VOV4.Sêdang - Hâi lơ 30/7 la ngiâ kố ah a Lâm Đồng kô tơku\m po Hneăng hôp lâp plâi tơnêi ‘na ‘’Mơdêk mơdró ‘no liăn cheăng tung mâu kơvâ pêi chiâk deăng’’.

Kố cho tơdroăng ki châ pơkâ mơ’no a rôh hôp tối tơbleăng xua Khu xiâm pơkâ [ă ‘no liăn cheăng tơku\m po a kơxê lơ 27/7 a Hà Nội. Hneăng hôp châ tơku\m po cho vâ tăng troăng hơlâ pêi pro châ tơ-[rê ăm tơdroăng ki mơnhông mơdêk pêi chiâk deăng, malối cho po troăng ăm khu mơdró kâ tung tơnêi têa [ă ki ‘no liăn kong têa ê ‘no liăn cheăng hên tâ nếo a kơvâ pêi chiâk deăng.

Tơdrêng a mê hnối cho rôh vâ chin phuh rơtế [ă mâu kơ koan, Khu xiâm, kơvâ cheăng, kong pơlê, khu mơdró kâ pêi chiâk deăng [ă mâu khu tơru\m kơvâ cheăng rơtế hvái ngăn vâ mơnhên tối tơdroăng ki ‘no liăn cheăng tung kơvâ cheăng kố.

Ing mê, vâ ‘nâi nhên mâu tơdroăng ki pêi châ rơhéa xuân môi tiah mâu tơdroăng ki tá hâi pêi klêi, vâ pơkâ mơ’no mâu troăng hơlâ mơdêk ‘no liăn cheăng tung kơvâ pêi chiâk deăng châ tơ-[rê tâ nếo tung chal nếo nôkố.

Katarina Nga tơplôu [ă tơbleăng