Tơdroăng ki hơ’muăn tối ‘na ngế hok tro kơtiê, pâ re\ng hlâ dế pôa ối tơx^n nah, rêm hâi prôk chêang troh hngêi trung a troăng prôk tung pơlê la mơhno tối a pôa cho ngế ki rơkê ple\ng, kơhnâ hriâm, hriâm rơkê má môi tung lâm mê cho tơdroăng ki kuăn pơlê cheăm Quang Thiện, tơring Kim Sơn, kong pơlê Ninh Bình hơ’muăn tối drêng ối tơx^n nah dêi pôa Trần Đại Quang, Kăn xiâm hnê ngăn tơnêi têa, môi ngế kuăn dêi pơlê xiâm.

Tung rơkong hơ’muăn tối mê, mâu ngế ki rêh ối a chê hngêi pôa a pơlê dêi Kăn xiâm hnê ngăn tơnêi têa pơrá tối tơdroăng ki hâk tơngăm ‘na môi ngế kăn xiâm pơkuâ tơnêi têa lo ing môi rơpo\ng rêh ối a thôn pơlê, kơtiê.

Kuăn pơlê tung kong pơlê Ninh Bình tối:

‘’Hngêi pôa Quang nah kơtiê khât, pâ re\ng hlâ dế pôa ối tơx^n, nôu păn roăng 6 ngế kuăn hriâm. Laga pôa mơ-eăm hriâm rơkê, nôkố chiâng kăn xiâm pơkuâ tơnêi têa. Pôa Quang têm rơpiât, rêh ối le\m, a chê [ă kuăn pơlê, ôh tá ai tơdroăng pơrah vâ mâu ngế ki lâi ôh, lơ hâk ngế ki kố luâ tâ ngế ki tá ôh. Ngin hâk tơngăm khât pơlê xiâm ngin ai môi ngế Kăn xiâm hnê ngăn tơnêi têa tiah mê’’.

Tâng tơdroăng ki ngế hok tro Trần Đại Quang re\ng hlâ lêk lôi [ă vêh [ă mơhúa jâ pôa, mê pôa Lê Kim Toàn, 80 hơnăm, cheăm Hồi Ninh, tơring Kim Sơn, cho ngế thái hnê [ă hnê ngăn ngăn lâm tung rôh hriâm râ má 3 dêi Kăn xiâm hnê ngăn tơnêi têa s^ng khéa ó khât. Maluâ hơnăm hiăng hên, ôh tá [e\ng [eăn xếo, drêng pâ, drêng ôh la drêng tối troh hok tro kơtiê Trần Đại Quang, pôa Toàn  hâk tơngăm kơ ngế hok tro kơtiê, rơkê ple\ng, hâk vâ [ă tơdroăng hriâm, ai tuăn hiâm kơdo mơ-eăm, hriâm rơkê má môi tung lâm [ă đi đo pâ nhuo#m thái cô.

Maluâ prôk cheâng vâ chê 3 km nếo troh a hngêi trung la ngế hok tro kố ôh tá la lâi pơtê hriâm. Kơnôm ing tơdroăng ki rơhêng vâ hriâm [ă hriâm rơkê, ngế hok tro kơtiê kố hiăng châ tơnêi têa to\ng kum ăm môi toăng rơxế mái.

Pôa Lê Kim Toàn tối:

‘’Á kơdrâ ó khât, châi heăng tung hiâm mơno [ă s^ng khéa kơ pôa Trần Đại Quang. Tơdroăng ki chôu pâ má môi mê pôa Trần Đại Quang cho hok tro loi nguăn, kơhnâ pêi cheăng’’.

