Tiô khu ngăn pơlât mơnăn kong pơlê Gia Lai ăm ‘nâi, a pơlê kong krâm Ayun Pa nếo hlo ai pơreăng rơbáu hmông tơlo\ng kơchuôp cheâng a kơpôu, ro, chu. Tíu ai pơreăng kố ối tung cheăm }ư\ Pah [ă ai 45 to ro dêi 23 rơpo\ng kuăn pơlê ối tung 3 thôn, pơlê, hlo lo hên têa hế kơblôh, xâk xoâ xông, kơchuôp chêng lo hbáu, tơlo\ng [ă ôh tá vâ rêi nhâ.

Tiah mê, riân troh nôkố, pơreăng hbáu mông tơlo\ng kơchuôp cheâng a kơpôu, ro, chu hiăng tâ tú a 2 to cheăm Ia sao [ă }ư\ Pah dêi pơlê kong krâm Ayun Pa, ai lối 550 to ro tâ pơreăng, tâk vâ chê 20 hdroh tâng vâ pơchông [ă nôkố dêi mơ’nui khế 7, drêng châ hlo tíu tâ pơreăng ki a poăng.

Tung mâu kơpôu, ro ki tâ pơreăng ai 10 to hiăng hlâ. Tung pơla mê, pơlê kong krâm Ayun Pa xuân môi tiah mâu kơpong ki achê, tơdroăng ki păn tá hâi rơkê ple\ng, ‘na hnoăng cheăng hbrâ mơdât pơreăng xuân tá hâi rơkê ôh há, mê pơreăng khoh chiâng tâ tú re\ng troh hr^ng rơpâu to ro dêi mâu tơring ki achê, môi tiah: Phú Thiện, Krông Pa, Ia Pa. Pôa Dương Ngọc Thanh, kăn pho\ ngăn pơlât mơnăn mơnôa kong pơlê Gia Lai, ăm ‘nâi:

‘’Túa pơkâ păn a kố tá hâi rơkê ple\ng khât, bu to ăm rêi nhâ, kơ’nêi hmâng vâ mê tung pơla hbrâ mơdât pơreăng a tơring, cheăm kố ối trâm hên ki pá. {ă pơreăng xông tâ tú, xua vâi krâ nho\ng o kơ’nêi hmâng vâ mê pơreăng rế tơ’lêi vâ xông tâ tú tung lâp lu, tơdroăng ki séa ngăn ối trâm hên xơpá’’.

Vâ mơdât pơreăng xông tâ tú, kong pơlê Gia Lai [ă pơlê kong krâm Ayun Pa hiăng tơku\m po mâu tíu ki ai pơreăng, ngăn plâ hâi plâ măng a mâu troăng sap ing pơlê kong krâm troh a mau kơpong ki achê. Kơ koan ngăn pơlât mơnăn dêi kong pơlê dế tơku\m vê hdró kơpong, xôh pơkeăng, hnê vâi krâ nho\ng o ối hơngế [ă rak ngăn mâu kuăn ro ki hiăng tâ pơreăng.

{ă mâu kuăn ro ki hiăng hlâ, mơhnhôk vâi krâ nho\ng o pôi tá xâ, chêh hơ’nêh kâ, mê athế tâp kơđu tiô tơdroăng pơkâ.

Vâ to\ng kum hnoăng cheăng hbrâ mơdât pơreăng, Khu ngăn ‘na pơlât mơnăn xuân hiăng hbruô ăm kong pơlê Gia Lai 15 rơpâu klo\ng pơkeăng vaccine hbáu mông tơlo\ng kơchuôp chêng Type  A [ă O (Vaccine 2 tung 1).

Khu pơlât mơnăn a mâu tơring, pơlê kong krâm tung kong pơlê hiăng châ mơhnhôk troh a pơlê kong krâm Ayun Pa vâ kum hnoăng cheăng pâk pơkeăng vaccine, tối tơbleăng mâu troăng hơlâ mơdât pơreăng. Kong pơlê hiăng tơku\m pâk pơkeăng vaccine ăm ro a tâ tá mâu kơpong ki ai pơreăng, pêi klêi hnoăng cheăng pâk pơkeăng a mâu cheăm dêi pơlê kong krâm Ayun Pa [ă mâu tíu ki achê.

Vâi krâ nho\ng o dêi mâu pơlê cheăm dế hlo kơhnâ khât tung tơru\m [ă kơvâ ki ai tơdjâk troh vâ pêi hnoăng cheăng hbrâ mơdât pơreăng ăm ro. Pôa R]om Rin, kăn pơkuâ [on Phu Ama Miơng, cheăm Ia Rtô, pơlê kong krâm Ayun Pa, kong pơlê Gia Lai, ăm ‘nâi:

‘’Tung pơlê ai dâng 60 rơpo\ng păn ro [ă mâu ro mê dâng 90 to. Ro dế tâ pơreăng mê pơlê ngin tô tuăn khât, xua pơreăng gá tơpá ki hbrâ mơdât. Nôkố, pá khu ngăn pơlât mơnăn lăm hbrâ mơdât pâk pơkeăng vaccine mê pơlê ngin pêi pro tơdroăng pơkâ. Sôk ro, mơnê khu ngăn pơlât mơnăn hiăng kum pơlê ngin hbrâ mơdât pơreăng’’.

Laga, tiô khu ngăn ‘na pơkeăng hbrâ mơdât pơkeăng, [ă 15 rơpâu klo\ng pơkeăng vaccine tá hâi bê vâ pâk hbrâ mơdât pơreăng hbáu tơlo\ng kơchuôp chêng a kong pơlê. Lâp kong pơlê nôkố ối ai vâ chê 350 rơpâu to xuân tá hâi châ pâk pơkeăng vaccine kố. Mơni kô tâ tú tung lâp lu. Pôa Dương Ngọc Thanh, kăn pho\ ngăn pơlât mơnăn dêi kong pơlê Gia Lai, ăm ‘nâi:

‘’15 rơpâu klo\ng pơkeăng vâ tơku\m pâk a mâu khu ro dêi kong pơlê nôkố ai 360 rơpâu to gá ôh tá tu\m. Tơdroăng kố ối trâm hên xơpá. Ngin dế pơtối tí tăng ‘nâi ple\ng ăm kong pơlê pâ thế ngế pro xiâm ngăn pêi chiâk deăng [ă mơnhông mơdêk thôn pơlê [ă Chin phuh pơtối to\ng kum vaccine vâ pâk hbrâ mơdât pơreăng a pơlê kong krâm Ayun Pa’’.

Công Bắc chêh

Katarina Nga tơplôu [ă tơbleăng