VOV4.Sêdang - Kơxo lơ 9/1, pôa Nguyễn Xuân Phúc, Ngế pro xiâm Hnê ngăn tơnêi têa pơkuâ hneăng hôp mơ’no tơdrêng tung um tơvi lâp tơnêi têa mơgêi mâu tơdroăng mơhnhôk [ă khe\n kơdeăn tơdroăng hiăng pêi pro ‘’Hơnăm hnê mơhnhôk mâu kăn’’ hơnăm 2019, tơbleăng tơdroăng vâ pêi tung hơnăm 2020.

Tối mâu tơdroăng cheăng hnê mơhnhôk hơnăm 2019, pôa Nguyễn Xuân Phúc tối, pin hiăng hơ’leh troăng hơlâ pêi cheăng ‘’kuăn pơlê ‘nâi, kuăn pơlê tơpui, kuăn pơlê pêi, kuăn pơlê séa ngăn’’ tung hên tơdroăng cheăng vâ pơtối rak vế hnoăng cheăng, hriăn pêi ki nếo dêi kuăn pơlê ki veăng tơpui tơno mâu tơdroăng vâ pêi dêi pơlê, dêi tơnêi têa.

Ngế pro xiâm hnê ngăn tơnêi têa xông tơpui a Hneăng hôp

Tung hơnăm 2020, hơnăm tơnêi têa ai hên tơdroăng kal, Ngế pro xiâm hnê ngăn tơnêi têa tối tiah kố, tơdroăng hnê mơhnhôk thế pêi pro tiô pơkâ dêi Chin phuh tung hnoăng cheăng, tơdroăng vâ pêi tơbleăng cheăng kâ-rêh ối [ă troăng hơlâ pơkâ pêi ‘’Luât pơkâ, pêi tro tơdrăng, pêi pro thế ai hnoăng cheăng [ă tơdroăng ki pêi, ‘nâi hriăn ki nếo, pêi tơ-[rê’’. Mâu kăn rêm râ thế hvái ngăn mâu kuăn pơlê [ă kơ koan Tơnêi têa.

 Gương tơplôu [a\ tơbleăng