Dế ối rêh nah, rêm rôh Têt troh rơnó hơngui vêh, pôa Trần Đại Quang, Kăn xiâm hnê ngăn tơnêi têa mơdoh chôu phut lăm vêh dêi a pơlê xiâm, bruô mâu kế tơmeăm ăm mâu rơpo\ng ki ai hnoăng tơnêi têa, mâu ngế ki ai hnoăng [ă kăch măng. Nôu Việt Nam khên tơnôu Vũ Thị Tý 96 hơnăm a kơtâu 9, cheăm Quang Thiện hơ’muăn tối, pôa Trần Đại Quang, Kăn xiâm hnê ngăn tơnêi têa ai tuăn hiâm le\m dêi ngế ki đi đo to\ng kum mâu ngế kơtiê, Nôu Việt Nam khên tơnôu Vũ Thị Tý xuân ối chôu pâ đi đo kế tơmeăm ki kơnía git mê dêi pôa Trần Đại Quang, Kăn xiâm hnê ngăn tơnêi têa bruô ăm:

‘’Pôa Quang a chê, hâk vâ kuăn pơlê khât. Pôa hlâ lêk á mơjo khât. Châ hiăng hlâ, la tơdroăng ki le\m xuân u ối’’.

Pôa Trần Đại Quang, Kăn xiâm hnê ngăn tơnêi têa tơmâng ngăn khât troh hnoăng cheăng hnê hriâm a kong pơlê. Lối 6 hơnăm hiăng luâ, [ă hnoăng cheăng cho kăn xiâm hnê ngăn Khu râng liăn mơhnhôk tơdroăng rơkê, mơhnhôk tơdroăng hriâm Đinh Bộ Lĩnh [ă kơxo# liăn ‘no lối 30 rơtal liăn, pôa Trần Đại Quang, Kăn xiâm hnê ngăn tơnêi têa hiăng ai hên tơdroăng cheăng pêi pro, ai pơxúa mơhnhôk, lối rơpâu ngế hok tro a Ninh Bình mơ-eăm tung hriâm tâp.

Pôa Trần Hồng Quảng, Kăn pho\ pơkuâ hnê ngăn Đảng kong pơlê Ninh Bình ăm ‘nâi:

‘’{ă kuăn pơlê Ninh Bình, mâu tơdroăng cheăng pêi dêi Kăn xiâm hnê ngăn tơnêi têa cho mâu um méa ki bâ eăng le\m khât, đi đo tơmâng ngăn troh mâu ngế hơnăm hiăng krâ ki veăng tung rôh hnoăng cheăng kăch măng, mâu ngế ki ai hnoăng [ă tơnêi têa, mâu rơpo\ng hngêi ki ai tơdroăng rêh ối xơpá [ă kuăn muăn hok tro. Đi đo ai mâu troăng hơlâ pơkâ, pro tơ’lêi hlâu ăm mâi vâi o hok tro, hriâm tâp, mơnhông mơdêk.

Kăn xiâm hnê ngăn tơnêi têa cho ngế ki ai rơkong pơkâ mơjiâng khu râng liăn mơhnhôk hriâm, mơhnhôk tuăn hiâm rơkê Đinh Bộ Lĩnh. Sap ing châ mơjiâng khu râng liăn troh nôkố, hên hok tro ai tơdroăng vâ châ hriâm [ă hiăng hriâm rơkê. Đảng [o# [ă kuăn pơlê Ninh Bình hâk tơngăm kơ ngế kuăn ki rơkê ple\ng dêi pơlê xiâm, [riê rơ-rêk tung hiâm mơno drêng hlo tơdroăng pêi mê dêi pôa Trần Đại Quang, Kăn xiâm hnê ngăn tơnêi têa’’.

Pôa Trần Đại Quang, Kăn xiâm hnê ngăn tơnêi têa ôh ti xê to ngế ki djâ troăng ahdrối tơkâ luâ xơpá tung hriâm tâp, tuăn hiâm dêi pôa [ă pơlê cheăm đi đo cho tơdroăng ki hên ngế kuăn pơlê Ninh Bình xuân ối hnê khe\n kuăn cháu pêi pro [ối. Hâi kố, kuăn pơlê Ninh Bình hiăng hbrâ rơnáu khât vâ tơdah ngế kuăn ki ai tuăn hiâm kố vêh [ă tơnêi xiâm tơná.

Khu chêh hlá tơbeăng VOV chêh

Katarina Nga tơplôu [ă tơbleăng