VOV4.Sêdang - Kơxê lơ 6/12, a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa pin prế pôa Samdech Techo Hun Sen, Ngế pro xiâm hnê ngăn kong têa Kul hiăng rơtế hôp [ă khu mơdró kâ pơla Việt Nam-Kul.

Pôa Nguyễn Xuân Phúc ai tối nhên, tung pơla tơru\m cheăng dêi péa pâ tơnêi têa dế mơnhông mơdêk le\m tro tơniăn tung rêm kơvâ cheăng, khu kăn xiâm Chin phuh dêi péa pâ tơnêi têa hmâ trâm hên tơdroăng ki pá la xuân hiăng kơdro mơ-eăm tah lôi ki xahpá mê ăm péa pâ tơnêi têa. Tung la ngiâ kố ah, tơdroăng pêi cheăng kâ lâp plâi tơnêi, kơpong kố kô po hên tơdroăng ki tơ’lêi hlâu [ă kô trâm hên tơdroăng pơloăng mơnúa ki ối hên túa, mê péa pâ athế tơru\m cheăng krá tơniăn dêi pó hên tâ, tơ-[rê tâ, mơdêk hên tâ nếo hnoăng cheăng ki vâ mơjiâng pro ăm tơdroăng ki ó rơdêi, djâ pro pơxúa ăm tơdroăng ki pơxúa ăm péa kong têa.

Pôa Hun Sen mơnhên tối ‘ló khât mâu tơdroăng cheăng ki tơru\m tung tê mơdró kâ [ă ‘no liăn pơla péa pâ tung mâu khế hơnăm hiăng luâ, tơdrêng amê, hnối séa mơnhên khât tơdroăng pơkâ dêi Chin phuh [ă Ngế pro xiâm hnê ngăn Việt Nam hiăng chông djâ ki xiâm dêi tơdroăng cheăng kâ ki hloh hlê rơkê ple\ng, kum  mơdât tơdroăng ki yă liăn ôh tá kơnâ, klêi mê, mơdât kế tơmeăm lơ to kơnâ ó.

Ing mâu tơdroăng ki mê, ga hiăng ai tơdjâk tơniăn le\m tro [ă ki xiâm dêi tơdroăng pêi cheăng kâ dêi kong têa Kul.

Nhat Lisa tơplôu [ă tơbleăng