Kơvâ Tự nhên, hngêi trung Kao đăng Sư phăm Gia Lai ai 6 môn, tung mê ai 37 ngế thái cô hnê. Mâu hơnăm châ xo ‘mot kơdrâm hok tro, kơvâ ki kố ai 60 to lâm, cho kơvâ ki kân má môi dêi hngêi trung. La, hơnăm hriâm kố, kơvâ Tự nhiên bú ối 2 lâm, tung mê bú ai 45 ngế sinh viên hriâm hơnăm má mơ’nui. Ki hên cho mâu thái cô hnê dêi kơvâ kố ôh tá ai chôu vâ hnê.

Pôa Đặng Thông Huề, Kăn pho\ pơkuâ kơvâ kố ăm ‘nâi, 3 hơnăm kố nah, xua ôh tá châ rah xo hok tro, mê kơvâ ki kố ôh tá châ po lâm ki nếo. Ki hdrối, ôh tá ai cheăng pêi, chât ngế thái cô dêi hngêi trung ôh tá châ pêi cheăng, ôh tá châ kâ liăn ki hnê. A hơnăm hriâm pơtối, drêng 45 ngế sinh viên kố lo hngêi trung ah, pôa Huề ôh tá ‘nâi tơdroăng cheăng dêi kơvâ Tự nhiên kô kôm ti lâi ah nếo:

‘’2 hơnăm kố, kơxo# tie#t hnê dêi ngin hiăng kơdroh. Hơnăm kố ôh tá ai tie#t hnê xếo. Tiô luât pêi cheăng, kơ’nâi 3 khế ôh tá ai tie#t hnê, tâng hngêi trung ôh tá x^ng xoăng hnoăng cheăng pêi, ngin kô ôh tá ai liăn ki hnê. Tơdroăng kố kô rế tâk tiô hâi khế hơnăm’’.

Nôkố, hngêi trung Kao đăng Sư phăm Gia Lai ai 62 ngế thái cô ôh tá ai cheăng pêi, ki hên, kơxo# ki mê hriâm thak sih tơngi klêng. Pôa Đào Chiến, Ngế pơkuâ hngêi trung ăm ‘nâi: mơluâ hiăng x^ng xoăng tơdroăng cheăng, ăm pơkuâ tơ’nôm mâu tơdroăng cheăng Đoân, Ho#i la hngêi trung kô ôh tá kal kum tâi tơdroăng cheăng pêi vâ ăm mâu thái cô ki mê ai cheăng pêi.

62 ngế thái cô a hngêi trung Kao đăng Sư phăm Gia Lai nôkố ôh tá ai cheăng pêi

Xua mê, tơdrêng [ă tơdroăng pơtê mơhá ăm tu\m kơxo# liăn hnê, hngêi trung kho\m thế chêh inâi pâ thế tíu pêi cheăng xiâm cho Khu xiâm ngăn ‘na hnê hriâm [ă hnê mơjiâng tơdroăng rơkê Gia Lai x^ng xoăng tơdroăng cheăng pêi:

‘’Ôh tá ai túa ki lâi vâ pêi pro. Kố cho xiâm mơngế pêi cheăng hriâm troh lâm kân, thak sih tơngi klêng hên, ôh tá xê tung kơdroh [iên che#. Mê cho ki pá krê xêh. Pin bú ‘nâi tâng rơlối tối tơbelăng ăm râ kơpêng vâ tơleăng mơnhên tăng ăm liăn ngân. Ki hdrối rak liăn ki tâng hnê ta troh drêng kong pơlê pơkâ troăng hơlâ’’.

Mâu hngêi trung Kao đăng, trung kâp hnê cheăng pêi a Gia Lai xuân dế trâm pá x^ng xoăng tơdroăng cheăng hnê ăm mâu thái cô. Pôa Nguyễn Tấn Thành, kăn [ơrô Hnê cheăng pêi, Khu ngăn cheăng pêi, Mô đo#i tro [ă pơlê pơla dêi Gia Lai tối tiah kố, ki xiâm troh ai tơdroăng mê xua mâu hngêi trung hnê môi tiah mâu tơdroăng cheăng, tơdroăng hnê hâi teăm tơ-[rê, pá vâ châ tơbriât [ă mâu hngêi trung pá kong dêi kong pơlê.

