Mâu rơno loăng ki lôi a troăng ki lăm ngăn rak vế kong ối tung kơpong kong kơxo# 21 [ă 27, pơla khu rak ngăn loăng dêi Ko\ng ti pêi cheăng tiô rơnó môi tung khu Pêt kong Đak Krong [ă Ko\ng ti pêi cheăng tiô rơnó môi tung khu pêt kong Trạm Lập, cheăm Đak Krong, tơring K[ang, kong pơlê Gia Lai.

Ai ki rơdâ 40cm, ki ‘nâ troh 60cm, thăm nếo loăng ki kân hiăng châ 1m hiăng tro vâi kếo. Tiô pôa Lâm Quốc Trung, kăn pơkuâ [ơrô kih thuât Ko\ng ti Pêt kong Đak Krong tối, mâu loăng ki tro vâi kếo kố ki hên cho loăng Chua Khét, Trâm Bóc Tròng.

Mâu loăng ki ối a troăng ki lăm ngăn kong, dêi kơpong kong Ko\ng ti pêi cheăng tiô rơnó môi tung khu pêt kong Đak Krong

Hdrối nah, tung hơnăm ki tá hâi chiâng kếo, mâu loăng ki kố tro vâi ko tah tâi tâng. Vâi tơmiât kố cho mâu loăng ki ôh tá kơnâ, sap ing khế 9/2018, mâu ngế ki cheăng tung cheăm hiăng mung ngế ki kếo troh a troăng ki lăm pơtrui ngăn [ă ki xiâm cho vâ mơdât troăng prôk dêi khu ki tong kếo loăng:

‘’Khu ki tong kếo loăng tong mot [ă pro troăng. La mâu loăng ki kố cho mâu loăng ki ôh tá kơnâ, vâi ôh tá vâ xúa, ôh tá kơnâ ‘na liăn ngân. Nho\ng o tơmiât tiah mê, mê chiâng ai tơdroăng ki ai pro xôi vâ mơdât ôh tá ăm khu ki tong loăng pơto chơ loăng kố tơkâ luâ troăng ki kố vâ kơdroh ki kếo kong loăng, pơto chơ loăng ôh tá tro luât troh a tíu ki ê’’.

Pôa Trương Văn Bốn, kăn pơkuâ ko\ng ti pêi cheăng tiô rơnó môi tung khu pêt loăng Đak Krong ăm ‘nâi, 2 ngế cheăng hiăng mung vâi kếo loăng kong cho Đồng Anh Tuấn, 30 hơnăm, Kăn ngăn tôh rak ngăn kong kơxo# 3 [ă pôa Đậu Minh Giang, 35 hơnăm, ngế ki cheăng ‘na rak ngăn kong, rơtế châ rak ngăn a kơpong kong kơxo# 21 [ă 27. Mâu ngế cheăng ki mung ngế ki kếo ôh tá pâ phêp, ôh tá tối tơbleăng ăm Ko\ng ti.

Môi to loăng Chua Khét rơdâ dâng 60cm tro khu cheăng Ko\ng ti Pêt kong Đak Krong mung vâi uâ a troăng lăm rak ngăn kong

Tối tơbleăng tơdroăng kố ăm kơ koan, péa ngế ki cheăng cho Tuấn [ă Giang ăm ‘nâi, klêi kơ’nâi châ hlo to lâi to tíu ki vâi kếo ko loăng ôh tá tro luât tung tíu ki pêt kong ki vâi rak ngăn, xâu tơdroăng ki châ vâi pơkuâ, pơxâu phâk hiăng mung vâi kếo vâ tât troăng dêi khu ki tong hmâ prôk. Tiô pôa Bốn tối, ‘na luât, mâu ngế ki cheăng kố ôh tá tro la tâng séa ngăn tá troh tui lui cho ai xiâm kối sap ing tơdroăng ki rak ngăn kong.

Cheăm ki ai kong pơkâ thế rak ngăn gá kân rơdâ la khu ki tong cho rơkê, vâi nhăng ai tơdroăng nhăn tin, krếo phôn mơnhâu mâu ngế ki cheăng rak ngăn kong, tơdroăng kố hmâ trâm đi đo.

Kơxo# loăng Chua Khét [ă Trâm bóc tròng ôh tá kơnâ nôkố cho kế tơmeăm dêi rôh pro tơ’nhiê kong a Ko\ng ti Pêt kong Đak Krong.

Tung pơla ôh tá [e\ng tơmiât, [e\ng ‘nâi, mâu ngế ki cheăng kố hiăng pêi mâu tơdroăng ki ôh tá tro:

‘’Nôkố ko ‘nhiê kong cho tơdroăng ki ôh tá tơniăn khât, tâi tâng mâu tíu cheăng pơrá pêi tâi ivá. Ing tơdroăng ki mê xuân ai trâm tơdroăng ki ê nếo, xua ôh tá [e\ng tơmiât, tá hâi hlê ple\ng mê chiâng pro chiâng ai tơdroăng ki tối a kơpêng. Tâng rak tơniăn ôh tá ai ngế ki lâi, tơdroăng pơkâ thế lơ tơru\m ôh tá tro. Nôkố tơdroăng hiăng trâm [ă kơ koan ki ai tơdjâk troh hiăng séa ngăn, tơdroăng ki ôh tá tro mê kơ koan xuân hiăng pơxâu phâk tơdrêng’’.

