VOV4.Sêdang - Hneăng hôp cheăng kâ Việt Nam 2019 kô po tung 2 hâi, sap lơ 16 – 7/01 la ngiâ a Hà Nội, xua tơdroăng ki pơkuâ po dêi pôa Nguyễn Xuân Phúc, Ngế pro xiâm hnê ngăn tơnêi têa.

Kố cho tơdroăng ki tối tơbleăng châ Khu ngăn cheăng kâ Tơnêi têa pơkâ mơ’no a rôh trâm mâ khu chêh hlá tơbeăng a kơxo lơ 11/1 a Hà Nội. Tơkâ luâ péa hneăng rôh po hneăng hôp rôh má 1 a khế 6/2017 [ă rôh má 2 a khế 1/2018, hneăng hôp cheăng kâ Việt Nam hơnăm kố châ po rơdâ ‘na túa pơkâ, kơxo# ngế tơmối, tơmối ki châ krếo thế veăng [ă mơdêk ‘na ki rơkê ple\ng tung tơpui tơno, malối cho tơdroăng ki ai mâ dêi mâu khu tơpui kâ troăng xiâm.

Hneăng hôp châ tơku\m po vâ tơpui tơno mâu tơdroăng ki kân ‘na cheăng kâ, tơdrêng amê, hnối pơkâ troăng hơlâ ăm tung la ngiâ, malối cho tung tơdroăng ki mơnhên tối hnoăng cheăng kâ dế nôkố, châ ‘nâi mâu rôh, tơpá ‘na pơloăng mơnúa ‘na cheăng kâ, pơkâ mơ’no pâ thế mâu troăng hơlâ pơkâ kân vâ mơdêk hơ’lêh nếo [ă mơnhông cheăng kâ rêh ối pơlê pơla dêi Tơnêi têa.

Katarina Nga tơplôu [ă tơbleăng