VOV4.Sêdang - Tung tơdroăng hneăng hôp má 2, Kuô̆k hô̆i hneăng má 15, kơxo kố lơ 21/10, Kuô̆k hô̆i tơpui tơno a tôh tơbleăng ‘na tơdroăng hbrâ, mơdât COVID-19 ƀă tơdroăng pêi pro Pơkâ kơxô̆ 30 hơnăm 2021 ‘na hneăng hôp má môi, Kuô̆k hô̆i hneăng má 15. Hên mâu kăn teăng mâ môi tuăn ƀă mâu ƀai hriâm ki rơkê tơtro, pơkâ pêi, troăng tơmiât pêi, hnoăng hbrâ, mơdât COVID-19 tung la ngiâ ki tối tơbleăng hiăng tối nhên, tung mê kal tơtrŏng tơdroăng hbrâ mơdât COVID ƀeăn ƀĕng rơkê vâ tơniăn tơdroăng rêh ối pơlê pơla.

Chin phuh pơkâ mâu hnoăng cheăng, troăng pêi ki xiâm, tung mê tơkŭm pêi pro ƀeăn ƀĕng, châ tơƀrê mâu pơkâ pêi rế hbrâ, mơdât COVID-19, rế pro tơniăn, mơnhông cheăng kâ – rêh ối pơlê pơla; pêi pro châ tơƀrê Troăng pêi ton tŏn tâi tâng ‘na hbrâ, mơdât pơreăng, ai troăng pêi kâi trâng tơniăn, ƀeăn ƀĕng rơkê, mơdât châ tơƀrê pơreăng COVID-19, ngăn kố cho hnoăng cheăng ki kal, thâ dêi mâu râ, mâu kơvâ sap ing apoăng hơnăm 2022.

A Sa Ly tơplôu ƀă tơbleăng