VOV4.Sêdang - Tối tơbleăng a rôh hôp Chin phuh [ă mâu kong pơlê, pôa Trịnh Đình Dũng, Ngế pro xiâm pho\ hnê ngăn tơnêi têa tối tiah kố, mâu khu xiâm, kơvâ cheăng, kong pơlê kal mơdêk tơdroăng ki rơkê ple\ng dêi hơnăm 2017 tung tơdroăng hbrâ rơnáu séa ngăn nhên tơdroăng mơjiâng pro, kơchơ tê mơdró dêi rêm kơvâ cheăng, kế tơmeăm vâ re\ng ‘nâi mâu tơdroăng rơnêu ăm tơtro, rak tơniăn ki xiâm pơkâ mơdêk tơdjuôm.

Tơ-[rê dêi hơnăm 2017 cho tơdroăng ki kal khât ăm hơnăm 2018 [ă mâu hơnăm ki pơtối, la kố cho tơdroăng pá kân má môi xua drêng túa pơkâ cheăng gá hên tâ, rơhêng vâ rak tơniăn châ 6%, kal hên kế tơmeăm ki nếo, rơtế a mê cho tơdroăng ki mơdêk dêi mâu kế tơmeăm tiô khôi túa ton nah.

Ngế pro xiâm pho\ hnê ngăn tơnêi têa pơkâ thế, mâu khu xiâm, kơvâ cheăng, kong pơlê, khu mơdró kâ pơtối pêi klêi mâu tơdroăng pơkâ ‘na kơvâ cheăng, kế tơmeăm tung tơdroăng ki mơnhên tối ki rơhêng vâ dêi kơchơ tê mơdró tung tơnêi têa, tung kơpong [ă tung kong têa ê [ă tơdroăng ki ai hlâu dêi rêm kơpong, kơvâ cheăng [ă kong pơlê hbrâ ví [ă kong prâi pro hơ’lêh [ă rak vế kong prâi tơnêi tíu vâ pro chiâng mâu kế tơmeăm ki hên, dâi le\m [ă yă tê tơtro vâ mơdêk tơdroăng ki tơxup tơbriât.

Katarina Nga tơplôu [ă tơbleăng