mêi dioxin tơring }ư\ Sê tối, mâu tơdroăng pơkâ mơnhên mâu ngế tâ trếo ‘mêi dioxin nôkố tá hâi ‘nâi nhên xiâm kối mê pá vâ pêi pro tiô troăng hơlâ to\ng kum. Tơnêi têa xuân tá hâi ai troăng hơlâ to\ng kum [ă mâu ngế ki tâ trếo ‘mêi dioxin rơxông má 3. Tung mê, kơxo# ngế tâ gá hên khât.

‘’Tơring }ư\ Sê ai lối 1 rơpâu ngế tâ trếo ‘mêi dioxin tung mê ai lối 200 ngế châ kâ liăn to\ng kum ‘na trếo pơrea\ng. Pâ thế Đảng, Tơnêi têa pơkâ ăm túa pơkâ môi tuăn tiah lâi cho mâu ngế ki tâ trếo ‘mêi dioxin. Nôkố, tá hâi ai pơkâ trếo ‘mêi dioxin mê re\ng ai troăng hơlâ to\ng kum [ă mâu ngế ki tâ trếo ‘mêi dioxin rơxông má 3, pro tơ’lêi hlâu ăm mâu rơpo\ng kố ‘mâi mơnhông tơdroăng xơpá, rak tơniăn tơdroăng rêh ối cheăng kâ pơlê pơla’’.

Rơpo\ng jâ Phan Thị Lý kal khât tơdroăng to\ng kum dêi pơlê pơla

{ă hên kơxo# liăn mơhnhôk tơlo ki tơ-ê dêi rơpó, 5 hơnăm hiăng luâ, khu ngăn mâu ngế tâ trếo ‘mêi dioxin kong pơlê Gia Lai hiăng mơhnhôk veăng tơlo châ 15 rơtal liăn vâ to\ng kum kơxo# liăn cheăng kâ, mơjiâng pro hngêi tơru\m lơ to\ng kum păn roăng mâu ngế tâ trếo ‘mêi dioxin. Laga, kơxo# liăn mơhnhôk tơlo mê xuân ối iâ tâng vâ pơchông [ă tơdroăng ki rơhêng vâ rak ngăn rơpo\ng hngêi mâu ngế ki tâ trếo ‘mêi dioxin. Jâ H’Nga, kăn hnê ngăn Khu ngế ki tâ trếo ‘mêi dioxin kong pơlê Gia Lai ăm ‘nâi, mâu ngế ki tâ trếo ‘mêi dioxin dế kal tơ’nôm tơdroăng ki tơdjuôm ivá to\ng kum dêi pơlê pơla:

‘’Tơdroăng nôkố gá ai hên ki xơpá ‘na liăn ngân vâ pro tơ’lêi hlâu ăm mâu ngế ki tâ trếo ‘mêi dioxin, vâ rak ngăn mâu ngế ki tro trếo ‘mêi. Ôh ti xê to ‘na ôu kâ, mê ối pro tơ’lêi hlâu ‘na ki xah hêi, hriâm tâp, kơxo# liăn ‘no hrê xuân ôh tá ai. Xua mê, Khu ngăn mâu ngế tâ trếo ‘mêi dioxin kong pơlê Gia Lai rơhêng vâ mâu khu ki ai tuăn hiâm hơ-ui kum tung tơnêi têa [ă kong têa ê veăng kum to\ng kum, pro tơ’lêi hlâu, malối cho rak ngăn ăm mâu ngế ki tâ trếo ‘mêi dioxin rơxông má 3, tá ai troăng hơlâ to\ng kum ăm kâ liăn mê tơdroăng rêh ối ai hên xơpá’’.

Tro tâ pơreăng ai tơdjâk troh trếo ‘mêi dioxin cho tơdroăng ki châi heăng má môi dêi rơpo\ng hngêi [ă mâu ngế ki tro, pro hên ngế ai tơdroăng rêh ối xơpá. Vâ mâu rơpo\ng ki tâ trếo ‘mêi dioxin tơniăn tung rêh ối, rơtế [ă mâu troăng hơlâ to\ng kum dêi tơnêi têa, dế kal châ tơdroăng ki veăng to\ng kum dêi pơlê pơla, mâu khu ki ai tuăn hiâm hơ-ui kum ki ê.

Công Bắc chêh

Katarina Nga tơplôu [ă tơbleăng