Têa kroăng ku\n Đăk Tơ Ve ki hiu mơgăn tung dế cheăm Hà Tây, pro cheăm ki kố chiâng klâ péa pâ. Drêng kố, têa hiăng tâk đik, mâu troăng prôk ki tơkâ têa kroăng kuăn pơlê ôh tá chiâng vâ tơkâ luâ. Kuăn pơlê vâ lăm troh a chiâk deăng bu chiâng xui kông vế. Laga, mâu kông vế ki pro pơtân, pro hiăng ton hơnăm hdrối mê hía nah, tơ’lêi trâm tơdroăng xía vâ.

Pôa Nghih, hdroâng kuăn ngo Bơhnéa, ối a pơlê Kon Sơ Lăh, cheăm Hà Tây, tơring }ư Pah, kong pơlê Gia Lai tối ăm ‘nâi:

‘’Rơnó mê hngê tiah kố bu ai kông vế tê ki kuăn pơlê vâ châ tơkâ têa. Kông vế ki kố hiăng ton, vâi krâ-nho\ng o prôk tơkâ a kố xuân xâu há, la ti ‘nâi pro ti lâi, hmôu pơ xui vâ tơkâ luâ pá tá têa. Á pôa pói tơngah tơnêi têa ‘no liăn mơjiâng pro kông i tơniăn, vâ nho\ng o ngin akố tơ’lêi tung tơdroăng prôk lăm’’.

Tơdrêng [ă tơdroăng tô tuăn ‘na ki xâu xía dêi mâu kông vế ki pro pơtân hiăng lối ton t^n, tơdroăng ki ôh tá ai kông ki krá le\m xuân hiăng pro ăm tơdroăng rêh kâ ối dêi kuăn pơlê a cheăm Hà Tây pá ‘nâng vâ khoh kâi châ mơnhông tơtêk. Kơtăn hơngế ‘na troăng prôk pro mâu tơmeăm pêi lo ing chiâk deăng pá vâ châ pơto chơ troh tíu ki mơdró.

Tâng vâ tê tơmeăm pêi lo ing chiâk deăng ăm mâu khu mơdró pá kong, hmâ tro vâi hjip yă, ai drêng ‘nâ vâi bu vâ rôe kơdroh yă lối tơdế hlối tâng vâ pơchông ngăn [ă kơpho#, kong pơlê kân.

Jâ Nhưt, hdroâng kuăn ngo Bơhnéa, ối a pơlê Kon Sơ Lăh, cheăm Hà Tây, tơring }ư\ Pah, kong pơlê Gia Lai tối:

‘’Tâi tâng vâi krâ-nho\ng o pơrá pêi chiâk deăng pá tá têa kroăng. Drêng krí xo dêi tơmeăm ôh tá chiâng vâ pơto chơ. Tâng tê ăm vâi bu châ yă ki rơpâ, xua mê, kơdo mơ-eăm pêi chiâk deăng ó to lâi xuân bu bê kế kâ tê, ôh tá lâi kâi châ kro mơdro\ng.

Lalâi châ mơjiâng kông, ai tíu ki vâ pơto chơ dêi kế tơmeăm, ga kô tơ’lêi tung pêi cheăng, drêng mê, nếo tơngah tơdroăng rêh ối chía tơtêk tâ iâ. Pói tơngah tơnêi têa híu hơ-ui kum mơjiâng pro ăm ngin kông vâ tơ’lêi prôk lăm’’.

Hà Tây cho cheăm ối kơpong ki hơngế hơngo, kơtiê xơpá dêi tơring }ư Pah, kong pơlê Gia Lai. Cheăm ai 9 to pơlê ai dâng 4 rơpâu 900 pơ’leăng mâ mơngế, tâi tâng akố cho hdroâng mơngế Bơhnéa rêh ối. Dế kố, cheăm ối 5 to kông vế ki hiăng ton t^n [ă hiăng ai 7 tung 9 to pơlê ki rêm hâi athế tơkâ luâ kông vế kố vâ lăm troh a chiâk deăng.

Tơdroăng ki xâu xía drêng xui tơkâ a kông ki kố, pá ‘na prôk lăm cho tơdroăng ki tô tuăn ó ‘nâng dêi khu kăn pơkuâ [ă kuăn pơlê tung cheăm hên hơnăm kố.

Pôa Thao, hdroâng Bơhnéa, Kăn hnê ngăn Vi [an cheăm Hà Tây, tơring }ư Pah, kong pơlê Gia Lai tối ăm ‘nâi:

‘’Kông vế ga ôh tá tơniăn ăm kuăn pơlê tung prôk lăm a rơnó mê hngê. Cheăm xuân ôh tá ai liăn vâ mơjiâng pro kông. Pói tơngah khu râ, kơvâ cheăng pá pêng ‘no liăn mơjiâng pro kông, kum kuăn pơlê tơ’lêi hlâu tung tơdroăng prôk lăm, pêi chiâk pêi deăng, vâ ing mê kuăn pơlê klêi kơ’nâi pêi lo dêi kế tơmeăm, vâi kô châ pơto chơ dêi kế tơmeăm troh a hngêi’’.

Rơnó mê hngê, têa kân lân luô hiăng troh, [ă mâu kông vế ki pơtân tiah mê, tá tơniăn ôh hlối ăm tơdroăng prôk lăm, pơto kế tơmeăm dêi lối rơpâu ngế kuăn pơlê a cheăm Hà Tây. Luâ tâ mâu ngế ki ê, kuăn pơlê a kố dế pói tơngah kô châ khu râ pơkuâ, mâu kăn pá pêng hơ-ui ‘no liăn kum pro kông vâ tơniăn ăm tơdroăng rêh ối, pêi chiâk pêi deăng, mơnhông tơdroăng rêh kâ ối.

Công Bắc chêh

Nhat Lisa tơplôu [ă tơbleăng