Tiô kăn cheăng tung Ho#i đồng hnê ngăn kong pơlê Gia Lai tối, dế ối trâm ‘’Pro mơhno to pá ngâ’’ tung pêi pro tiô tơdroăng pơkâ dêi tơnêi têa ‘na mơjiâng thôn pơlê nếo a kong pơlê. Tiô tối tơbleăng dêi Vi [an hnê ngăn kong pơlê a hneăng hôp, hơnăm 2017 kong pơlê ai 20 to cheăm pêi tro tiô pơkâ thôn pơlê nếo, mơdêk tâi tâng kơxo# cheăm pêi châ tiô pơkâ tâk troh 50 to cheăm. Laga, klêi kơ’nâi séa ngăn dêi kăn Ho#i đồng hnê ngăn kong pơlê ăm ‘nâi, hên cheăm ôh tá pêi troh tiô mâu tơdroăng pơkâ. Ai cheăm nâp hồ sơ pơkâ thế mơnhên hiăng pêi châ tiô pơkâ la klêi kơ’nâi séa ngăn bu nếo châ 16/19 tơdroăng pơkâ. Thăm nếo, ai cheăm hiăng châ mơnhên plah inâi thôn pơlê nếo, drêng vêh séa ngăn bu nếo châ 9/19 tơdroăng pơkâ.

Tối ăm ‘nâi ‘na tơdroăng kố, pôa Trương Phước Anh, kăn pơkuâ Khu ngăn ‘na chiâk deăng [ă mơnhông mơdêk thôn pơlê kong pơlê Gia Lai tối, tơdroăng ki mơnhên tối, mơnhên cheăm pêi châ tiô pơkâ thôn pơlê nếo ai tơdroăng ki ôh tá tơdrăng khât, hlo ai tơdroăng ‘’Pro mơhno to pá ngâ’’ [ă mâu cheăm ki hiăng châ pêi klêi tiô pơkâ bu iâ tê tâng pơchông [ă hlá mơ-éa tối tơbleăng:

‘’Mơnhên tối tá hâi tro, tá hâi tơdrăng, tá hâi trâu hơngế, tá hâi nhên, hôm cho tro ‘’Pro mơhno to pá ngâ’’. Tối tơdroăng a kơpêng hlo gá tro! {ă á xuân loi tơngah kô athế kơtăng tung tơdroăng ki chêh inâi [ă mơnhên tơdroăng ki pêi klêi tiô pơkâ. Á mơnhên bu ai 14 to cheăm tê mơni hiăng pêi klêi tiô pơkâ 1600 dêi Ngế pro xiâm hnê ngăn Chin phuh. Ngin tơhrâ la ngiâ kố ah kô pêi pro nhên tâ [ă kô ai hlá mơ-éa tối tơbleăng troh khu pơkuâ Ho#i đồng hnê ngăn kong pơlê, tối tơbleăng tơdrăng tâ’’.

Môi tơdroăng ki ê nếo pro chiâng ai ki xiâm tung rôh Ho#i đồng hnê ngăn kong pơlê Gia Lai mê cho tơdroăng ki vâi hdrêng ki nếo rơnêh hlâ a mâu hngêi pơkeăng xua ing tơdroăng ki ôh tá vâ hmâng, ôh tá pôu râng dêi hnoăng cheăng dêi mâu [ok thái pơkeăng, pro kuăn pơlê hêng hôu. Tiô hlá mơéa tối tơbleăng dêi Khu ngăn pơkeăng [ă khăm pơlât tối ăm ‘nâi, hơnăm 2017 lâp kong pơlê ai troh 230 ngế vâi hdrêng ki nếo kot mâ hlâ, tâk vâ chê 400$ ngế tâng pơchông [ă hơnăm 2016 [ă 60 ngế kuăn ngá hlâ.

Tối ‘na tơdroăng kố, pôa Mai Xuân Hải, kăn pơkuâ Khu ngăn pơkeăng [ă khăm pơlât kong pơlê Gia Lai tối, mâu ngế vâi hdrêng ki hlâ tung hơnăm 2017 dêi kong pơlê ai tâk hên. Laga, xuân ai tơdroăng ki xôi ‘na hlá mơéa chêh tối xua mâu khu ki rơkê ple\ng ai nhôm mê chiâng pro ai todroăng ki tối tơbleăng tâk hên tiah mê:

‘’Tung tối tơbleăng mê hơnăm 2017 tâk hên cho 230 ngế. Ngin hiăng séa ngăn, mâu tíu cheăng tối tơbleăng cho Tíu xiâm ngăn ivá châ chăn klêi rơneh kuăn, ối tung Khu ngăn pơkeăng [ă khăm pơlât hiăng tơ’nôm ôh tá tro mơngế. Klêi kơ’nâi séa ngăn, ki khât gá hơnăm 2017 kơxo# ngế hlâ ai 90 ngế’’.

Mâluâ ngế ki pơkuâ ngăn ‘na kơvâ cheăng khăm pơlât kong pơlê hiăng tơpui leăng, tâng mâu tơdroăng ki séa ngăn ăm hlo ai tơdroăng ki nhôm, la Khu kăn Ho#i đồng hnê ngăn kong pơlê Gia Lai tối tơdroăng nhôm ‘na kơxo# ngế hlâ [ă tối tơbleăng. Xua ôh tá xôi ‘na chêh tối kơxo# ngế vâi hdrêng hlâ, hên tơdroăng ki châ chêh tối ki dêi kơvâ kố xuân ôh tá tro.

Mâu tơdroăng ki rơhêng vâ ‘nâi ple\ng ki ê châ khu kăn Ho#i đồng hnê ngăn kong pơlê Gia Lai kơ-êng cho tơdroăng ki tê, roê kế tơmeăm ôh tá tro luât, kế tơmeăm ôh tá xê khât, xuân ối hlo hên h^n tơdroăng ki ôh tá tơniăn. Malối, tơdroăng ki tê phon rơvât, pơkeăng xôh kơdê oâ hdrong lơ hdrê pêt ki ôh tá dâi le\m [ă dế pro tro lu\p hên troh cheăng kâ dêi kuăn pơlê. Tơdroăng kố, ai xiâm cho xua ối ‘ro [ă tá hâi pôu râng khât hnoăng cheăng dêi khu ki ai tơdjâk troh kong pơlê.

          Công Bắc chêh

Katarina Nga tơplôu [ă tơbleăng