Tơdjâk troh tơdroăng ki Ko\ng ti pêi cheăng tiô rơnó môi tung khu pêt kong Đak Krong, môi ngế kăn [o# rak ngăn loăng pơlái kuăn kiâ kong tơring K[ang ăm ‘nâi, rơtế [ă tơdroăng ki hâi hlê ple\ng ‘na luât dêi ngế ki gak ngăn kong, cho ki xiâm dêi hnoăng cheăng rak ngăn kong xuân châ tối tơbleăng.

Mâu loăng Hồng Tùng ki rơdâ lối 1m, môi tung 5 túa loăng ki kơnâ hiăng tro ki tong kếo, uâ [ă chơ lo ing kong.

Tơdroăng ki ôh tá vâ hmâng, rơkê ple\ng dêi mâu khu ki tong kếo ko loăng drêng ‘nâ pro ngế ki rak ngăn kong chiâng ngế ki tro khu ki tong loăng rup.

Maluâ pêi hnoăng cheăng rak ngăn kong la mâu ngế cheăng dêi Ko\ng ti Pêt kong Đak Krong ôh tá hlê ple\ng ‘na luât tung kơvâ rak ngăn kong

 Tâng ăm khu ki tong kếo ko loăng ko ‘nhiê loăng hmâng vâ tơdrêng a mê kô ‘nhiê, thăm nếo ối xúa mâu tơdroăng ki mơnhâu pro ăm mâu ngế ki gak ngăn kong tro pơxâu phâk, mơ’no cheăng’’.

‘’Mâu ngế ki rak ngăn kong, mâu ngế ki pêi dêi hnoăng cheăng kố chiâng mâu ngế ki tro khu ki tong rup, pro ăm tơdroăng ki loi tơngah. Vâi pơto môi hdroh tro rup, pâ chơ nếo ôh tá ăm, nôkố vâi vêh ‘nhiê tâi. Uâ, kếo loăng kong bu 5 phut tê hiăng klêi. Vâi mot, vâi kếo hên h^n, a măng dế, 1 – 2 chôu kơxo má vâi mot kếo, kếo klêi ah vâi hdâ mê pin xuân ôh tá chiâng pro tiah lâi. Mâu kế tơmeăm ki vâ mơnhên vâ rup mâu ngế ki pro xôi cho môi tơdroăng ki kân [ă á cho ngế ki tro vâi ‘nêk, mơnhâu môi tiah kố’’.

Mâu kơ koan ki ai tơdjâk troh tơring K[ang hiăng lăm séa ngăn tơdroăng ki ko ‘nhiê kong a ko\ng ti pêt kong Đak Krong. {ă 32 to loăng, tâi tâng vâ chê 38 met kho#i Khu rak ngăn loăng pơlái kuăn kiâ kong hiăng pơsăm tối, pơtroh hồ sơ ăm Ko\ng an tơring séa ngăn.

Ko\ng ti pêi cheăng tiô rơnó môi tung khu Pêt kong Đak Krong.

Apoăng kơ koan séa ngăn hiăng mơnhên, ai 5 to loăng ki kơnâ ối tung 2 túa cho Hồng Tùng [ă loăng hré ki hngăm ai 7 met kho#i tro khu tong kếo ôh tá tro luât [ă hiăng mơ’no lo ing kong. 27 to loăng ki u ối pơrá cho túa loăng ôh tá kơnâ, tâi tâng vâ chê 31 met kho#i xua mâu ngế cheăng dêi ko\ng ti Pêt kong Đak Krong mung ngế ki uâ kếo [ă tâi tâng mâu kơxo# ki kố xuân tá hâi châ pơto cho lo ing kong. Kơ koan séa ngăn dế ‘mâi mơnhông hồ sơ vâ pơkâ tơleăng tiô luât pơkâ.

Ai tuăn hiâm, pôu râng rak ngăn kong gá ‘ló la tơdroăng ki mung vâi uâ kếo loăng vâ rak ngăn kong môi tiah 2 ngế ki gâk ngăn kong kố dêi Ko\ng ti Pêt kong Đak Krong cho ôh tá tro.

Kố cho troăng hơlâ ki ôh tá tro [ă tơdroăng pêi ki kố cho xôi luât. Ing tơdroăng kố xuân ăm hlo, hnoăng cheăng rak ngăn kong rôh kố dế trâm hên tơdroăng xơpá, thăm nếo rế tơpá tâ’’.

Công Bắc chêh

Katarina Nga tơplôu [ă tơbleăng