Akố, hên kăn ƀô̆  kơvâ ngăn pơkeăng hiăng tối mâu tơdroăng ki kal rĕng tah. Môi tung mâu tơdroăng ki kal cho  tơdroăng hrá nâp liăn khăm pơlât bảo hiêm  luâ tơdroăng tối hdrối. Pôa Nguyễn Đăng Giáp, Ngế pơkuâ hngêi pơkeăng kân kơpong Tây Nguyên ăm ‘nâi, hngêi pơkeăng hiăng pêi luâ tơdroăng tối hdrối ai lối 54 rơtal liăn  la troh nôkố hâi châ tơvêh, pro hên tơdroăng xơpá. Pôa pâ thế kal pơ’lêh tơdroăng lơ ăm phêp pơtân. pakĭng mê, hên ngế tối tô tuăn tơdroăng tơ’mot cheăm, tơring kô tơdjâk kơpong  hơngế hơngo.

Kuăn pơlê kal ai pơkâ ƀă troăng hơlâ tơtro   tiô kơ tơdroăng ki ai khât dêi tơrêm cheăm tơring. Mâu tơdroăng pâ thế xuân tối tơdroăng xơpá tung tơbleăng pro pơkeăng, rôe pơkeăng, ôh tá ai mơngế ki pêi cheăng tro luât, tơdroăng ăm kâ liăn iâ ƀă tơdroăng tơbleăng tơmeăm ki pro chiâng pơkeăng ôh tá tro hlo hên hĭn. Khu kăn kuô̆k hô̆i kong pơlê tơhrâ mơgêi, pâ thế troh mâu kăn ƀô̆, kơvâ cheăng a rôh hôp  Kuô̆k hô̆i la ngiâ.