VOV4.Sêdang - Tơdrêng [ă mâu hlá kơthô veăng s^ng khéa dêi hên mâu kăn xiâm pơkuâ mâu kong têa tung lâp plâi tơnêi, um tơvi dêi hên mâu kong têa tung lâp plâi tơnêi tung mâu hâi hiăng luâ hiăng chêh tối hên h^n mâu [ai chêh dêi tơdroăng hlâ dêi pôa Trần Đại Quang, Kăn xiâm hnê ngăn tơnêi têa Việt Nam, [ă ai hên mâu tơdroăng ki mơjo pâ, ôh tá la lâi kâi piu.

Drêng tâng tối tơdroăng ki Kăn xiâm hnê ngăn tơnêi têa Việt Nam hlâ a hâi lơ 21/9, ai hên mâu Khu xiâm ngăn ‘na chêh hlá tơbeăng, Khu xiâm chêh tối tơdroăng nếo ai, Um tơvi, Rơ’jíu hiăng mơ’no tối tơbleăng, hnối ai tối ‘na tơdroăng rêh ối, pêi cheăng dêi pôa Trần Đại Quang, Kăn xiâm hnê ngăn tơnêi têa pin, tơdrêng amê, hnối tối mâu hnoăng cheăng ki veăng mơjiâng [ă mơnhông tơnêi têa dêi Kăn xiâm hnê ngăn tung kơvâ cheăng tơru\m tơpui kâ, veăng kum mơdêk hnoăng cheăng [ă tơdroăng ki rơkê kơnía dêi Việt Nam tung lâp plâi tơnêi.

Hlá tơbeăng Granma dêi kong têa Cuba ai [ai chêh tối: ‘’Cuba hiăng rơtế [ă Việt Nam ahdrối tơdroăng ki hlâ dêi pôa Trần Đại Quang, Kăn xiâm hnê ngăn tơnêi têa’’. Hlá tơbeăng kố ăm ‘nâi tơdroăng ki hlâ dêi Kăn xiâm hnê ngăn tơnêi têa Việt Nam cho tơdroăng ki hía he\ng kân ke\ng, ti xê to [ă tơnêi têa Việt Nam mê ối cho [ă Chin phuh, kuăn pơlê kong têa Cuba tung tơru\m cheăng nho\ng o pơla péa pâ tơnêi têa. Klêi mê, pôa Trần Đại Quang, Kăn xiâm hnê ngăn tơnêi têa pin ối ai hnoăng cheăng ki krê phá xêh, xua hiăng châ trâm hdrối pôa Fidel Castro, Kăn xiâm pơkuâ ngăn Kăch măng kong têa Cuba vâ kơtiê hiâm nah. Hlá tơbeăng Prensa Latina hiăng chêh tối pôa Trần Đại Quang, Kăn xiâm hnê ngăn tơnêi têa cho môi ‘’ngế pú hmâ ki kal git má môi’’ dêi kong têa Cuba, ngế ki hiăng mơdêi tơru\m cheăng ki hiăng ai sap ing ton nah dêi nho\ng o pơla péa pâ hdroâng mơngế.

Hlá tơbeăng Sinuâ, ai inâi Chinadaily xuân hiăng ai [ai chêh tối ‘na mâu hâi pêi cheăng ki kơhnâ khât dêi pôa Trần Đại Quang, Kăn xiâm hnê ngăn tơnêi têa roh má mơ’nui dêi hnoăng cheăng tơná, tung mê ai tá tơdroăng ki tơdah mâu Khu kăn dêi mâu kơ koan riân mơnhên liăn ngân ki xiâm dêi châu Á, dó inâi ASOSAI roh má 14 a pơlê kong xiâm Hà Nội 2 hâi hdrối pôa kơtê hiâm.

