VOV4.Sêdang - Klêi châ ‘nâi hlo ai tíu tâ tú pú hên 7 ngế F0 tung kuăn pơlê a pơlê kong kơdrâm Kon Tum, hâi lo 24/10, Vi ƀan kong pơlê Kon Tum hiăng môi tuăn ƀă tơdroăng pơkâ dêi Khu xiâm ngăn hnê hriâm  ƀă hnê tuăn ngôa rơkê pơlê kong tơdrâm Kon Tum pơtê hriâm, tơdroâm pú hên ƀă pơkâ mơjiâng kơpong klâ krê tối tơbleăng tơná a hngêi pơkeăng kơpong ai tâ pơreăng a kơpong ai pơreăng COVID-19 tung kuăn pơlê. Ing mê pơxiâm sap hâi kố, lơ 25/10, tâi tâng mâu khu ngăn hnê hriâm ƀă hnê mơjiâng tuăn ngôa rơkê  tung pơlê kong kơdrâm Kon Tum pơtê hnê hriâm tơchoâm a hngêi trung. Mâu vâi o hok tro kô ối a hngêi hriâm tiô troăng internet. Mâu hok tro kô ối a hngêi pơhlêh hriâm tiô troăng internet ƀă mâu tơdroăng hriâm ki tơtro.

Kăn hnê ngăn Viƀan pơlê kong kơdrâm Kon Tum séa ngăn tơdroăng pêi pro klâ krê

Tơdroăng vêh hriâm a hngêi trung nếo dêi vâi o ngăn tiô kơ tơdroăng pơreăng tâ tú tung pơlê kong kơdrâm Kon Tum. Tơdjâk  7 ngế F0 tung kuăn pơlê a pơlê kong kơdrâm Kon Tum, Vi ƀan kong pơlê Kon Tum hiăng pơkâ  mơjiâng klâ krê  kơpong ai tâ pơreăng a Tôh 6, bêng Quang Trung, pơlê kong kơdrâm Kon Tum vâ hbrâ, mơdât pơreăng Covid-19.  Hngêi pơkeăng pơlê kong kơdrâm Kon Tum rôh apoăng pơkâ 113 ngế F1, ƀă 168 ngế F2.  

Gương tơplôu ƀă tơbleăng