VOV4.Sêdang - Hneăng hôp lâp tơnêi têa mơhnhôk khu tê mơdró mơ’no liăn cheăng tung kơvâ pêi chiâk deăng xua Ngế pro xiâm hnê ngăn Chin phuh tơku\m po a pơlê kong kơdrâm Đà Lạt, kong pơlê Lâm Đồng. Kố cho hneăng hôp kân má môi sap ing hdrối nah troh nôkố ‘na mơ’no liăn cheăng tung kơvâ pêi chiâk deăng vâ mơnhên mâu túa cheăng a ngiâ [a\ ton xo\n vâ mơhnhôk khu tê mơdró mơ’no liăn cheăng tung kơvâ kố.

Xông tơpui a pơxiâm po hneăng hôp, pôa Trịnh Đình Dũng, Ngế pro xiâm pho\ hnê ngăn tơnêi têa pơkâ thế mâu khu kăn mơhno nhên mâu tơdroăng tá hâi rơkê, ối pá puât, tơvâ tơvân ‘na troăng hơlâ, túa cheăng  [a\ mâu tơdroăng mơdât tung hnoăng mơdêk dêi khu tê mơdró ‘na pêi chiâk deăng, xuân môi tiah mâu túa vâ mơdêk ki dâi le\m [a\ châ tơ-[rê tung tơdroăng pêi cheăng dêi khu tê mơdró mơ’no liăn cheăng tung pêi chiâk deăng.

Tiô pôa Trịnh Đình Dũng, Ngế pro xiâm pho\ hnê ngăn tơnêi têa, hneăng hôp kô kơjo hâi khế vâ mâu kong pơlê, teăng mâ mâu khu tơru\m cheăng, pơlê pơla khu tê mơdró, khu tơru\m cheăng, mâu ngế ki rơkê, khu tơru\m cheăng lâp plâi tơnêi xông tơpui tối.

A Sa Ly tơplôu [ă tơbleăng