To lâi hâi kố, rơpo\ng ngoh Trần Thanh Hiền, cheăm An Phú, pơlê kong kơdrâm Pleiku, kong pơlê Gia Lai, lâk xo dêi reăng lay ơn rơnó Têt. Kong prâi tơniăn le\m, reăng hơnăm kố tơpo tơ’mô, ai xiâm ki kân, reăng gá le\m tâ tâng pơchông [ă mâu hơnăm ki mê hía nah. La tơdroăng ki pro ngoh Hiếu xuân môi tiah hên ngế ki pêt reăng lay ơn ki ê tôu tuăn cho tung pơla kố ivá roê xuân môi tiah yă tê hơnăm kố gá kơdroh, pêi lo liăn tro tơdjâk:

‘’Hơnăm kố reăng gá le\m, tơpo tơ’mô la yă tê gá ôh tá tơniăn tâ hơnăm nah. Yă tê rơpâ tâ hơnăm nah vâ chê tơdế. Môi tiah hơnăm nah yă tê hên sap ing 30 – 35 rơpâu liăn môi kât, la nôkố yă tê bu 18 0 20 rơpâu liăn môi kât xo’’.

Ngoh Trần Thanh Hiền pui xo dêi reăng Lay ơn vâ tê tung rôh Têt

Rơtế [ă mâu túa reăng rơnâ, mâu túa reăng ki pêt tung kơ’lo xuân châ mâu khu ki pêi kơdrum a Gia Lai hbrâ rơnáu nhên. KƠhnâ rak ngăn tơrêm kơ kơ’lo reăng cúc, dế rak ngăn mâu rơnâ reăng, pôa Nguyễn Tấn Dũng, tôh 6, cheăm Trà Đa, pơlê kong kơdrâm Pleiku, ăm ‘nâi, reăng Cúc hơnăm kố le\m, mơni gá tơpo klăng hâi Têt, la pôa xuân ối tôu tuăn, xua hơnăm kố tơdroăng cheăng kâ kuăn pơlê troh kơdroh mơni kô tơdjâk troh hên ivá roê reăng tung rơnó Têt:

‘’Troh mơ’nui hơnăm mê nếo ‘nâi pêi lo liăn ing rơnó tê reăng hơnăm kố gá to lâi, la ki hdrối tâ á hlo kơchô tê mơdró tá hâi hlo kơdrâm khât [ă rơnó têt hơnăm kố, hlo ai tơdroăng ki kdroh tâ hơnăm nah. Tơdroăng ki Têt hơnăm kố tá hâi ‘nâi pêi lo liăn gá môi tiah lâi, roê tê môi tiah lâi’’.

Mâu ngế ki pêi kơdru dế rak ngăn mâu kơ’lo reăng vâ tê tung rôh Têt.

Têt hiăng vâ chê troh, mâu ngế ki pêt reăng Têt a Gia Lai dế mơeăm ivá vâ ai mâu rơnâ reăng mơngiơk ki le\m má môiăm rơnó hơngui. Tung mâu tíu ki pêt reăng, tơdroăng ki hbrâ rơnáu tung idrâp mơ’nui hơnăm mơhno tối nhên ing mâu kơpeăng ko\ng dêi mâu ngế ki pêt reăng. Luâ tâ mê nếo, vâi dế tơkôm tơdroăng ki hơ’lêh dêi kơchô tê mơdró, vâ Têt kố châ tơniăn le\m tung tơdroăng ki hơniâp ro.

Công Bắc chêh

Katarina Nga tơplôu [ă tơbleăng