Tung pơla mê, Hlá tơbeăng dêi kong têa Nhuk, cho Gazeta, Khu xiâm chêh tối tơdroăng nếo ai dêi Rusi, cho TASS xuân ai tơbâ mâu hnoăng cheăng ki kal dêi pôa Trần Đại Quang, Kăn xiâm hnê ngăn tơnêi têa pin tung ‘no dêi hnoăng cheăng ki kân vâ mơdêk tơru\m cheăng pơla Việt Nam [ă Rusi. Mâu hlá tơbeăng mê hiăng chêh tối môi roh ki êng, xua khu chêh hlá tơbeăng dêi TASS ai êng pôa Trần Đại Quang, Kăn xiâm hnê ngăn tơnêi têa ahdrối vâ lăm pôu, pêi cheăng a kong têa Rusi a hơnăm 2017 nah, tiah mê, mơnhên tối, Rusi [ă Việt Nam đi đo cho pú hmâ ki tơdrăng khât, châ mơnhên tối hnoăng cheăng dêi hên khế hơnăm hiăng luâ.

Mâu khu xiâm ngăn ‘na chêh hlá tơbeăng ki kân dêi Mih, môi tiah CNN, Washington Post xuân hiăng kơdeăn khe\n mâu hnoăng cheăng ki kân dêi pôa Trần Đại Quang, Kăn xiâm hnê ngăn tơnêi têa tung thăm mơdêk tơru\m cheăng pơla péa pâ, [ă môi tơdroăng ki kal xiâm tơkâ luâ ing mâu hneăng tơpui tơno [ă 2 Ngế Kăn xiâm pơkuâ kong têa Mih cho pôa Barack Obama a khế 5/2016 [ă pôa Donald Trump, Kăn xiâm pơkuâ kong têa Mih a khế 11 hơnăm nah.

Mâu khu xiâm chêh hlá tơbeăng ki kân dêi kong têa Nhuk môi tiah Rơ’jíu NHK, Khu xiâm chêh tối tơdroăng nếo ai dêi Nhuk, inâi cho Japan News, Hlá tơbeăng Japan Times, Asahi, …pơrá ai chêh tối ‘na inâi, hâi khế kot mâ, tơdroăng rêh ối, hnoăng pêi cheăng, tung mê ai chêh tối nhên mâu kơlo\ng ki kal kân ki pôa Trần Đại Quang, Kăn xiâm hnê ngăn tơnêi têa hiăng pơxiâm to pro Kăn sap hơnăm 1975 nah troh nôkố.

Mâu khu chêh hlá tơbeăng AFP dêi kong têa Pơhlăng [ă Reuters dêi kong têa Ănglê hiăng chêh xo rơkong dêi pôa Cảnh Sảng, Ngế xiâm tơpui kâ kong têa Sinuâ hiăng kơdeăn tối pôa Trần Đại Quang, Kăn xiâm hnê ngăn tơnêi têa cho môi ngế kăn ki rơkê [ă ai hên hnoăng cheăng tung hneăng hơ’lêh, mơnhông [ă lôu péa tơru\m cheăng [ă kong têa ê dêi Việt Nam.

{ă pú hmâ lâp plâi tơnêi, pôa Trần Đại Quang, Kăn xiâm hnê ngăn tơnêi têa cho môi ngế kăn ki rơkê, môi ngế pú hmâ ki lối kơ kơnía, châ hên kuăn pơlê tung lâp plâi tơnêi koh nhuo#m. Mơhno tối tơdroăng ki Kăn xiâm hnê ngăn tơnêi Việt Nam hlâ, ai hên khu kăn xiâm dêi mâu kong têa hiăng troh a Việt Nam vâ veăng Leh kơnăng kiâ tung 2 hâi, cho hâi lơ 26 [ă lơ 27/9. A kong têa Cuba, Lếo [ă Siam, kô po Kơnăng kiâ lâp tơnêi têa vâ tơbâ pôa Trần Đại Quang, Kăn xiâm hnê ngă tơnêi têa Việt Nam.

Katarina Nga tơplôu [ă tơbleăng