VOV4.Sêdang - Hâi lơ 18/10, Khu kăn kong pơlê Gia Lai hiăng tơdah 296 ngế kuăn pơlê cho vâi kơdrâi ki dế mơ-êa, vâi hdrêng, mâu hơnăm hiăng krâ, mâu hdroâng kuăn ngo ki pêi cheăng, rêh ối a kơpong tâ pơreăng peăng Hdroh tơnêi têa vêh troh a kong pơlê tơniăn. Hdrối mê, khu kăn kong pơlê Gia Lai ai 22 ngế, ƀă veăng kum dêi 13 toăng rơxế chơ tơmối ki châ xing xoăng dêi hngêi rơxế Phương Trang hiăng prôk tơdah kuăn pơlê dêi kong pơlê ki ai tâ pơreăng. Khu ki mê klâ 3 tôh lăm tơdah kuăn pơlê a 3 tíu a 2 kong pơlê Bình Dương , Đồng Nai ƀă Pơlê kong kân Hồ Chí Minh.

Troh 15h hâi lơ 17/10, khu ki vêh hiăng prôk ƀă vêh troh a Gia Lai a kơxo  hâi lơ 18/10. Drêng troh a kơpong klâ krê, mâu kuăn pơlê châ mâu kăn ƀô̆ mâu lêng hnê xếo kŏng, xôh pơkeăng, khăm ngăn châ chăn, tuê xo têa môh, tối inâi tơná ăm khu ngăn pơkeăng, hlối klâ xoăng, mơhno ăm tíu ối tro tiô pơkâ. Rôh kố, tiô tối hdrối kong pơlê kô tơdah 604 ngế, la xua ai hên tơdroăng mê kơxô̆ mơngế vêh iâ tâ.

Gương tơplôu ƀă tơbleăng