Hdrối nah, xua kal tơnêi pêi chiâk deăng, rơpo\ng ngoh Rơ Ô Nhân ối a cheăm Chư\ R]am, tơring Krông Pa, kong pơlê Gia Lai hiăng muih lối 1 ha kong vâ pro chiâk deăng. Kơ’nâi lối 10 hơnăm pêi chiâk deăng, tơnêi hiăng ôh tá hơpok le\m.

Drêng cheăm mơhnhôk troăng hơlâ xo tơvêh tơnêi kong ki hdi xo vâ pêt loăng ki tơtro tiô pơkâ pêt kong, rơpo\ng ngoh Nhân hiăng k^ pêi cheăng. Tơdroăng ki pro ngoh tô tuăn cho drêng tơnêi vâ pêi chiâk deăng iâ kô tơdjâk troh tơdroăng rêh ối dêi rơpo\ng. Ngoh Rơ Ô Nhân, tối:

‘’Hdrối nah, á ko ‘nhê kong vâ ai tơnêi pêi chiâk deăng. Nôkố tơnêi têa mơhnhôk mơdrếo tơnêi pêi chiâk deăng, tơnêi têa to\ng kum vâ pêt kong [a\ pói vâ xăm kơklêa kơdroh kơtiê, mê rơpo\ng mơ-eăm pêi pro tê. Tâng pin ôh tá pơcháu tơnêi ăm tơnêi têa, mê tơnêi têa xuân xo tơvêh tê’’.

Tơdroăng ngoh Rơ Ô Nhân tô tuăn xuân cho tơdroăng ki tơchuâm dêi mâu rơpo\ng k^ pêi pro hơ’lêh tơnêi kong ki tro hdi xo vâ pêt kong roh kố a tơring Krông Pa, kong pơlê Gia Lai.

Tơdjâk troh tơdroăng kố, pôa Trương Quốc Dụng, Ngế pơkuâ gâk ngăn kong, Kăn pơkuâ xo tơvêh tơnêi kong tơring Krông Pa, tối ăm ‘nâi, tơring hiăng pơkâ xo tơvêh 7 rơpâu ha. Tơring dế mơhnhôk, pơtâng tối vâ kuăn pơlê hlê troăng hơlâ xo tơvêh tơnêi dêi kong pơlê.

Drêng tơvêh tơnêi hiăng hdi xo, rơtế [a\ tơdroăng châ pro mơ-éa khêi xúa tơnêi vâ pêt loăng, mâu rơpo\ng pêt kong ối châ to\ng kum 7 rơtuh liăn rêm hectar. Ahdrối kong ki pêt kân pro xâp rơngiâp tơnêi, kuăn pơlê kô pêi chiâk deăng tung tơnêi pêt kong mê, tơniăn tơdroăng rêh ối. Pôa Trương Quốc Dụng, tối ăm ‘nâi:

‘’Nôkố [a\ la ngiâ, ngin tơtro\ng troh tơdroăng pơtâng tối, mơhnhôk kuăn pơlê chêh tối dêi [a\ng tơnêi kong kuăn pơlê hdi xo. Kơjo, cho klêi tung hơnăm 2017 kố vâ pêt tung hơnăm 2018 tơku\m pêt kong tiô pơkâ 75 [a\ pơkâ 38 dêi Chin phuh’’.

Tiô pôa Trương Phước Anh, Kăn pơkuâ ‘na pêi chiâk deăng [a\ mơnhông mơdêk thôn pơlê dêi kong pơlê Gia Lai tối, pơkâ sap ing kố troh hơnăm 2020, kong pơlê kô tơku\m xo tơvêh 30 rơpâu hectar kong ki tro hdi xo vâ vêh pêt mơjiâng kong.

Tung mê, kong pơlê kô mơ-eăm vêh pêt ki vâ iâ 10 rơpâu ha kong tung hơnăm kố [a\ hơnăm la ngiâ, kong pơlê mơjiâng 4 khu séa ngăn, mơhnhôk mâu tơring, pơlê kong kơdrâm [a\ mâu kơ koan ki tơdjâk. Tơdroăng xo tơvêh tơnêi vâ pêt kong vâ mơdêk ki xâp rơngiâp dêi kong, kum mơnhông pêt kong a cheăm.

Tơdrêng amê, tung pêi pro, kong pơlê kô pro tơ’lêi hlâu, pêi pro mâu troăng hơlâ tơtro vâ vâi krâ cheăm veăng pêt kong, tơniăn tơdroăng rêh ối [a\ mơdêk pêi lo liăn.

‘’Ki nhên khât xo tơvêh tơnêi kong cho vâ vêh pêt kong, tối xo tơvêh tiô mơ-éa tơnêi têa, [a\ tơdroăng kố thế ai tơru\m khu cheăng kal kí vâ tối ăm kuăn pơlê hlê ple\ng.

Mê pin athế hơ’lêh mâu [a\ng loăng plâi thăm nếo ki hên [a\ng tơnêi pêt loăng plâi hiăng ôh tá hơpok le\m, drêng troh rơnó kếo xo loăng kô axoa\ng.

Thăm nếo tung troăng hơlâ 38 mê u ối ai [a\ng tơnêi ki chúa vâ ăm vâi pêt loăng plâi, [a\ kố chiâng mung liăn dêi hngêi arak liăn vâ păn mơnăn mơnôa tung kong’’.

Tơnêi kong tro hdi xo a Ia Pa, Gia Lai

Xo tơvêh tơnêi kong ki tro hdi xo cho xiâm kối pêt kong cho troăng hơlâ ki tơtro. Laga, kố nếo pơxiam tê tung tơdroăng vêh pêt kong, kum kuăn pơlê tơniăn tơdroăng rêh ối [a\ kong.

Vâ troăng hơlâ kố châ tơ-[rê, kal mơ-eăm, pôu râng hnoăng cheăng dêi mâu kơ koan cheăng [a\ khu kăn pơkuâ, kum kuăn pơlê hlê ple\ng ki châ tơ-[rê cheăng kâ tơru\m pêi chiâk deăng [a\ pêt kong./.

Công Bắc chêh

A Sa Ly tơplôu [a\ tơbleăng