VOV4.Sêdang - Riân troh a kơxê lơ 18/10, kong pơlê Gia Lai hiăng pâk vaccine COVID-19 ăm vâ chê 301 rơpâu ngế. Tung mê, a pơlê kong kơdrâm Plei Ku, kơxô̆ vaccine ăm mâu ngế ki lối 18 hơnăm hiăng châ lối 80%. Troh 17 chôu kơxê lơ 18/10, kong pơlê Gia Lai hiăng tơkŭm pâk ăm lối 300.900 ngế. Tung mê, lối 72.100 ngế hiăng châ pâk klêi 2 trum ƀă lối 229 rơpâu ngế hiăng châ pâk trum má 1.

Gia Lai: Vâ chê 301 rơpâu ngế hiăng châ pâk vaccine COVID-19

Tiah mê, a kong pơlê Gia Lai, nôkố ai 31% kơxô̆ ngế sap ing 18 hơnăm tơngi klêng hiăng châ pâk iâ hlái 1 trum vaccine COVID-19. Mâu tơring cheăm tung kong pơlê ai kơxô̆ ngế pâk vaccine hên má môi cho Pơlê kong kơdrâm Plei Ku ai 82%, Pơlê kong krâm Ayun Pa ai 40%, pơlê kong krâm An Khê ai 29%. Jâ Nguyễn Thị Thanh Lịch, kăn phŏ hnê ngăn Vi ƀan kong pơlê Gia Lai ăm ‘nâi, tơdroăng ki tơbleăng pâk vaccine rĕng cho môi tung mâu tơdroăng ki kal vâ kong pơlê tơbleăng lôu péa, ‘mâi mơnhông cheăng kâ rêh ối tung la ngiâ.

Katarina Nga tơplôu ƀă tơbleăng