VOV4.Sêdang - Kơxo lơ 19/12, ko\ng ti On tơhrik Dak Lak tơku\m po hneăng hôp pâ mơnê tơmối hơnăm 2018. Ko\ng ti On tơhrik Dak Lak dế tê on tơhrik tơdrêng ăm vâ chê 530 rơpâu ngế tơmối.

Tung hơnăm 2018, ko\ng ti on tơhrik pêi pro tro tiô mâu tơdroăng pơkâ, hnoăng cheăng ki châ pơcháu, tâi tâng kơxo# on tơhrik nôkố châ vâ chê 1 rơtal 600 kWh, tâk châ 10,4% tâng pơchông [ă khế kố hơnăm 2017. Kơxo# on tơhrik xúa vâ mơ’no [ă xing xoăng ai 5,6%, yă tê on tơhrik châ 1.727 liăn/kWh.

Rơtế [ă ivá mơ-eăm rak tơniăn ‘no on tơhrik đi đo, tơniăn kum ăm tơdroăng ki cheăng kâ, xúa rêm hâi, tung hơnăm kố, ko\ng ti hiăng pơkâ tơleăng ‘no on tơhrik 82 kế tơmeăm, tung pơla pơkâ hơ’lêh mâu tíu ki ối tung tơdroăng pôu râng dêi kơvâ on tơhrik ai 2,93 hâi/kế tơmeăm. Rơtế amê, mâu túa pơkâ ki nâp liăn on tơhrik châ pơkâ hơ’lêh, pro tơ’lêi hlâu ăm tơmối tung pơla xúa on tơhrik.

A hneăng hôp, kăn pơkuâ ko\ng ti hiăng hmâng hên rơkong tơpui tối dêi mâu kuăn pơlê tung xúa on tơhrik, tơdrêng amê hnối mơnê tơdroăng ki veăng to\ng kum [ă tối tơbleăng tơdroăng ki xơpá dêi tơmối [ă kơvâ on tơhrik tung pơla hdrối kố nah.

Pôa Lê Hoài Nhơn, kăn pho\ pơkuâ Ko\ng ti On tơhrik Dak lak ăm ‘nâi, ko\ng ti kô pơtối pêi pro hên troăng hơlâ mơdêk ki dâi le\m, séa ngăn tơdroăng ki hâk vâ dêi mâu kuăn pơlê vâ ai túa pơkâ tơtro kum ăm tơmối rế hía rế tro tâ.

Katarina Nga tơplôu [ă tơbleăng