VOV4.Sêdang - Kơxo lơ 12/12, a Hà Nội, pôa Nguyễn Xuân Phúc, Ngế pro xiâm hnê ngăn tơnêi têa pin hiăng veăng hôp tơpui tơno ‘na mơdró kâ Việt Nam, dó inâi VBF hơnăm 2017 [ă tơdroăng cheăng xiâm ‘’20 hơnăm rơtế prôk [ă pơlê pơla mơdró kâ [ă prôk troh mâu hnoăng cheăng mơnhông mơdêk pêi cheăng kâ-rêh ối pơlê pơla hơnăm 2020’’.

Hneăng hôp roh kố, ai 3 roh, [ă mâu tơdroăng ki pơxá inâi: Thăm mơnhông mơdêk ‘na ivá cheăng [ă khu kuăn mơngế vâ thăm mơnhông kơvâ cheăng kơmăi kơmok; thăm mơnhông ‘no liăn ăm kơpong mơngế krê vâ khoh tơniăn ‘na liăn cheăng kâ [ă ‘mâi rơnêu tíu ki mơdró kâ, to\ng kum tơ’lêi hlâu ăm khu mơdró kâ krê châ tơtêk hên tâ.

Péa chât hơnăm hiăng luâ, Chin phuh đi đo pơkuâ hnê ngăn hên khât ‘na túa chêh pro hlá mơ-éa, pơtối tah lôi sap ing 1/3 chu troh a tơdế túa ki chêh pro hlá mơ-éa ki vâ ‘no liăn pêi cheăng kâ; pơtối ‘mâi rơnêu tơdroăng pêi cheăng kâ ‘no liăn mơdró rế hía rế châ tơbriât tơxup, tơ’lêi hlâu, tơniăn [ă châ tơ-[rê.

Nhat Lisa tơplôu [ă tơbleăng