VOV.Sêdang - Khu xiâm ngăn ‘na mơdró kâ [ă cheăng kơmăi nếo ăm ‘nâi, xua ing tơdroăng ăm phêp dêi pôa Nguyễn Xuân Phúc, Ngế pro xiâm hnê ngăn Chin phuh ‘na tơdroăng tê mơ’no on tơhrik tung hơnăm 2017, mê yă on tơhrik ki kuăn pơlê xúa dế kố kô to iâ, [ă yă 1.720 liăn 1 kWh, tâk 6% tâng vâ pơchông ngăn [ă yă pơla hdrối kố nah.

Tơdroăng ki ‘mâi rơnêu yă on tơhrik roh kố châ pêi pro tiô tơdroăng ki mơnhên tối yă tê mơdró on tơhrik a hơnăm 2016 hiăng châ séa mơnhên ngăn phá xêh, tung mê, ai mơnhên ngăn ‘na tơdroăng ki pro to lơ kơdroh kơxo# liăn kum ‘na on tơhrik [ă mâu kơxo# liăn ki tá hâi teăm riân tung yă ki mơjiâng on, mơdró on tơhrik troh a hơnăm 2016, [ă kơxo# liăn ki mơ’no pêi pro păng ‘nâng tung hơnăm 2017.

Kố cho kơlo yă ki tơchuôm, yă ki tê ăm tiô rêm khu ngế xúa ối athế séa ngăn tung tơdroăng pơkâ kơxo# 28 ‘na túa ki pơkâ yă tê ‘ngré on tơhrik. Tiah mê, kố cho roh apoăng klêi kơ’nâi 3 hơnăm, yă on tơhrik hiăng tâk  kơnâ iâ.

Nhat Lisa tơplôu [ă tơbleăng