VOV4.Sêdang - Kơxo lơ 13/4, a tíu pêi cheăng Chin phuh, pôa Nguyễn Xuân Phúc, Ngế pro xiâm hnê ngăn tơnêi têa pơkuâ hneăng hôp [ă mâu khu mơdró, kơvâ cheăng hbrâ môi hneăng hôp tung lâp tơnêi têa [ă mâu khu mơdró. Ngế pro xiâm hnê ngăn ăm ‘nâi, ing hnoăng pơkuâ hnê mơhno dêi Đảng, Chin phuh hiăng tơbleăng hên tơdroăng pêi pro ki kal tung hbrâ mơdât pơreăng Covid-19 xuân tơbleăng tơdroăng pêi pro tơniăn tâi tâng mâu troăng hơlâ tơniăn tung rêh ối, tơniăn tung mơdêk rêh ối, mơdêk pêi cheăng tê mơdró, mơdêk xo liăn ngân ‘no pêi cheăng tơnêi têa.

Ngế pro xiâm hnê ngăn tơnêi têa thế mâu khu xiâm, kơvâ cheăng hbrâ hlá mơ-éa ki kal, chêh ‘nâng ‘nâi, tơ’lêi hlê vâ khu mơdró tơ’lêi pêi pro. Tung mê, kal thế tơbleăng kơxo# liăn to\ng kum ki tâi tâng, liăn ngân ki Chin phuh hiăng pơkâ, tối nhên tơdroăng ki kal ‘mâi mơnhông mâu kơvâ cheăng, tơdroăng cheăng mâu tíu mơdró. 

Klêi tơmâng veăng hnê tối mâu tơdroăng dêi Khu mơdró, Chin phuh kô pơkâ tơdroăng vâ pơtối kơdroh tah ki xahpá, pro tơ’lêi hlâu ăm ‘na pêi pro tê mơdró, rak tơniăn loi khât dêi khu mơdró mơ-eăm tơkâ luâ xahpá.

Gương tơplôu [ă tơbleăng