VOV4.Sêdang - Hneăng hôp lâp tơnêi têa ‘na hnoăng cheăng tơ’noăng, khe\n kơdeăn hơnăm 2018, tối tơbleăng hnoăng cheăng hơnăm 2019 po a hâi lơ 9/1. Hơnăm hiăng luâ, hnoăng cheăng tơ’noăng, khe\n kơdeăn hiăng ai hên tơdroăng ki hơ’lêh khât. Mâu tơdroăng tơ’noăng xua Ngế pro xiâm hnê ngăn Chin phuh tối tơbleăng cho tơdroăng ki kal, ki xiâm dêi mâu khu xiâm, kơvâ cheăng, kong pơlê, châ mâu rơxông kuăn pơlê veăng pêi pro.

Ki rơkê ple\ng dêi hnoăng cheăng khe\n kơdeăn châ mơdêk khât. Ngế pro xiâm hnê ngăn tơnêi têa, kăn xiâm hnê ngăn tơnêi têa khe\n kơdeăn ăm vâ chê 56 rơpâu ngế, tung mê, tơdroăng ki pêi pro hnoăng cheăng mơnhông mơdêk cheăng kâ, rêh ối pơlê pơla ăm lối 15 rơpâu ngế.

A hneăng hôp, mâu kăn tối tơdroăng hnê mơhno mâu tơdroăng ki tá hâi pêi pro klêi, tung hnoăng cheăng tơ’noăng, khe\n kơdeăn môi tiah, ai tíu ki ‘nâ bu pêi pro tiô tơdroăng pơkâ, tá hâi xê ivá mơdêk tung pêi pro hnoăng cheăng.

Hnoăng cheăng séa ngăn, ‘na tơdroăng tơ’noăng tá hâi châ loi tơngah. Mơgêi hneăng hôp, pôa Trương Hòa Bình, Ngế pro xiâm pho\ hnê ngăn tơneei têa pơkâ thế Ho#i đong tơ’noăng, khe\n kơdeăn, Tơnêi têa, mâu Khu xiâm, kơvâ cheăng, kong pơlê kal tối tơbleăng tơdroăng tơ’noăng ma lối, cho mơ-eăm pêi klêi tơ-[rê tơdroăng pơkâ dêi hneăng hôp kân lâp tơnêi têa rôh má 12 dêi Đảng.

Katarina Nga tơplôu [ă tơbleăng