Dak Lak hbrâ mơdât pơreăng tơngê lo mơheăm tung rơnó mêi
Thứ tư, 11:00, 12/06/2024
Tơplôu: Gương/VOV Tây Nguyên
![Tơplôu: Gương/VOV Tây Nguyên](/themes/custom/vov_4/images/avatar.png)
VOV4.Xơ Đăng - Dak Lak dế mot tung rơnó mêi, cho rôh tơ’lêi hlâu tri trôu vâ kơtâ hên pro ai pơreăng tơngê lo mơheăm ƀă cho rơnó tri trô kơtâ ai kuăn hên.
Tiô Tíu xiâm Séa ngăn mơdât pơreăng CDC kong pơlê Dak Lak, sap apoăng hơnăm 2024 troh nôkố, lâp tung kong pơlê xo lối 300 ngế tơngê lo mơheăm a 15/15 tơring, pơlê kong krâm, kong kơdrâm. Kơxô̆ mơngế tro tơngê lo mơheăm ki hên a pơlê kong kơdrâm Ƀuôn Ma Thuột, tơring Ea Kar ƀă Krông Pač.
![Kơdê kiâ ngu ngĕng, ôa hdrong tung mâu vó hdoăng têa cho tơdroăng ki tro vâ hbrâ mơdât pơreăng tơngê lo mơheăm](https://vov4-media.solidtech.vn/sites/default/files/styles/large/public/2024-06/diet_loang_quanng_bo_gay_trong_cac_T-7--dung_cu_chua_nuoc_la_bien_phap_huu_hieu_phong_chong_sot_xuat_huyet_20240611173238.jpeg)
Tiô tối tơdjuôm, Dak Lak dế mot tung rơnó mêi tơ’lêi ai pơreăng tơngê lo mơheăm xông tâ tú lâp lu. Pôa Hoàng hải Phúc, Ngế pơkuâ CDC Dak Lak ăm ‘nâi, vâ séa ngăn krâu kâi mơdât pơreăng tơngê lo mơheăm, kơvâ ngăn pơkeăng hiăng mơdêk tơrŭm ƀă mâu kơ koan chêh hlá tơbeăng hnê tối ‘na hbrâ mơdât pơreăng, mơdêk séa ngăn mơdât pơreăng tung kong pơlê, ngăn tíu ki lâi ai hên ngế tro tơngê lo mơheăm vâ teăm xôh pơkeăng kơdê pơreăng.
Viết bình luận