VOV4.Sêdang - A Hà Nội, Hô̆i đong Khu mơdró vâi kơdrâi Việt Nam tơrŭm ƀă Kơ koan Khu lâp kong têa ‘na tơdroăng ôh tá pơrah pơla kơdrâi ƀă kơnốu ƀă hlối diâp hnoăng ăm vâi kơdrâi (UN Women) khu tơrŭm po hneăng hôp Khu mơdró vâi kơdrâi Việt Nam hơnăm 2021 ƀă lối 40 tíu mơ’no tơdrêng tung um tiô troăng hyôh Internet drêng troh leh tơbâ Hâi Khu mơdró Việt Nam lơ 13/10, Hâi vâi kơdrâi Việt Nam lơ 20/10 ƀă 20 hơnăm mơjiâng Hô̆i đong Khu mơdró vâi kơdrâi.

Hneăng hôp hơnăm kố ai pơxá “Pơ’lêh kơxô̆: ing tơdroăng hlê plĕng troh tơdroăng pêi pro”, vâ mơdêk hnoăng pơkuâ cheăng kâ dêi vâi kơdrâi ing tơdroăng kum tê mơdró xua vâi kơdrâi pơkuâ pơ’lêh kơxô̆, ‘mâi mơnhông pêi cheăng tê mơdró, hmâ ƀă tơdroăng pơ’lêh kăch măng cheăng ƀă kơmăi mơkok 4.0 ƀă ing tơdroăng tơdjâk dêi pơreăng kân COVID-19 dế tâ tú tung lâp plâi tơnêi ƀă a Việt Nam.

A hneăng hôp kăn teăng mâ mâu tíu pêi cheăng, khu mơdró rơtế tơpui tơno, mơnhên mâu tơdroăng ‘na pơ’lêh kơxô̆ ƀă khu mơdró, tung mê, ai khu mơdró vâi kơdrâi pro xiâm; mâu tơmeăm, tơdroăng tê mơdró, xiâm tơdroăng pêi pro kô xúa ăm mâu khu mơdró tung pơơla ai pơreăng COVID-19, troăng rơhlâ tơtro vâ pêi mâu tơdroăng pơ’lêh kơxô̆ ƀă mâu khu mơdró kŭn ƀă krâ kơvâ; tơdroăng pơloăng mơnúa pêi cheăng drêng pơ’lêh kơxô̆ a khu mơdró.

Gương tơplôu ƀă tơbleăng