VOV4.Sêdang - Kơxo kố, lơ 28/2, hâi má péa dêi hneăng hôp khu râ kăn xiâm a Việt Nam, pôa Donald Trump, Kăn xiâm pơkuâ kong têa Mih prế pôa Kim Jong-un, Kăn xiâm pơkuâ kong têa Triều Tiên ai roh trâm krê ton 45 phut. Péa ngế kăn xiâm pơkuâ kơ’nâi mê kô hôp péa pâ po rơdâ rơtế [ă mâu khu kăn pơkuâ [a\ kâ hmê a kơhâi dế. Pôa Trump prế pôa Kim kô k^ tơkêa môi tuăn tơdjuôm a kơxê ki mê, kơ’nâi mê tơku\m po roh hôp [ă khu chêh hlá tơbeăng.

Hdrối mê a kơmăng lơ 27/2, péa kăn xiâm pơkuâ kong têa hiăng trâm dêi pó a hngêi ăm tơmối kâ koi ối pơtê cho a hngêi kân Sofitel Metropole Hà Nội. Tung roh tơpui tơno, pôa Donald Trump tối Triều Tiên cho tơnêi têa ai hên tơmeăm khoăng ki vâ mơnhông cheăng kâ ki kân. Pôa tơmiât, pôa Kim Jong-un kô chông djâ troh môi hneăng la ngiâ ki xông tơtêk ó ăm tơnêi Triều Tiên, [a\ Mih kô kum tơdroăng ki mê há.

Tơdrêng amê, pôa Kim Jong-un tối ăm ‘nâi, lâp plâi tơnêi hiăng ‘’hlê ple\ng tá tro’’ tơru\m cheăng pơla Mih – Triều Tiên klêi kơ’nâi hneăng hôp khu râ kăn xiâm po a kong têa Singapore hơnăm nah. Pôa pói vâ hneăng hôp a Hà Nội djâ troh ‘’môi tơdroăng châ tơ-[rê ăm rêm ngế phiu ro’’.

Klêi kơ’nâi roh kâ hmê kơxê măng, drêng châ kơ-êng pôa hôm tơpui phá tơ-ê rơkong tơkêa mơnhên ki pro kơtăng drêng ôh tá ăm phep mơjiâng trếo tik nik a rơlố Triều Tiên lơ ôh, pôa Trump tối, pôa ôh tá ai pơkâ kơtăng ti mê. La pôa xuân tối ăm ‘nâi, kô séa ngăn vâ pơkâ tơbleăng pơtê lăm plâ Triều Tiên.

***Kuăn pơlê kơpong peăng mâ hâi lo pá kơnho\ng châu Á xuân môi tiah kuăn pơlê Mih dế séa ngăn tu\m tơdroăng, nah ai tơbleăng châ mơ’no ing Hneăng hôp râ kăn xiâm Mih – Triều Tiên a Hà Nội. Mâu tơdroăng séa ngăn ăm hlo, ki hên kuăn pơlê Mih ai mơnhên tối tơtro ‘na roh trâm mâ râ kăn xiâm a Hà Nội, tối tiah kố, péa kăn xiâm pơkuâ kong têa kô châ môi tuăn ‘na mâu troăng prôk ki nhên po rơdâ 4 tơdroăng tung tơpui tơno môi tuăn châ tơ-[rê a roh trâm mâ hneăng má môi a kong têa Singapore.

Kuăn pơlê xuân mơnhên péa pâ kô châ vâ môi tuăn ‘na tơdroăng mơjiâng tơpui tơno [a\ dêi pó a pơlê kong xiâm dêi pó. Mâu ngế ki rơkê Mih ối mơnhên tối, a Hà Nội, pôa Kim Jong-un prế pôa Donald Trump kô pơkâ troăng prôk tơdjuôm vâ mâu râ kăn pêi cheăng dêi péa pâ pơtối tơpui tơno, po rơdâ mâu troăng prôk ki nhên tung la ngiâ.

A Sa Ly tơplôu [ă tơbleăng