VOV4.Sêdang - Tung hneăng hôp Khu kăn xiâm ngăn liăn ngân APEC 2017, kơxo lơ 20/10, a Hội An, Quảng Nam, Khu xiâm ngăn liăn ngân tơru\m [ă Hngêi rak liăn Tơnêi têa tơku\m po hneăng hôp mâu Ngế xiâm ngăn ‘na liăn [ă Ngế xiâm pho\ pơkuâ hngêi rak liăn xiâm APEC. A hneăng hôp mâu kăn tơpui tơno 4 tơdroăng pêi ahdrối tung tơru\m cheăng hơnăm 2017, tá mâu tơdroăng: ‘no liăn cheăng ton hơnăm vâ mơjiâng pro tơmeăm khoăng. Pro mâu tíu xo hnoăng mơhá [ă pêi cheăng pro pơxúa, liăn ngân [ă baoh hiêm ki oh tá mơhúa xua kong prâi pro, [ă liăn ngân. Tung mê tơku\m tơleăng mơnhên mâu tơdroăng vâ mơhnhôk tăng liăn ki pêi ton hơnăm dêi kơpong krê dêi kuăn pơlê ăm mâu tơdroăng tơkêa pro tíu pêi cheăng, tơmeăm khoăng, malối cho luât pơkâ pro tơ’lêi hlâu pro pơxúa [ă kơdroh ki oh tá mơhúa ăm mâu khu ‘no liăn cheăng dêi kuăn pơlê ki veăng pêi tơdroăng tơkêa bro ‘no liăn cheăng tiô túa tơru\m cheăng PPP.

Gương tơplôu [ă tơbleăng