Hên hngêi trăng dêi hngêi trung Kao đăng Sư phăm Gia Lai hiăng kl^ng péa hên hơnăm kố xua ôh tá châ xo ‘mot sinh viên mot hriâm

Pak^ng mê, túa [iên che# thái cô hnê a mâu hngêi trung tơnêi têa ôh tá tơ-[rê tiô pơkâ dêi pơlê pơla pro chiâng ai hên tơdroăng ki tô tuăn. Pôa Thành tối, nôkố, tíu pêi cheăng hâi tăng hlo troăng hơlâ ki lâi ôh vâ  kơdroh tơdroăng pá:

‘’Thế chêh inâi ai to lâi ngế thái cô mê nếo châ po hnê tơdroăng cheăng mê. Tơdroăng chêh tung hlá mơ-éa dêi tơnêi têa kho\m thế pro môi tiah mê gá pá. Hdrối nah, môi hơnăm hngêi trung hnê rah xo to lâi lâm hnê ‘na on tơhrik, [iên che# to lâi chât ngế thái cô hnê ‘na on tơhrik.

Nôkố hngêi kơmăi mơ’no on tơhrik rế hên, hiăng ai on tơhrik xúa la ôh tá ai xếo ngế hriâm ‘na on tơhrik, mê pro ti lâi vâ troh tah vâi, mơ’no vâi ah vâi săm phoăng. Kơdroh [ă tơdroăng ngế ki lâi hiăng vâ pơtê hriâm mê mơhnhôk thế vâi re\ng lo pơtê tiô pơkâ 108/2014/NĐ-CP hâi lơ 20/11/2014 dêi Chin phuh [ă ôh tá rah xo tơ’nôm nếo’’.

Nôkố, Vi [an hnê ngăn kong pơlê [ă Khu ngăn mâu kăn [o# kong pơlê Gia Lai hiăng pơkâ hên tơdroăng hnê, tơdjâ tối ăm mâu kơvâ cheăng x^ng xoăng ngăn, tơ’mot a mâu hngêi trung kao đăng, trung kâp tơniăn [ă tơ-[rê. Ing mê, khu ngăn ‘na hnê hriâm [ă hnê mơjiâng tơdroăng rơkê Gia Lai pơkâ thế mâu hngêi trung pôi tá po hên hnê hriâm, mơjiâng luât pơkâ cheăng 100%.

Pak^ng mê, Khu ngăn cheăng pêi mố đo#i tro rong [ă rêh ối pơlê pơla mơjiâng tơdroăng tơkêa tơ’mot 3 to hngêi trung kao đăng, trung kâp hnê cheăng pêi [ă trung kâp ‘na pơkeăng, trung kâp văn hoă-nge# thuât Gia Lai.

A tơdế măng t^ng hriâm, bú ai péa pái to lâm tê hnê

La tiô pôa Nguyễn Ngọc Ánh, Ngế pơkuâ hngêi trung trung kâp văn hoă – Nge# thua#t Gia Lai tối tiah kố, tơ’mot ăm tơtro bú vâ kum ăm mâu khu rak ngăn rế iâ mơngế la rơkê, ôh tá kâi châ tăng cheăng pêi ăm mâu thái cô:

‘’Ki hdrối ngin dế tơkôm. Drêng tơ’mot ah, mê khu ngăn cheăng pêi –Mô đo#i rong [ă pơlê pơla kô pơkuâ mâu hngêi trung ối tơku\m hôp [ă dêi rơpó riên ngăn ‘na thái cô vâ ‘mot tơchoâm. La ăm hlo nhên, mâu hngêi trung hiăng ai tơdroăng ki pơrá phá xap ing nah, pro ăm hdrối nah vâi ôh tá chiâng vâ tơku\m.

Drêng ‘mot tơchoâm, ‘na ki tơku\m pơkuâ rak ngăn, ôh tá ai tơdroăng klâi. La ‘na hnê mơjiâng mơngế pêi cheăng ôh tá môi tiah dêi rơpó. Mê cho tơdroăng tối tơchoâm ki ngin ối tô tuăn’’.

Rêm hơnăm thái cô hâi châ tăng tơdroăng cheăng pêi a Gia Lai dế ôh tá xê to tơdjâk troh tuăn ngoâ tơche\ng tơmiât, tơdroăng rêh ối phá mê ối mơ’nhiê xiâm mơngế ki rơkê dêi kong pơlê. Kong pơlê thế tăng troăng hơlâ pêi pro ăm tơtro, tơ-[rê re\ng mơnhên vâ kum ‘na tơdroăng kố.

            Nguyễn Thảo chêh

Gương tơplôu [ă tơbleăng