VOV4.Sêdang - Kơxo lơ 15/9, Vi [an hnê ngăn kong pơlê Gia Lai hiăng tơku\m po roh hôp khu mơdró kâ hơnăm 2017 [ă tơdroăng ki ai mâ dêi vâ chê 300 khu mơdró kâ a kong pơlê kố.

Lâp kong pơlê Gia Lai dế kố ai dâng 3 rơpâu 500 khu mơdró kâ dế pêi cheăng, [ă tâi tâng kơxo# liăn ki tơkêa vâ pêi cheăng kâ dâng 22 rơpâu rơtal liăn, tăng cheăng pêi ăm lối 71 rơpâu ngế pêi cheăng. Klêi mêi, ai 97% kơxo# khu mơdró kâ tung kong pơlê ki pêi cheăng kâ krâ kơvâ, ki ku\n [ă ki lối ku\n.

Roh hôp dêi khu mơdró kâ Gia Lai hơnăm 2017

A roh hôp mê, teăng mâ mâu khu mơdró kâ hiăng tơpui tối dêi mâu tơdroăng ki tơná tơmiât, pói vâ, tơku\m ‘na troăng hơlâ ki kơjo kum ‘na liăn laih; tơdroăng hơ’lêh xúa tơnêi vâ pêi kâ, malối tơnêi pêt kong; kơjo kum xing xoăng tơnêi ăm tơdroăng vâ mơnhông tung pêi chiâk pêi deăng xúa kơmăi kơmok chal nếo.

Mâu khu mơdró kâ xuân hiăng tối mâu tơdroăng ki ối trâm pá, ối ‘ro tung chêh bro hlá mơ-éa dêi kong pơlê. Tơmâng xo rơkong tơpui tối, pâ thế dêi mâu khu mơdró kâ, mê khu kăn pơkuâ kong pơlê Gia Lai tơkêa kô mơnhông mơdêk vâ tơleăng mơnhên, to\ng kum tơ’lêi hlâu ăm mâu tơdroăng ki ối tơvâ tơvân mê, rak vế, pêi pro le\m tro ‘na tơdroăng pơkâ 35 dêi Chin phuh ‘na veăng kum mơnhông mơdêk tê mơdró kâ. Tơdroăng ki ‘mâi hơ’lêh túa chêh pro hlá mơ-éa dêi kong pơlê pơtối châ pêi pro kơhnâ ó tâ tung la ngiâ.

Nhat Lisa tơplôu [ă tơbleăng